Kutsama 23:7 - Digo Bible

⁷ Dzitenge na maneno ga handzo tsona usiolage mutu asiye na kosa au mutu wa haki, kpwa sababu mutu mui dza iye, sindamuonera mbazi tse.

Kutsama 23:7 Referans Kwoze

Aefeso 4:25

Phahi richani handzo. Chila mmwenga ni lazima amuambire myawe kpweli, mana hosi hu vilungo vya mwiri mmwenga.

Kumbukumbu 27:25

“ ‘Naalaniwe mutu yeyesi ndiyephokera hongo ili aolage mutu asiyekala na kosa.’ Na atu osi andaamba, ‘Amina!’

Kutsama 34:7

Nindaaonyesa mendzwa isiyosika maelufu na maelufu ga vivyazi na niaswamehe uasi na dambi zao. Ela piya sindaricha kuatiya adabu atu arionikosa, ana na ana aho a chivyazi cha hahu na cha ne kpwa dambi za avyazi ao.”

Kutsama 23:1

“Usitangaze maneno ga handzo, tsona usimkanire mutu mui kpwa kumlavira ushaidi wa handzo.

1 Athesalonike 5:22

chisha mdzitenge na chila aina ya uyi.

Alawi 19:11

“Msiiye, msigombe handzo wala kuchengana.

Arumi 1:18

Mlungu mwenye waonyesa wazi kukala indabidi aatiye adabu kali atu osi ambao taamuogopha na ambao kpwa sababu ya ndzimo zao mbii anapinga ukpweli wa Mlungu.

Luka 3:14

Na asikari nao achimuuza, “Dze, swino huhendedze?” Achiaambira, “Msihale pesa za atu kpwa nguvu wala msizige mutu. Toshekani na mishahara yenu.”

Nahumu 1:3

Mwenyezi Mlungu katsukirwa upesi na ana nguvu nyinji, wala kandasita bii kumtiya adabu mutu mwenye makosa. Pho anyendekapho nkukala na chikulukulu na phuto, na maingu ni vumbi ra nyayoze.

Isaya 33:15

Ela hinyo asagalao kpwa kuhenda haki na kugomba kpweli, hinyo aremao kuhala pesa kpwa nguvu na asiokubali hongo, hinyo asiodzihusisha na njama za kuolaga na asioshiriki kuhenda mai,

Misemo 17:15

Mwenyezi Mlungu nkuzira mutu aamulaye chiyehenda makosa kukala ana haki na asiye makosa kukala akakosera.

Ayubu 22:23

Uchimuuyira ye Mwenye Nguvu Zosi, uchigbwa maguluni, na kuusa gasigokala ga haki kure na hemaro,

Kutsama 20:13

“Usiolage.

Mwandzo 18:23

Chisha Burahimu achisengera phephi na achiamba, “Dze, undaangamiza atu a haki phamwenga na nyo ayi?

Kutsama 20:16

“Usimzige myao na dzambo ra handzo.

Alawi 19:16

Usiphiye hiku na hiku kusengenya ayao. Usitiye myao kpwenye hatari ya chifo kpwa kulavya ushaidi wa handzo. Mimi, ndimi Mwenyezi Mlungu.

Kumbukumbu 25:1

Musa waenderera kugomba achiamba, “Ichikala phana lau kahi ya atu airi nao aphiye kpwa angambi kulamula lau rao, mmwenga achionekana wa haki na wanjina achihukumiwa,

Zaburi 94:21

Ao nkuungana ili aangamize maisha ga atu a haki, na kuamula atu asio na makosa aolagbwe.

Zaburi 119:29

Nirinda nisigombe handzo, na kahi ya mbazizo nifundza shariyayo.

Misemo 11:21

Hakika atu ayi andatiywa adabu, ela atu anaoogopha Mlungu andaokolwa.

Isaya 5:20

Shaka hiro kpwa hinyo aonao uyi kukala ni unono na unono kukala ni uyi. Hinyo aonao jiza kukala ni mwanga na mwanga kukala ni jiza. Aonao chitu cha mtswano kukala ni cha utsungu na cha utsungu kukala ni cha mtswano!