Kutsama 22:23 - Digo Bible

²³ Mchiahendera mai gogosi na achiniririra kuhusu munagoahendera nindaphundza chiriro chao,

Kutsama 22:23 Referans Kwoze

Luka 18:7

Phahi, Mlungu andaahendera haki atu oatsambula akale atue, amririrao na kumvoya usiku na mutsi. Na wala kandakaa kuaterya.

Zaburi 18:6

Katika kugaya kpwangu námuiha Mwenyezi Mlungu, námririra Mlungu wangu. Naye wasikira sauti yangu kula mo mwakpwe nyumbani, masikiroge gachiphundza chiriro changu.

Ayubu 34:28

Aho ahenda chiriro cha achiya chichimfikira, naye achisikira chiriro cha agayao.

Kumbukumbu 15:9

Dzimanyirireni sedze mkaaza mambo mai mwenu mioyoni, mukaamba, ‘Mwaka wa sabaa, mwaka wa kuswamehe adeni u phephi,’ na mkakosa kumlolato ndugu yenu mchiya na mkarema kumkopesha. Muchihenda hivyo, iye anaweza kumririra Mwenyezi Mlungu kpwa sababu yenu na iyo indakala dambi kpwenu.

Jakobo 5:4

Lolani! Mwarema kuripha atu ariokuhenderani kazi mwenu mindani. Nayo mishahara ambayo taiyariphiwa inakuririrani. Chiriro cha hinya avunadzi chamfikira Mwenyezi Mlungu, Mlungu wa majeshi.

Ayubu 35:9

Kpwa sababu ya kuonerwa sana, atu nkurira, nkuririra msada kpwa go ahenderwago ni atu enye mkpwotse.

Zaburi 145:19

Nkuatimizira haja zao osi amuogophao, tsona nkusikira chiriro chao na kuativya.

Zaburi 140:12

Namanya kukala Mwenyezi Mlungu anakanira achiya, na kuahendera haki agayi.

Kumbukumbu 24:15

Chila siku, kabila dzuwa taridzangbwetswa, mriphe mshaharawe wa siku hiyo, mana iye ni mchiya na hinyo mshahara ndio anaoadamira, sedze akamririra Mwenyezi Mlungu nawe ukakala na dambi.

Kutsama 22:27

Mana kana nguwo yanjina ya kudzibwiningiza hata ni iyo bahi, na usiphomuuyizira andadzibwiningizani? Manya kukala achiniririra kpwa sababu ukasala na nguwoye, nindamphundza kpwa sababu mimi ni Mlungu wa mbazi.

Kumbukumbu 10:18

Anakanira haki za anachiya na magungu na anaamendza ajeni asagalao kahi yenu na kuapha chakurya na nguwo.

Zaburi 10:14

Ela uwe unaona yo ziki na yo shida anayosababisha, nawe u tayari kuatiya adabu. Mnyonje anakuadamira uwe uwe ndiwe msada wa anachiya.

Zaburi 68:5

Mlungu, asagalaye kpwenye makaloge matakatifu, ni baba wa anachiya na mrindzi wa magungu.

Sonono za Jeremia 5:3

Hukakala anachiya, asio na baba, mayo zehu ni magungu.