Kutsama 15:10 - Digo Bible

¹⁰ Ela wareha phutoro naro richipiga, nago madzi ga bahari gachiabwiningiza, aho azama vilindi vya bahari dza chuma chiziho cha risasi chizamavyo kpwenye madzi manji.

Kutsama 15:10 Referans Kwoze

Isaya 11:15

Mwenyezi Mlungu andaumisa mkpwono wa bahari ya Misiri. Andatsupha mkpwonowe dzulu ya muho Yufurati na auganye vidzuho sabaa kpwa phutore ra kuocha ili atu aweze kuvuka na magulu.

Kumbukumbu 11:4

msiyale arigohendera jeshi ra Misiri, farasi aho na magari gao ga kuvwehwa ni farasi, vira arivyohosa jeshi hiro kpwenye Bahari Ya Shamu ririphokala rinakulungani, na vira Mwenyezi Mlungu arivyoangamiza jeshi hiro hadi hivi rero.

Kutsama 15:5

Vivwa vya madzi vyaabwiningiza, azama tsini ya bahari dza mawe.

Kutsama 14:21

Ndipho Musa wagolosa mkpwonowe dzulu ya bahari, na usiku wosi Mwenyezi Mlungu wareha phuto kali kula mlairo wa dzuwa. Phuto hiro rahendesa madzi ga bahari gaganyike hiku na hiku, na pho kahi-kahi phachikala tsi kavu.

Mathayo 8:27

Hara atu achiangalala, achiuzana, “Ni mutu wa viphi yuno ambaye anasikizwa hata ni phuto na maimbi?”

Amosi 4:13

Kpwa mana lolani, iye atengezaye myango na kuumba phepho ahendaye mwanadamu akamanya maazoge iye ahendaye ligundzu kukala na jiza, na kuvyoga mwatu mwa dzulu mwa tsi, dzinare ni Mwenyezi Mlungu, Mlungu wa majeshi.

Jeremia 10:13

Atuluzapho sauti, madzi nkuvuma ko mlunguni, nkuhenda guro rikapanda kula pembe za tsi. Nkuhenda limeme wakati wa mvula, na kureha phuto kula kpwenye nyumbaze za kuikira akiba.

Zaburi 147:18

Chisha nkugomba neno gakatsatsamuka, akavumisa phutore, na madzi gakajera.

Zaburi 135:7

Iye ndiye ahendaye maingu gakazuka, chila pembe za dunia atengezaye limeme ra mvula, na kureha phepho kula kpwenye nyumbaze za kuika hazina.

Mwandzo 8:1

Halafu Mlungu wamtambukira Nuhu na nyama osi okala nao himo melini; achireha phuto duniani na gara madzi gachiandza kuphunguka.

Misemo 30:4

Ni ani ariyepanda mlunguni na kutserera photsi? Ni ani ariyefukanya phepho na fumbare? Ni ani ariyefunganya madzi bindoni? Ni ani ariyeimarisha pembe za dunia? Dzinare ndiye ani na mwanawe aihwadze? Niambira napho unammanya!

Jeremia 46:17

Muhaseni Farao, mfalume wa Misiri, ‘Ye mwenye kululu achiyekosa nafwasiye.’

2 Samueli 18:8

Viha vyagota tsaka rosi, na ariofwa mo tsakani siku iyo akala anji kuriko hara arioolagbwa na upanga.

Nehemia 9:11

Uwe waiganya bahari mbere zao, nao achitsupa kpwenye tsi kavu mo baharini, ela uchitsupha ariokala anaazoresa kpwenye chivwa, dza dziwe ritsuphiwavyo kpwenye china cha madzi.