Kutsama 12:12 - Digo Bible

¹² “Usiku hinyo-hinyo nindazunguluka tsi yosi ya Misiri, niolage ana avyere osi a chilume a anadamu na a nyama. Nindaitiya adabu milungu yosi ya Misiri, mana mimi, ndimi Mwenyezi Mlungu.

Kutsama 12:12 Referans Kwoze

Isabu 33:4

Amisiri ariphokala anazika ana aho alume a kpwandza ariokala akaolagbwa ni Mwenyezi Mlungu, mana Mwenyezi Mlungu kala akaamula milungu yao.

Kutsama 12:23

Mwenyezi Mlungu andazunguluka tsi ndzima ili aolage Amisiri. Wakati achiona milatso dzulu ya chizingiti na mimo, kandamricha malaika aangamizaye ainjire mwenu madzumbani akuolageni.

Zefania 2:11

Mwenyezi Mlungu andaaogofyera, mana andabananga-bananga milungu yosi kpwenye yo tsi, na atu a pwani zosi andamsujudiya kuko kpwenye tsi zao.

Ezekieli 12:16

Ela achache ao ndaaricha moyo asiolagbwe kpwa upanga, asihirike na ndzala wala asifwe na ukongo. Ili ko ndikophiya kpwenye mataifa ganjina, akatambukire mahendo gao ga kutsukiza; chisha amanye kukala mimi, ndimi Mwenyezi Mlungu.”

Jeremia 43:13

Mumo kpwenye nyumba ya kuvoya mlungu wa dzuwa ko Misiri, andabomola nguzo za milungu ya Misiri na kuzitiya moho zo nyumba za kuvoya milungu ya dzuwa.’ ”

Isaya 19:1

Hino ni ruwiya kuhusu Misiri. Lola, Mwenyezi Mlungu aredza Misiri dzulu ya ingu riphiyaro mairo. Ndiphotsembuka, vizuka vya Misiri vindakakama na Amisiri andasirirwa ni nguvu kpwa wuoga.

Zaburi 82:6

Náamba, “Mwimwi mu milungu, mosi mu ana a Iye Ariye Dzulu Kuriko Vyosi.

Zaburi 82:1

Mlungu akahala nafwasiye kahi za mkpwutano hiko mlunguni, analavya uamuli kahi-kahi ya milungu.

Kutsama 6:2

Mlungu piya wamuamba Musa, “Mimi, ndimi Mwenyezi Mlungu.

Amosi 5:17

Mo minda yosi ya mizabibu mundakala na chiriro, mana nindatsupira kahi-kahi yenu nkutiyeni adabu,” Mwenyezi Mlungu anaamba.

1 Nyakati 14:12

Afilisti aricha milungu yao phapho, na Daudi walagiza, nayo ichiochwa na moho.

1 Samueli 5:3

Atu a mudzi wa Ashidodi, aripholamuka chiti siku ya phiriye, akuta chizuka cha Dagoni chikagbwa photsi chimabumabu, mbere za sanduku ra Mwenyezi Mlungu. Achichihala achichiimisa tsona phatuphe.

Kutsama 22:28

Usimkufuru Mlungu, wala kumlani mtawala wa atuo.

1 Samueli 6:5

Kpwa hivyo tengezani vizuka vya maphu genu na vizuka vya kotso enu, abanangao tsi yenu; na mumuishimu ye Mlungu wa Iziraeli. Mendzerepho andaphunguza iyo nduni iriyo dzulu yenu na dzulu ya milungu yenu na dzulu ya tsi yenu.

Kutsama 21:6

undamuhala uphiye naye mbere za Mlungu. Uchifika hiko muimise mryangoni ama chizingiti cha mryango, uhale mwityo umuombole sikiro, naye andakala mtumwao maishage gosi.

Kutsama 18:11

Vivi sambi ninamanya kukala Mwenyezi Mlungu ni mkpwulu kuriko milungu yosi yanjina. Waonyesa higa kpwa kuativya Aiziraeli na mateso ga Amisiri, ambao kala akaabera.”

Zaburi 135:8

Iye ndiye ariyeolaga ana a mwandzo a chilume a Misiri, a binadamu na a nyama.

Jeremia 43:12

Andazitiya moho zo nyumba za kuvoya milungu ya Misiri na kuihala mateka yo milungu yao. Dza mrisa adondolavyo tsaha mwakpwe nguwoni, ndivyo Nebukadineza ndivyo dondola chila chitu mo tsi ya Misiri na kuuka kuko na amani.

Jeremia 46:25

Mwenyezi Mlungu, Mlungu wa majeshi, Mlungu wa Iziraeli waamba, “Lola, nindamtiya adabu Amoni, mlungu wa Thebesi, Farao, Misiri na milunguye na afalumee na aho akuluphirao Farao.

Kutsama 9:6

Kuriphocha, Mwenyezi Mlungu wahenda vyokala akagomba. Mifugo yosi ya Amisiri yafwa, ela takuna hata nyama mmwenga wa Aiziraeli ariyefwa.

Zaburi 91:7

Hata atu elufu achifwa mkpwonoo wa kumotso, na elufu kumi achifwa uphande wa mkpwonoo wa kulume, ela we, chifo tachindakuphaha.

Zaburi 95:3

Mana Mwenyezi Mlungu ni mkpwulu, ndiye mfalume mkpwulu kushinda milungu yanjina yosi.