Kutsama 10:4 - Digo Bible

⁴ Uchiaremeza kuuka, rorera! Muhondo nindareha ndzije kpwenye tsiiyo.

Kutsama 10:4 Referans Kwoze

Maono 9:3

Alafu mo mosini mwatuluka ndzije achimwagikana duniani. Ahewa uwezo wa kupashira na kungʼata dza viratu visuse virivyo.

Joeli 2:25

Nami nindakuuyizirani miaka yosi iriyoriwa ni ndzije angu anji nrioahuma kpwedzarya mimea yenu: yariwa ni maipho ga ndzije akulu na ndzije adide, na ipho ra ndzije anjina na fumbiri.

Misemo 30:27

Ndzije taana mfalume ela aphiya phamwenga maipho-maipho.

Kutsama 9:18

Kpwa hivyo, muhondo saa dza zizi nindareha mvula kali ya mawe, ambayo taidzangbwenya Misiri hangu iandze hata rero.

Kutsama 9:5

Na Mwenyezi Mlungu achipanga wakati achiamba, “Muhondo, Mwenyezi Mlungu andahenda gaga kpwenye yo tsi.”

Kutsama 8:23

Nindaonyesa tafwauti ya atu angu na atuo. Ishara ihi indahendeka muhondo.’ ”

Kutsama 8:10

Farao achimuamba Musa, “Nalonda uvoye muhondo.” Naye Musa achiamba, “Nindahenda utakavyo ili umanye kukala takuna mlungu wanjina dza Mwenyezi Mlungu, Mlungu wehu.

Kutsama 10:3

Phahi Musa na Aruni aphiya kpwa Farao achendamuamba, “Mwenyezi Mlungu, Mlungu wa Aeburania, anakuamba, ‘Kundagbwa maguluni mbere zangu hadi rini? Ariche atu angu auke ili akaniabudu.

Kutsama 10:5

Andafwinika yo tsi hata ikale taionekana. Nao andarya chila chitu ambacho chasazwa ni mvula ya mawe, na hata iyo mihi imerayo mwenu mindani.

Kumbukumbu 28:38

Undaphanda mbeyu nyinji ela undavuna chidide tu kpwa sababu ndzije andarya mavunogo.

Kutsama 4:23

Nákuambira umriche mwanangu auke ili akaniabudu. Ela uchirema kumrichira mwanangu aphiye vyakpwe, phahi nindaolaga mwanao mvyere wa chilume.’ ”

Kutsama 5:1

Bada ya kukutana na atumia, Musa na Aruni aphiya kpwa Farao achendamuamba, “Mwenyezi Mlungu, Mlungu wa Iziraeli anaamba, ‘Ariche atu angu aphiye jangbwani ili akahende sharee ya kuniabudu.’ ”