Kumbukumbu 7:17 - Digo Bible

¹⁷ “Mendzerepho munaamba hivi mwenu mioyoni, ‘Atu hinya ni anji kuriko swiswi, hunawezadze kuazola kula kpwenye tsi yao?’

Kumbukumbu 7:17 Referans Kwoze

Isabu 33:53

Namwi mundaihala yo tsi na msagale mumo, mana nikakuphani mwimwi ikale yenu.

Isabu 13:32

Kpwa hivyo achieneza habari mbii kahi ya Aiziraeli kuhusu yo tsi ariyoipeleleza achiamba, “Yo tsi huriyoipeleleza ni tsi ya ndzala, na nyo atu osi hurioaona kuko ni akulu.

Luka 9:47

Ela wamanya anafundzie aazago, hipho, wahala mwanache mdide na achimuimisa phephi naye.

Isaya 49:21

Phapho ndipho ndiphogomba chimoyo-moyo uambe, ‘Ni ani ariyenivyarira ana hano? Náfwererwa na nchikala siweza kuphaha anjina, nchihalwa mateka nchiphirikpwa kure. Vino ni ani ariyearera hano? Kala nkarichwa machiyangu, vino hano alaphi?’ ”

Isaya 47:8

Sambi phundza gaga uwe unaye starehe, phundza uwe usagalaye na kudziona u salama, uambaye mwako moyoni, ‘Ni mimi bahi, na takuna wanjina. Sindakala gungu wala kufwererwa ni ana.’

Isaya 14:13

Mwenye kala unadziamba, ‘Nindapanda hadi dzulu mlunguni, nindaika chihi changu cha utawala dzulu kutsupa nyenyezi za Mlungu. Nami nindasagala dzulu ya mwango wa mkpwutano, hiko dzulu sana.

Kumbukumbu 18:21

“Mendzerepho mundadziuza, ‘Hundawezadze kumanya neno ambaro Mwenyezi Mlungu kagombere?’

Kumbukumbu 15:9

Dzimanyirireni sedze mkaaza mambo mai mwenu mioyoni, mukaamba, ‘Mwaka wa sabaa, mwaka wa kuswamehe adeni u phephi,’ na mkakosa kumlolato ndugu yenu mchiya na mkarema kumkopesha. Muchihenda hivyo, iye anaweza kumririra Mwenyezi Mlungu kpwa sababu yenu na iyo indakala dambi kpwenu.

Kumbukumbu 8:17

Ela manyirirani sedze mukaamba mwenu mioyoni, ‘Utajiri uhu hwauphaha kpwa uwezo wehu na chadi chehu enye.’

Jeremia 13:22

Na mo mwako moyoni uchiamba, “Kpwadze nkafikpwa ni mambo higa?” Mambo gaga gakahendeka kpwa sababu ya uyio ndiyo mana nguwoyo ikasegbwa na kuhendwa vibaya.

Isabu 21:34

Ela Mwenyezi Mlungu achigomba na Musa achimuamba, “Usimuogophe, mana nikamtiya mwako mikononi, phamwenga na atue na tsiiye. Undamuhenda dza urivyomuhenda Sihoni mfalume wa Aamori, yekala anasagala Heshiboni.”

Kumbukumbu 1:28

Hunaambuka kuphiyaphi phahi? Naswi hukavundzwa moyo ni ndugu zehu ariphohuambira kukala atu a hiko ni akulu na are kuriko swiswi. Na kukala midzi yao ni mikulu na yenye kuta zinazofika mainguni. Piya aona gara madzitu makulu, ga chivyazi cha Anaki.”

Joshuwa 23:3

namwi mkaona gosi ambago Mwenyezi Mlungu akahendera mataifa higa gosi kpwa sababu yenu. Mana ni Mwenyezi Mlungu, Mlungu wenu ndiye yekupigirani viha.