Kumbukumbu 34:8 - Digo Bible

⁸ Aiziraeli achihenda hanga ra chifoche kpwa muda wa siku mirongo mihahu kpwenye tsi ya Moabu. Halafu siku za chiriro na kuomboleza chifoche zichisira.

Kumbukumbu 34:8 Referans Kwoze

Mwandzo 50:3

Ahala siku mirongo mine, ambazo kala ndio muda wa kawaida wa kupaka lufu dawa. Na Amisiri amuikira hanga ra siku mirongo sabaa.

Isabu 20:29

Aiziraeli osi ariphomanya kukala Aruni akafwa, amsononekera kpwa siku mirongo mihahu.

Mwandzo 50:10

Ariphofika Atadi, phatu pha kuwagira mtsere, ngʼambo ya muho Joridani, afwererwa arira na raka ra dzulu kpwa sonono, na Yusufu achiika hanga siku sabaa.

Mahendo 8:2

Atu amuogophao Mlungu amzika Stefano na achimririra kudzipiga vifuwa.

Isaya 57:1

Mutu wa haki achifwa, taphana mutu ajaliye, atu amuogophao Mlungu nkuuswa duniani, taphana aelewaye kukala enye haki nkuuswa ili asiphahwe ni mai.

1 Samueli 25:1

Samueli wafwa na atu kula Iziraeli yosi achikusanyika, achimririra na achimzika phakpwe kaya hiko Rama. Chisha Daudi wauka achiphiya hadi weru wa Maoni.

Kumbukumbu 34:7

Musa kala ana umuri wa miaka gana mwenga na mirongo miiri ariphofwa, ela matsoge kala tagadzangbwekotseka na nguvu za mwiriwe taziyaphunguka.

Kumbukumbu 34:9

Joshuwa mwana wa Nuni achiodzala roho ya ikima, kpwa sababu Musa kala akambandikira mikono. Hivyo Aiziraeli achimtii Joshuwa na kulunga shariya ambazo Mwenyezi Mlungu wamupha Musa.

2 Samueli 11:26

Mkpwaza Uriya ariphosikira mlumewe akafwa, wamririra.