Kumbukumbu 32:13 - Digo Bible

¹³ Waahenda amiliki seemu za dzulu za tsi, nao achirya mavuno ga minda. Achimupha asali kula kpwenye mwamba afyondze na mafuha ga zaituni kula kpwenye dziwe dzifu.

Kumbukumbu 32:13 Referans Kwoze

Isaya 58:14

Muchihenda vivyo mundaphaha furaha kahi za Mwenyezi Mlungu, nami ndakuunulani phatu pharipho dzulu kahi za tsi, nindakuhendani murye urisi wa mkare wenu Jakobo,” Mwenyezi Mlungu anaamba.

Ayubu 29:6

Wakati ngʼombe zangu kala zina maziya manji, na vidzuho vya mafuha kala vyajera kpwenye mwamba urio phatu pha kuminyira zaituni zangu!

Zaburi 81:16

Ningekurisa nganu nono ya zosi, ningekumvunisa na asali kula mwambani.

Ezekieli 36:2

Mwenyezi Mlungu anaamba hivi: Maadui genu gafwahirwa gachiamba, “Mo mwatu mwa dzulu mwa kare vivi mukakala mwehu.” ’

Kumbukumbu 33:29

Baha mwimwi Aiziraeli. Ni ani ariye dza mwimwi, atu muriotivywa ni Mwenyezi Mlungu, ambaye ndiye ngao na msada wenu, na mufyu unaoarehera ushindi! Maadui genu gandakpwedza gbwa maguluni mbere zenu, namwi mundagavyoga-vyoga.”

Kumbukumbu 33:26

Musa achimarigiza kpwa kuamba, “Ee Iziraeli, taphana ariye dza Mlunguo, hiye atsupaye mlunguni kpwedza kukuterya, atsupaye na nguvu katika anga.

Isaya 48:21

Taayasikira chiru ariphoalongoza ko jangbwani, waatuluzira madzi kula mwambani. Waahula mwamba, madzi gachijera kpwa nguvu.”

Ezekieli 21:17

Mimi piya ndapiga makofi na tsukizi zangu zindasira. Mimi Mwenyezi Mlungu nkaamba.”

Kumbukumbu 8:8

tsi yenye nganu na shayiri, yenye mizabibu, mitini, mikomamanga, mizaituni na asali.

Kumbukumbu 8:15

Iye wakulongozani kutsapira rira jangbwa kulu na ra kutisha, renye nyoka zenye sumu na visuse, kpwenye tsi hira ya litsapi isiyokala na madzi. Achikutuluzirani madzi kula kpwenye mwamba mufu.

2 Samueli 22:34

Anahenda magulu gangu, gakale dza ga kulungu, na kuniwezesha niime kpwenye myango.

Ayubu 20:17

Iye kandaishi kufwahirwa ni vidzuho, myuho ichiyoodzala asali na maziya.

Zaburi 18:33

Anahenda magulu gangu, gakale dza ga kulungu, na kuniwezesha niime kpwenye myango.

Hosea 13:6

Naarisa hadi achimvuna, ela ariphomvuna tu, aandza kudziunula, nao achimʼyala.

Kumbukumbu 28:47

“Kpwa vira kuyamhumikira Mwenyezi Mlungu, Mlunguo kpwa moyo wa furaha na kuhererwa wakati uriphokala na vinji,

Ezekieli 16:13

Uwe wapambwa na zahabu na feza, nguwozo kala ni katani na hariri swafi chizoshonwa marembo. Uchirya chakurya cha unga mnono, asali na mafuha ga zaituni. Nawe uchikala mnono sana hata uchifikira kukala dza Malikiya.