Kumbukumbu 29:20 - Digo Bible

²⁰ Mwenyezi Mlungu kandaswamehe mutu hiye, na tsukizize na wivuwe vindamuakira mutu hiye. Lana zosi zoandikpwa kpwenye chitabu hichi zindamphaha, naye Mwenyezi Mlungu andafuta tsetsetse dzina ra mutu hiye duniani.

Kumbukumbu 29:20 Referans Kwoze

Zaburi 74:1

Ee Mlungu, mbona ukahutsupha kamare? Kpwa utu wani unatsukirirwa atuo, mangʼondzi ugarisago?

Zaburi 79:5

Ee Mwenyezi Mlungu, undatsukirwa hadi rini? Dze, undatsukirwa hata kare na kare? Dze, tsukizizo za wivu zindaaka dza moho hadi rini?

Kumbukumbu 9:14

Niricha niaangamize asitambukirwe tsona duniani. Nami nindakuhenda uwe ukale taifa renye nguvu na kulu kuriko aho.’

Ezekieli 23:25

Mimi nindakutsukirirwa kpwa wivu, nao andakuhenda mambo kpwa tsukizi kali. Andakukata pula na masikiro na atuo ndiosala andaolagbwa na upanga. Andateka anao na vitu ndivyosala mo mwako vindaochwa.

Nahumu 1:2

Mwenyezi Mlungu ni mwenye wivu naye nkuriphizira chisasi; iye nkuriphiza chisasi naye ana tsukizi nyinji. Iye nkuriphiza chisasi maaduige na kuendeleza tsukizize kpwa achiommena.

Kutsama 34:14

Msiabudu mlungu wanjina, sababu mimi, Mwenyezi Mlungu, ninalonda mendzwa yenu yosi. Mana dzina rangu naihwa ‘Mlungu mwenye wivu.’

Kutsama 20:5

Usivisujudiye wala kuviabudu, kpwa sababu mimi, Mwenyezi Mlungu, Mlunguo, ni Mlungu mwenye wivu. Nindatiya adabu ana kpwa dambi za ise zao, hadi chivyazi cha hahu na cha ne cha hara arionimena.

Maono 3:5

Atu ndioshinda, andavwikpwa nguwo nyereru dza aho. Sindafuta madzina gao bii ndani ya chitabu cha uzima. Nami nindaakubali mbere za Baba Mlungu na malaikae kukala ni angu.

Aeburania 12:29

Mana Mlungu wehu ni dza moho uochao tsetsetse!

1 Akorintho 10:22

Huchihenda hivyo, kpwa kpweli hundamuhenda Bwana akale na wivu. Dze, hunafikiri huna nguvu kushinda Bwana? Taiwezekana bii!

Arumi 11:21

Mana ichikala Mlungu kayaaonera mbazi Ayahudi kama zira panda za asili, hata uwe kandakuonera mbazi.

Arumi 8:32

Mlungu kayamfwitsa mwanawe mwenye, ela wamlavya afwe kpwa ajili yehu hosi. Phahi, ichikala wahupha mwanawe mwenye, vivyo hivyo andahujaliya mambo manji manono.

Zefania 1:18

Siku iyo ya tsukizi za Mwenyezi Mlungu, feza na zahabu zao tazindaweza kuaokola. Tsi yosi indaochwa na moho wa wivuwe. Osi asagalao mumo andaangamizwa gafula.

Ezekieli 36:5

Kpwa hivyo, Mwenyezi Mlungu anaamba hivi: Kpwa wivu wangu munji nagomba chinyume cha mataifa ganjina na chinyume cha Edomu yosi, ahenda tsi yangu ikale yao kpwa kuhererwa na chibero mwao mioyoni ili seemuze za marisa azihale zewe.’

Ezekieli 24:14

“ ‘Mimi Mwenyezi Mlungu nkaamba, na wakati ukafika wa kutimiza, sindalola nyuma, sindaonera mutu mbazi, sindajuta. Mundahukumiwa kulengana na tabiya zenu na mahendo genu, Mwenyezi Mlungu anaamba.’ ”

Ezekieli 9:10

Nami sindaasaza wala kuaonera mbazi, ela go arigohenda ndaahika enye.”

Ezekieli 8:18

Kpwa hivyo nindaatiya adabu na tsukizi, sindaaonera mbazi wala kuaricha atiye. Hata achikota kululu mwangu masikironi, sindaaphundza bii.”

Ezekieli 8:5

Ndipho achiamba, “Mwanadamu, galuka ulole uphande wa vurini.” Niripholola, naona cho chizuka cha kutiya wivu pho phatu pha kumenyera uphande wa vurini wa ryango ra phatu pha kulavira sadaka.

Ezekieli 8:3

Richigolosa utu dza mkpwono richinigbwira nyere zangu. Chisha mo ruwiyani Roho waniunula achiniphirika Jerusalemu, phatu pha kumenyera ryango ra vurini ra muhala wa ndani pho ambapho chizuka cha kutiya wivu kala chikaima.

Ezekieli 7:9

Sindakuonerani mbazi wala kukusazani. Nindakutiyani adabu kulengana na mahendo genu na mambo genu ga kutsukiza. Namwi mundamanya kukala mimi, ndimi Mwenyezi Mlungu, nipigaye.

Ezekieli 7:4

Sindakuonera mbazi wala kukusaza, ela ndakutiya adabu kpwa tabiyazo na mahendogo ga kutsukiza. Nawe undamanya kukala mimi, ndimi Mwenyezi Mlungu.

Ezekieli 5:11

Kpwa sababu hiyo, Mwenyezi Mlungu anaamba kpwa kpweli dza niishivyo, nindakuangamiza wala sindakuonera mbazi, kpwa kukala ukanajisi phatu phangu phatakatifu na vituvyo vya kutsukiza na mahendogo ga kutsukiza.

Jeremia 13:14

Nami ndaafyakatsira enye kpwa enye, ano baba na ana ao. Mwenyezi Mlungu anaamba, Sindaaonera mbazi, sindaaricha wala kuaonera huruma chiasi cha kukala nisiaolage.” ’ ”

Isaya 27:11

Pandaze ndizouma zindavundzwa, achetu andazihala azihende kuni. Kpwa kpweli atu hano taaelewa, kpwa hivyo muumba wao kandaaonera mbazi wala kuaswamehe.

Wira wa Selemani 8:6

Andika dzina rangu phako moyoni, dzirinde kpwa sababu yangu tu, mana mendzwa ina nguvu dza nguvu za chifo! Wivu ni mkali dza kuzimu, nao unaaka dza moho mkali na ukaliwe ni wa kuolaga.

Misemo 6:34

Kpwani wivu wa mlume unamuhenda akale msiru sana, anaphoriphiza chisasi kana mbazi.

Zaburi 78:58

Mana amreyeza Mlungu kpwa hizo seemu zao za dzulu za kuabudira milungu amtiya Mlungu wivu na vyo vizuka vyao vya kudzitengezera.

Zaburi 78:50

Tsukizize wazitengezera njira kayaativya na chifo ela waaolaga na ukongo mui.

Zaburi 69:28

Afute kpwenye chitabu cha ario moyo, asikalemo kahi za isabu ya enye haki.

Zaburi 18:8

Mosi wafuka kula mwakpwe pulani, moho uochao uchituluka kula mwakpwe mromoni, makala ga moho gachituluka kula mumo.

Kumbukumbu 25:19

Kpwa hivyo wakati Mwenyezi Mlungu, Mlungu wenu, ndiphokuoyezani kula kpwa maadui genu gosi ndigokuzungulukani kpwenye tsi ambayo anakuphani muimiliki, mnalondwa kuolaga Aamaleki osi tsetsetse hata asitambukirwe tsona himu duniani. Msiyale kuhenda hivi.”

Mwandzo 6:7

na Mwenyezi Mlungu achiamba, “Nindaangamiza anadamu nrioaumba himu duniani, na piya nyama, nyama a kuambala na nyama a mapha, kpwa mana baha kala siaumbire.”

Kumbukumbu 29:19

Ichikala bada ya kusikira maneno ga chilagane hichi ambacho mkaapishwa, mutu andadziamini mwakpwe moyoni na aambe kukala andakala salama hata achilunga uyi wa moyowe, likakado hiro rindasababisha kuangamizwa kpwa atu osi, anono na ayi.

2 Afalume 14:27

Ela Mwenyezi Mlungu kayaamba kukala andaangamiza tsetsetse Aiziraeli, auke tsini ya dzuwa, hipho waativya kpwa mkpwono wa mfalume Jeroboamu wa phiri mwana wa Jehoashi.

Zaburi 80:4

Ee Mwenyezi Mlungu, Mlungu wa majeshi, undatsukirirwa mavoyo ga atuo hadi rini?

Misemo 2:22

Ela atu ayi andatuluzwa kula ndani ya tsi, na asio aaminifu andangʼolwa.