Kumbukumbu 28:65 - Digo Bible

⁶⁵ Wala kundakala na raha yoyosi wala phatu pha kuoya kahi ya mataifa higo. Ela Mwenyezi Mlungu andakupha wasiwasi wa moyo, kukotseka kpwa matso na kukosa matumaini.

Kumbukumbu 28:65 Referans Kwoze

Alawi 26:36

Na hinyo ayawenu ndiosala ndaatiya wuoga kpwenye tsi ya maadui gao chiasi cha kukala hata sauti ya kodza rinarophepheruswa indaaondosa azole. Phahi aho andazola dza mutu anayechimbira viha. Andazola na kugbwa hata napho taphana mutu anayeazoresa.

Arumi 11:10

Matso gao nagatiwe jiza ili asione, na myongo-myongo yao naimyoke siku zosi.”

Amosi 9:4

Na hata achitsamizwa kpwa lazima ni maadui gao, kuko ndalagizira upanga, nao undaaolaga. Nami nkapanga kuahendera mai wala si manono.”

Alawi 26:16

phahi nindakuhendani hivi: Nindakutiyani wuoga mkpwulu gafula, ukongo wa nyerenyere na homa ndirokuhendani vipofu na anyonje. Mundaphanda bure mana mavuno gandariwa ni maadui genu.

Mwandzo 8:9

ela kpwa vira madzi kala bado gakafwinika tsi yosi kayaphaha phatu pha kugbwa, achiuya melini. Nuhu achituluza mkpwono na dirishani achimuhala njiya achimuuyiza ndani.

Luka 21:26

Atu andafwa purungire kpwa wuoga, na kuririkana higo gedzago himu duniani, mana nguvu za dzulu mlunguni zindasumbiswa.

Mathayo 24:8

Mambo higa ni dza viratu mwandzo wa utsungu wa mayo alondaye kudzivugula.

Habakuki 3:16

Niriphosikira, naahukpwa ni roho, madomo gangu gachikakama kpwa hinyo msindo. Mwiri wangu uchirejera, magulu gangu gachigbwirwa ni mchecheta. Ela nindahurira nigodze kpwa kuvumirira iyo siku ya mashaka ambayo indaedzera hara anaohuvamia.

Sonono za Jeremia 3:65

Aphe mioyo mifu, na lanayo ikale dzulu yao.

Isaya 65:14

Atumishi angu andaimba kpwa kuhererwa mwao mioyoni, ela mwimwi mundarira kpwa utsungu wa mioyo, mundapiga hofwi kpwa utsungu wa mioyo.

Isaya 57:21

Mlungu wangu anaamba, “Takuna amani kpwa atu ayi.”

Isaya 51:17

Lamuka! Ima uwe Jerusalemu, uwe wanwa chikombe kula mkpwononi mwa Mwenyezi Mlungu, chikombe cha tsukizize, wanwa hadi tone ra mwisho chikombe chihendacho atu adedeleke.

Kumbukumbu 28:66

“Maishago gandakala mashakani, usiku na mutsi undakala na hofu na kumakira usalamao.

Ayubu 11:20

Ela matso ga atu ayi gandafunga jiza, na njira zosi za kuchimbirira taandaziona, nao andaona baha afwe.”

Sonono za Jeremia 1:3

Atu a Juda akalazimishwa kuphiya kure na kpwao kpwa sababu ya mateso na kuhendeswa kazi ngumu. Vivi anasagala kahi za mataifa, nao taaphaha phatu pha kuoya, osi anaomzoresa akamgbwira na kana phatu pha kuchimbirira.

Sonono za Jeremia 5:17

Kpwa sababu iyo, mioyo yehu ni minyonje, kpwa utu uho matso gehu tagaonato,