Kumbukumbu 28:4 - Digo Bible

⁴ “Mwenyezi Mlungu andabariki chivyazi chenu, mavuno genu, na ana ngʼombe enu na ana ngʼondzi enu.

Kumbukumbu 28:4 Referans Kwoze

Misemo 10:22

Baraka za Mwenyezi Mlungu ndizo zinazotajirisha, wala kareha sonono phamwenga nazo.

Kumbukumbu 7:13

Andakumendzani na kukujaliyani namwi mundaenjerezeka na kukala na uvyazi. Andabariki minda yenu kusudi mphahe mtsere, uchi wa zabibu na mafuha. Andakubarikini kpwa kukuphani ngʼombe na vyaa vinji vya mangʼondzi kpwenye tsi ariyoalaga akare enu kukala andakuphani mwimwi.

Mwandzo 49:25

Mlungu wangu naakuterye, Mwenye Nguvu Zosi akujaliyaye na baraka ya mvula kula mlunguni na madzi kula photsi, akujaliyaye na mifugo minji na vivyazi vinji.

Zaburi 128:3

Mcheo andakala dza mzabibu uvyalao sana mwako nyumbani, anao andakala dza mitse ya mizaituni, kuzunguluka mezayo.

Kumbukumbu 28:11

Mwenyezi Mlungu andakuhendani muongokerwe kpwa unji wa ana, mifugo na mavuno ga mindani kpwenye tsi ariyolaga atumia enu kukala andakuphani.

Zaburi 107:38

Waajaliya atue, nao achienjerezeka sana, wala kaphunguzire isabu ya mifugo yao.

Alawi 26:9

Nindakujaliyani na kukuhendani muvyalane na muenjerezeke. Nami nindatimiza chilagane changu namwi.

Misemo 13:22

Atu anono nkuikira adzukulu aho urisi, ela urisi wa enye dambi nkuhalwa ni enye haki.

Mwandzo 22:17

hakika nindakujaliya na nindahenda vivyazivyo vikale vinji sana dza viratu nyenyezi za mlunguni na dza viratu mtsanga wa pwani. Uvyazio undamiliki midzi ya maadui gao.

Misemo 20:7

Mwenye haki achiishi kahi za haki, achiuka, anae achiomuiga andabarikiwa.

1 Timothi 4:8

Mana mazowezi ga mwiri ganareha fwaida chidide kpwa mutu, ela kumuogopha Mlungu kuna fwaida zaidi pande zosi. Kunahulaga uzima vi sambi na hata badaye.

Zaburi 127:3

Ana ni urisi kula kpwa Mwenyezi Mlungu, chivyazi ni zawadi kula kpwakpwe.

Mwandzo 39:5

Hangu siku ambayo Potifa wamuhenda Yusufu muimirizi wa nyumbaye na malize zosi, Mwenyezi Mlungu waujaliya mudzi wa Potifa kpwa sababu ya Yusufu. Mwenyezi Mlungu wabariki chila chitu cha Potifa, hangu vitu vya nyumbani hadi vya mundani.

Kumbukumbu 28:3

“Midzi yenu na minda yenu indabarikiywa.

Kumbukumbu 28:5

Vikaphu vyenu vya mtsere vindabarikiywa na piya miyo yenu ya kukandira unga.

Kumbukumbu 28:18

“Mlungu andalani ana enu, mavuno genu ga tsi na ana a mifugo yenu.