Kumbukumbu 24:15 - Digo Bible

¹⁵ Chila siku, kabila dzuwa taridzangbwetswa, mriphe mshaharawe wa siku hiyo, mana iye ni mchiya na hinyo mshahara ndio anaoadamira, sedze akamririra Mwenyezi Mlungu nawe ukakala na dambi.

Kumbukumbu 24:15 Referans Kwoze

Alawi 19:13

“Usimuonere wala kumnyangʼanya myao vituvye. Usilale bila kumripha mchibaruwao.

Jakobo 5:4

Lolani! Mwarema kuripha atu ariokuhenderani kazi mwenu mindani. Nayo mishahara ambayo taiyariphiwa inakuririrani. Chiriro cha hinya avunadzi chamfikira Mwenyezi Mlungu, Mlungu wa majeshi.

Jeremia 22:13

Mwenyezi Mlungu anaamba, “Shaka hiro kpwa yeyesi adzengaye nyumbaye isiyo uaminifu, na vyumba vya dzulu bila haki; ahendaye jiraniwe amuhumikire bila maripho, amuhende myawe ahende kazi bila mshahara.

Kumbukumbu 15:9

Dzimanyirireni sedze mkaaza mambo mai mwenu mioyoni, mukaamba, ‘Mwaka wa sabaa, mwaka wa kuswamehe adeni u phephi,’ na mkakosa kumlolato ndugu yenu mchiya na mkarema kumkopesha. Muchihenda hivyo, iye anaweza kumririra Mwenyezi Mlungu kpwa sababu yenu na iyo indakala dambi kpwenu.

Ayubu 35:9

Kpwa sababu ya kuonerwa sana, atu nkurira, nkuririra msada kpwa go ahenderwago ni atu enye mkpwotse.

Ayubu 34:28

Aho ahenda chiriro cha achiya chichimfikira, naye achisikira chiriro cha agayao.

Mariko 10:19

Avi unamanya malagizo ga Mlungu: ‘Usiolage, usizini, usiiye, usizige myao na dzambo ra handzo, usichenge, tsona muishimu sowe na mayoo.’ ”

Mathayo 20:8

“Dziloni, yuya mchina-munda wa mizabibu wamuiha mwiiki wa pesa na achimuamba, ‘Iha vibaruwa osi uariphe haki yao, kuandzira hara a mwisho na umarigize na hara a mwandzo.’

Isaya 5:7

Mana munda wa mizabibu wa Mwenyezi Mlungu, Mlungu wa majeshi ni nyumba ya Aiziraeli na atu a Juda, ndio mbeyu yomhamira. Iye walola aone uamuli wa haki ela achiona uolagadzi, badala ya haki, achiona chiriro!

Zaburi 86:4

Henda moyo wa mtumishio uhererwe, mana moyo wangu nauelekeza kpwako, ee Mwenyezi Mlungu.

Zaburi 25:1

Ee Mwenyezi Mlungu nakupha maisha gangu.

Zaburi 24:4

Ni hiye ambaye kahenda mai na ana moyo swafi, ambaye kaabudu vizuka wala kuapa wakati anagomba handzo.

Ayubu 31:38

Ichikala tsi yangu nkurira chinyume changu na mitaruye nkurira phamwenga,

1 Timothi 5:18

Mana Maandiko ganaamba, “Ngʼombe ichikala inawaga mtsere usiifunge mlomo.” Piya Maandiko ganaamba, “Muhendadzi-kazi anafwaha kuphaha mariphoge.”

Alawi 25:35

“Napho Muiziraeli myao akakala mchiya hata kaweza kudziendzera mwenye na asagala phamwenga nawe, ni umrorome dza unavyororoma mjeni au mutu asagalaye kpwako kpwa muda, ili aweze kpwenderera kusagala kahi yenu.

Ayubu 31:13

Ichikala nábera maneno ga muhendadzi-kazi wangu mlume au mchetu, ariphoreha malalamishi kunihusu,

Ayubu 7:2

Dza mtumwa agodzeravyo kpwa hamu masaa gafike, dza mchibaruwa agodzeravyo mariphoge,

Malaki 3:5

Mwenyezi Mlungu, Mlungu wa majeshi anaamba, “Nami nindasengera phephi namwi nilavye uamuli. Nindalavya ushaidi upesi chinyume cha atsai, azinifu, anaoapa na handzo, anaoakopya vibaruwa katika maripho gao, anaoonera magungu na anachiya na anaonera atsupi a njira, jibu osi ambao taaniogopha.”