Kumbukumbu 21:18 - Digo Bible

¹⁸ “Napho mutu ana mwana mwenye likakado na asiyesikira, asiyelunga ga ise au nine dzagbwe nkumtiya adabu,

Kumbukumbu 21:18 Referans Kwoze

Alawi 19:3

Chila mmwenga wenu ni aishimu ise na nine, na kugbwira malagizo ga Siku zangu za Kuoya. Mimi, ndimi Mwenyezi Mlungu, Mlungu wenu.

Kutsama 20:12

“Ishimu sowe na mayoo, dza vira mimi Mwenyezi Mlungu, Mlunguo, nrivyokulagiza, ili maishago gakale mare na uongokerwe kpwenye tsi ambayo mimi Mwenyezi Mlungu, Mlunguo nakupha.

Isaya 1:5

Kpwa utu wani ucherelonda kupigbwa? Kpwa utu wani unaenderera kuasi? Chitswacho chosi chikalumizwa moyoo wosi ni mkpwongo.

Isaya 1:2

Phundzani ko mlunguni na musikire ko duniani! Mana Mwenyezi Mlungu akagomba: “Náarera anangu hadi achikula ela akaniasi taalonda kuniphundza.

Misemo 30:17

Dzitso ra mutu amʼberaye ise, na kumena nine, rindangʼolwa ni kunguru a deteni, na kuriwa ni nderi.

Misemo 29:17

Mwanao mtiye adabu naye kandakutiya wasiwasi, andahamira moyoo.

Misemo 20:20

Mutu amlaniye ise au nine, maishage gandazimwa dza taa wakati wa chilungulungu cha jiza.

Misemo 19:18

Mwanao mtiye adabu napho bado phana kuluphiro, uchimrichira tsari unamʼbananga.

Ezekieli 24:13

“ ‘Kutuzo ni udiyao. Mana najeza kukutakasa ela kuyaera bii, phahi kundaera tsona hadi ndiphoricha kukutsukirirwa.

Ezekieli 22:7

Mumo mudzini mwi atu mukabera sowe zenu na mayo zenu, mukaonera ajeni na mukagayisa anachiya na magungu.

Jeremia 31:18

Nkasikira Efuraimu anaula kuno anaamba, “Ukanitiya adabu dza mwana ndzau ambaye kadzangbwefundzwa kurima; nirekebisha niuye dza vyo kare, mana uwe u Mwenyezi Mlungu, Mlungu wangu.

Jeremia 5:3

Ee Mwenyezi Mlungu, uwe ukuendza uaminifu Uwe ukaapiga, ela taasikirire utsungu, waasaga, ela arema kugaluka. Ahenda nyuso zao kukala nyifu kuriko dziwe na kurema kutubu.

Misemo 30:11

Kuna atu ambao analani ise zao, wala taabariki nine zao.

Misemo 28:24

Mutu aiyiraye ise au nine alafu aambe: “Siro kosa,” mwana hiye a kundi ra atu anaobananga.

Misemo 22:15

Moyo wa mwanache una uzuzu munji, ela fwimbo ya kumtiira adabu indawuusa wosi.

Misemo 15:5

Mutu mzuzu nkubera mafundzo ga avyazie, ela mutu adzifundzaye anaphokanywa ni mlachu.

Misemo 13:24

Mutu asiyechapa mwanawe kammendza, ela mutu ammendzaye mwanawe karicha kumtiya adabu.

Misemo 1:8

Mwanangu, gbwira mafundzo ga sowe, wala usipuze malagizo ga mayoo.

2 Samueli 7:14

Mimi ndakala ise, naye andakala mwanangu. Achikosera, ndamtiya adabu dza mutu amtiyavyo mwanawe adabu na fwimbo, na mapigo ndigorehwa ni anadamu.

Kumbukumbu 27:16

“ ‘Naalaniwe mutu yeyesi ndiyebera ise au nine.’ Na atu osi andajibu aambe, ‘Amina!’

Kumbukumbu 8:5

Manyani mwenu mioyoni kukala Mwenyezi Mlungu, Mlungu wenu, anakutiyani adabu dza vira baba anavyomtiya adabu mwanawe.

Alawi 21:9

Mwana mchetu wa mlavyadzi-sadaka yeyesi achikala malaya ni aochwe mana anamvundzira ise ishima.

Kutsama 21:17

Amlaphizaye ise au nine ni aolagbwe.

Kutsama 21:15

Ndiyempiga ise au nine naaolagbwe.

Kumbukumbu 21:19

phahi, nine na ise andamuhala amphirike kpwenye chikao cha angambi a mudzi.

1 Samueli 3:13

Námuambira kukala ndaamula chivyaziche hata kare na kare, kpwa ajili ya uyi aumanyao, mana anae anikufuru ela iye kayaakanya.

Jeremia 5:23

Ela atu aha ana mioyo migumu na ya kurema, akanirema na kuniricha.