Kumbukumbu 2:23 - Digo Bible

²³ Akafutori kula chisuwa cha Kafutori aolaga Aavi ambao kare kala achisagala malalo ga kanda-kanda ya Bahari Kulu hadi Gaza, nao achisagala mumo).

Kumbukumbu 2:23 Referans Kwoze

Joshuwa 13:3

yani seemu imanyikanayo kama ya Akanani, kuandzira chidzuho cha Shihori chiricho mphaka wa Misiri hadi seemu za Ekironi iriyo uphande wa vurini. Maeneo gosi ga atawala atsano a Afilisti: Gaza, Ashidodi, Ashikeloni, Gathi na Ekironi phamwenga na eneo ra Aavi,

Mwandzo 10:14

Apathirusi, Akasiluhi ambao ni avyazi a Afilisti, na Akafutori.

Amosi 9:7

“Dze, mwi kpwangu simwi dza Akushi, mwi atu a Iziraeli,” Mwenyezi Mlungu anaamba. “Dze, mino siyatuluza Aiziraeli kula tsi ya Misiri, na Afilisti kula Kafutori na Aaramu kula Kiri?

Jeremia 47:4

mana siku ya kuangamiza Afilisti osi ikafika, kuolaga chila mutu ariyesala awezaye kuterya Tiro na Sidoni. Mana Mwenyezi Mlungu anaangamiza Afilisti, atu ariosala kula pwani ya Kafutori.

Jeremia 25:20

phamwenga na ajeni osi asagalao phamwenga nao; afalume osi a tsi ya Usi na afalume osi a tsi ya Afilisti (afalume a Ashikeloni, Gaza, Ekironi na atu a Ashidodi ariosala);

Mahendo 17:26

Mlungu waumba chila taifa duniani kula kpwa mkare mmwenga, na achiahenda agote chila phatu dunia ndzima. Wapanga chimbere chila kabila ndiphosagala na mudawe.

Zakariya 9:5

Atu a mudzi wa Ashikeloni andaona gago na aogophe; Atu a mudzi wa Gaza andagalagala kpwa utsungu, na atu a mudzi wa Ekironi piya andagalagala kpwa utsungu kpwa kukala kuluphiro rao rikaangamika. Mfalume wa Gaza andaolagbwa, na Ashikeloni taindasagalwa ni mutu.

Zefania 2:4

Mudzi wa Gaza undarichwa, wa Ashikeloni undakala gandzo. Atu a Ashidodi nao andazolwa mutsi wenye, na atu a Ekironi andauswa kpwenye mudzi wao.

1 Afalume 4:24

Tsi yosi ya uphande wa mtswerero wa dzuwa wa muho Yufurati, kutulukiza Tifusa hadi mudzi wa Gaza, kala i tsini ya utawalawe. Afalume osi a uphande wa mtswerero wa dzuwa wa muho Yufurati akala tsiniye na wakala na amani na tsi zosi jirani.

1 Nyakati 1:12

Apathirusi, Akasiluhi ambao ni avyazi a Afilisti, na Akafutori.

Mwandzo 10:19

Mphaka wa Akanani waandza Sidoni hadi Gerari phephi na Gaza, na uchiphiya mlairo wa dzuwa hadi Sodoma, Gomora, Adima na Seboimu phephi na Lasha.

Joshuwa 10:41

Joshuwa waashinda kula Kadeshi-Barinea hadi Gaza na tsi ya Gosheni kufikira Gibioni.

Joshuwa 11:22

Takuna mutu wa kabila ra Anaki ambaye wasala kpwenye tsi ya Aiziraeli. Asala achache tu kpwenye midzi ya Gaza, Gathi na Ashidodi.

Joshuwa 15:47

Achihewa Ashidodi, midzi na vidzidzivye; Gaza, midzi na vidzidzivye hadi chidzuho cha Misiri hadi pwani ya Bahari Kulu.

Aamuli 1:18

Atu a mbari ya Juda piya apiga na achishinda na kuhala midzi ya Gaza na vidzidzivye, Ashikeloni na vidzidzivye na Ekironi na vidzidzivye.

2 Afalume 18:8

Waapiga Afilisti hadi mudzi wa Gaza na tsi iriyouzunguluka, kuandzira mudzi mdide urio na mnara wa arindzi hadi mudzi mkpwulu wenye ngome.