Kumbukumbu 15:11 - Digo Bible

¹¹ Achiya taandaricha kukalapho kpwenye tsi; kpwa hivyo nakuamuruni, msikundzire mikono ndugu zenu ariotsowekpwa na achiya.

Kumbukumbu 15:11 Referans Kwoze

Mariko 14:7

Mana siku zosi, agayi mundakala nao, namwi munaweza kuaterya wakati wowosi mmendzao. Ela mino sindakala namwi siku zosi.

Mathayo 26:11

Mana siku zosi, agayi mundakala nao, ela mino sindakala namwi siku zosi.

Johana 12:8

Siku zosi, agayi mundakala nao, ela mino sindakala namwi siku zosi.”

Kumbukumbu 15:8

Badalaye, mvugule mikono yenu na kumkopesha kpwa mendzwa chiasi cha kutosha mahitajige.

Misemo 22:2

Matajiri na achiya ana hali mwenga hino, osi muumba wao ni Mwenyezi Mlungu.

Luka 12:33

Guzani mali zenu na zo pesa muaphe achiya. Namwi kpwa kuhenda vivyo, mundakala munadziikira akiba ko mlunguni, ambako taisira. Mana kuko, muivi kaweza kuisengerera, na adudu taaweza kubananga vitu.

Mahendo 2:45

Aguza vitu arivyokala navyo, na pesa arizophaha achiganyira ayawao okala analonda msada.

Mathayo 5:42

Akuvoyaye chitu muphe, na hiye alondaye kukuaphasa usimriche akauka mikono mihuphu.

Kumbukumbu 15:7

“Ichikala phandakala na mchiya kahi ya jamaazo, kpwenye mudzi mmwengawapho wa midzi iriyo kahi ya tsi muhewayo ni Mwenyezi Mlungu, msikale afu au achoyo kpwakpwe.

Misemo 31:20

Nkuapha vitu achiya, na kuterya agayi.

Ezekieli 18:7

Iye kaonera mutu ela nkumuuyizira mdeniwe mzamaniwe. Kafuta mutu maliye kpwa nguvu ela nkuaganyira andzala chakuryache na kuapha nguwo ario chitsaha.

Kutsama 23:11

Ela mwaka wa sabaa sirimeni bii ili yo minda ioye. Na chitu chochosi ndichomera na kuivwa himo mundani msichivune ili achiya aphahe chakurya, na ndivyosala arichireni nyama a tsakani amarigize. Hendani vivyo hata kpwa minda yenu ya mizabibu na ya mizaituni.

Misemo 19:17

Mutu amteryaye mchiya anamuaphasa Mwenyezi Mlungu, naye Mwenyezi Mlungu andamripha kpwa achirorihenda.