Jona 1:14 - Digo Bible

¹⁴ Kpwa hivyo achimvoya Mwenyezi Mlungu achiamba, “Mwenyezi Mlungu hunakuvoya usihuangamize kpwa sababu ya roho ya mutu hiyu. Tsona mlatso wa mutu hiyu ambaye kakahukosera usiuisabu dzulu yehu bii, mana uwe Mwenyezi Mlungu ukahenda kama ulondavyo.”

Jona 1:14 Referans Kwoze

Zaburi 115:3

Mlungu wehu a mlunguni anahenda vira alondavyo.

Zaburi 135:6

Mwenyezi Mlungu anahenda rorosi alondaro, mlunguni na duniani, baharini na katika vivwa vyosi.

Kumbukumbu 21:8

Ee Mwenyezi Mlungu, aswamehe atuo a Iziraeli ambao waakombola, usiaisabire makosa atuo kpwa chifo cha mutu asiyekala na kosa, ela aswamehe kosa hiri.’

Aefeso 1:11

Vitu vyosi vinahendeka kulengana na mpango na uamuzi wa Mlungu. Naye wakata shauri chimbere kuhutsambula hukale atue kpwa kuhuunganisha na Jesu.

Zaburi 107:28

Ndipho katika tabu yao achimririra Mwenyezi Mlungu, naye achiativya na mateso gao.

Mathayo 11:26

Ehe, ni sawa Baba, mana hivyo ndivyo vyokuhamira.

Jona 1:16

Hinyo mabaharia ariphoona hivi, amuogopha Mwenyezi Mlungu sana, achimlavira sadaka, tsona achimuikira hati.

Jona 1:5

Hinyo mabaharia achimenywa ni wuoga sana, chila mutu achiandza kumririra mlunguwe. Achiandza kuhala mizigo na kuitsupha madzini ili iyo meli iphunguke uziho. Wakati hinyo Jona kala akatserera hiko chumba cha ndani cha tsini kabisa cha iyo meli, arere.

Aefeso 1:9

na achihumanyisa mpangowe wa siri, arioupanga hangu kare kulengana na viratu arivyoona vinamhamira. Wakata shauri kumuhumira Jesu

Mahendo 28:4

Enyezi ariphoona hira nyoka inalewa-lewa phara mkpwononi, abisha nyo enye kpwa enye achiamba, “Mutu hiyu ni lazima akale waolaga! Hata dzagbwe wapona hiko baharini, ela mlungu aihwaye Haki kandamricha akaenderera kuishi.”

Isaya 26:16

Mwenyezi Mlungu, atuo ariphokala anagaya kpwa sababu unaatiya adabu, akuvoya sana.

Mwandzo 9:6

Yeyesi ndiyemuolaga mutu naye andaolagbwa ni mutu mana mutu námuumba kpwa mfwano wangu.

Jona 1:13

Hata hivyo hinyo mabaharia ajeza kuphirika iyo meli kama arivyoweza ili ifike tsi kavu, ela achishindwa mana hiro phuto kala ni kali sana.

Jona 3:8

Atu osi naavwale magunia na aavwike nyama aho nao. Chila mmwenga amririre Mlungu kpwa chadi na ariche kuhenda mai na tabiya za chinguvu-nguvu.