Joeli 2:5 - Digo Bible

⁵ Anaphotina-tina dzulu za virere vya myango, mriro wao ni dza wa magari ga kuvwehwa ni farasi, au tsandzala iochayo mibuwa, au jeshi kulu riinjiraro vihani.

Joeli 2:5 Referans Kwoze

Maono 9:9

Tsona vifuwani kala akavwala visibao vya chuma. Mapha gao napho anauruka ganavuma dza viratu magari manji ga kuvwehwa ni farasi ambago ganaphiya vihani mairo.

Isaya 5:24

Kpwa hivyo dza viratu moho uochavyo mibuwa mifu na nyasi zouma ziphyavyo na moho, mizi yao indaola na maruwa gao gandaphepheruswa dza vumbi. Mana akarema shariya ya Mwenyezi Mlungu, Mlungu wa majeshi na kubera neno ra Mtakatifu wa Iziraeli.

Isaya 30:30

Mwenyezi Mlungu andakala msiru. Sautiye kulu ya kuogofya indasikirika na mkpwonowe undakala tayari kupiga. Usiruwe undakala dza moho uochao tsetsetse, uchilungirwa ni chiguruguru na phuto.

Mathayo 3:12

Iye ana lungore mkpwononi, naye andapheha nganu na aitiye chitsagani. Ela maphephe andagatsupha mohoni, moho usiofwa.”

Ayubu 39:20

We ndiwe umuhendaye akatinatina dza ndzije? Mrirowe wa maringo unaogofya.

Jeremia 50:42

Ana silaha za maha na mafumo, ni majaili na taana mbazi, ana mvumo dza maimbi ga bahari, wakati akapanda farasi ao, akadzipanga dza mutu ariye tayari na viha, kupigana na uwe mwana mchetu wa Babeli!

Kutsama 5:12

Phahi atu osi atsamukana chila phatu Misiri kuendza nyasi mbifu.