Joeli 1:12 - Digo Bible

¹² Mizabibu ikauma mitini nayo ikanyala. Mikomamanga, mitende na mitofaa yani mihi yosi ya mundani yasira kuuma. Nao atu taana raha tsona.

Joeli 1:12 Referans Kwoze

Isaya 24:11

Atu anarira kpwenye barabara kulu kpwa sababu ya uchi. Takuna raha tsona.

Isaya 16:10

Raha na njerejere za mavuno zikauswa, taphana aimbaye mo mindani. Takuna anayeminya zabibu himo mtengezwamo uchi, njerejere nkazisisa.

Joeli 1:16

Chakurya chikauswa kuno hunalola. Takuna raha tsona nyumbani mwa Mlungu wehu.

Joeli 1:10

Minda ikabanangbwa-banangbwa tsi ikarichwa bila ya chitu. Takuna mtsere, uchi wa mizabibu ukauma na mizaituni ikanyala.

Wira wa Selemani 2:3

Dza mtofaa kahi ya mihi ya tsakani, ndivyo arivyo wende wangu kahi za avulana ayae. Naonato kusagala phakpwe pephoni na kurya matundage ga mtswano.

Hagai 2:19

Kama mmanyavyo himo chitsagani tamuna mbeyu na mizabibu, mikuyu, mikomamanga na mizaituni taidzangbwevyala matunda. Ela kula rero nindakujaliyani.”

Jeremia 48:33

Kuhamirwa na kuhererwa kukauswa kula yo tsi ya Moabu ya vyunga vya matunda; Nikahendesa uchi usijere kula pho phatu pha kuminyira zabibu; taphana mutu aziminyaye na njerejere; dzagbwe kuna kululu, ela sizo za kuhererwa.”

Jeremia 48:3

Phundzani chiriro kula Horonaimu, chiriro cha maangamizi na kubanangbwa kukulu!

Isaya 9:3

Tsi ukaihenda ikale kulu zaidi, Ukaahenda akale na raha sana; Ana raha sana kpwa sababuyo, dza atu aonavyo raha wakati akaphaha mavuno, dza raha ya atu asikiravyo dza anajeshi aonavyo raha wakati anaphoganya zewe.

Wira wa Selemani 4:13

Uwe u munda wa mikomamanga, phamwenga na chila aina ya matunda ga mtswano, hina na narido,

Zaburi 92:12

Enye haki andapwipwita dza mitende, na kukula dza mierezi ya Lebanoni.

Zaburi 4:7

Ukanihenda nihererwe kuriko hinyo aphahao mtsere na uchi muphya kpwa unji.

Isabu 13:23

Ariphofika Dete ra Eshikoli, achikata phungo rokala na lihungo kulu ra zabibu naro richitsukulwa dzulu ya gongo ni atu airi. Piya achitsukula makomamanga na tini.

Isaya 24:7

Uchi muphya wa zabibu tauphahikana, mizabibu ikanyala na osi ariokala na raha anarira.

Jona 4:7

Ela kuriphocha, ligundzu chiti chenye, Mlungu achilagiza bulu richiurya hinyo mmea hadi uchinyala uchifwa.

Malaki 3:11

Mwenyezi Mlungu, Mlungu wa majeshi anaamba, “Nindaademurira adudu aryao mimea yenu ili asibanange mavuno ga minda yenu na mizabibu iriyo mwenu mindani taindakosa kuvyala.”