Joeli 1:10 - Digo Bible

¹⁰ Minda ikabanangbwa-banangbwa tsi ikarichwa bila ya chitu. Takuna mtsere, uchi wa mizabibu ukauma na mizaituni ikanyala.

Joeli 1:10 Referans Kwoze

Hosea 4:3

Kpwa sababu hiyo, yo tsi indauma na osi asagalao mumo anaonda. Nyama a tsakani, nyama a mapha hadi ngʼonda a baharini anafwa.

Hosea 9:2

Mwatu mwa kuwagira na mwatu mwa kuminyira zabibu tamundarisa atu bii. Uchi muitsi wa zabibu taundatosha tsetsetse.

Jeremia 12:11

Akauhenda litsapi nao unaniririra. Tsi yosi ikahendwa litsapi ela taphana mutu atambukiraye.

Joeli 1:5

Lamukani mwi alevi mrire, kotani kululu mwi mmendzao kunwa uchi muphya wa zabibu mana tamundaunwa tsona.

Hagai 1:11

Nikareha dzuwa riumise tsi na myango ili minda yenu isivyale chochosi na kazi zosi zihendwazo ni anadamu zisikale. Dzuwa hiro rindaocha mimea ya nafaka isivyale nafaka, mizabibu isituluze uchi wenu muphya wa zabibu na mizaituni isituluze mafuha. Dzuwa hiro rindahenda anadamu na nyama agaye.”

Joeli 1:12

Mizabibu ikauma mitini nayo ikanyala. Mikomamanga, mitende na mitofaa yani mihi yosi ya mundani yasira kuuma. Nao atu taana raha tsona.

Jeremia 48:33

Kuhamirwa na kuhererwa kukauswa kula yo tsi ya Moabu ya vyunga vya matunda; Nikahendesa uchi usijere kula pho phatu pha kuminyira zabibu; taphana mutu aziminyaye na njerejere; dzagbwe kuna kululu, ela sizo za kuhererwa.”

Jeremia 12:4

Yo tsi indaenderera kusononeka hadi rini? Na zo nyasi kunyala mindani? Kpwa sababu ya uyi wa nyo asagalao mumo nyama na nyama a mapha akamalwa tse mana aamba, “Mlungu kandagaona go huhendago.”

Isaya 24:11

Atu anarira kpwenye barabara kulu kpwa sababu ya uchi. Takuna raha tsona.

Alawi 26:20

Mundahumira nguvu zenu bure mana minda yenu taindalavya mavuno na mihi taindavyala matunda.

Mwandzo 4:12

Uchirima munda, kundaphaha rorosi. Undadengereka na kundakala na makalo phapha duniani.”

Isaya 15:6

Chidzuho chiihwacho Nimurimu chikauma, nyasi zikanyala na mitse ikafwa na taphana chochosi chimeracho.

Isaya 24:7

Uchi muphya wa zabibu tauphahikana, mizabibu ikanyala na osi ariokala na raha anarira.

Joeli 2:19

Mwenyezi Mlungu achijibu atue achiamba, “Lolani ninakureherani mtsere, uchi muphya wa zabibu na mafuha hadi mtosheke. Wala sindakuhendani muberwe kahi ya mataifa ganjina.

Habakuki 3:17

Dzagbwe mitini taitsephula, na mizabibu taina matunda, dzagbwe mizaituni taivyarire na minda taina mavuno, dzagbwe vyaa tavina mangʼondzi wala tavina ngʼombe.

Malaki 2:3

Lolani nindademurira ana enu na nihale ufumba wa hinyo nyama enu mualavyao sadaka nipake nyuso zenu. Bada ya hivyo kundakpwedza atu akuhaleni phamwenga na hinyo ufumba.