Jeremia 9:11 - Digo Bible

¹¹ Nindahenda Jerusalemu ikale tsumbi ya dzala na pango ra makala, tsona ndahenda midzi ya Juda iangamizwe hata kusisagale mutu.

Jeremia 9:11 Referans Kwoze

Isaya 25:2

Kpwa sababu mudzi ukauhenda tsumbi ya vifusi, mudzi wenye ngome ukauhenda ukale gandzo. Phatu ambapho kala ni ngome ya ajeni, sio mudzi tsona wala taundadzengbwa tsona.

Jeremia 51:37

Babeli indakala gandzo, makalo ga makala, utu wa kuangalaza na wa kuberwa, phatu phasiphosagala mutu.

Jeremia 10:22

Phundzani ndziyendziye ziredza! Misindo ya farasi iredza kula tsi ya vurini, kuhenda midzi ya Juda ikale magandzo, panga za makala.

Isaya 34:13

Madzumbage ga afalume na ngomeze zindaodzala miya. Diya-mbewa na mbuni ndio ndiosagala himo.

Isaya 13:22

Mafisi gandarira mo mwenye minara ya urindzi na makala kusagala mumo mwenye madzumba manono-manono ga chitajiri. Wakatiwe u phephi na sikuze tazindaenjerezwa.”

Mika 3:12

Sambi phahi, kpwa sababu yenu, mudzi wa Sayuni undarimwa dza munda Jerusalemu indakala gandzo, na chidzango cha nyumba ya kuvoya Mlungu chindakala tsaka.”

Sonono za Jeremia 3:47

Hukaphahwa ni wasiwasi na wuoga, uweche na kubanangbwa.”

Sonono za Jeremia 2:2

Mwenyezi Mlungu akabomola-bomola bila mbazi makalo gosi ga Jakobo. Kpwa tsukizize akabomola ngome za mwana wa chichetu wa Juda. Akatsereza hadi photsi utawalawe na vilongozie.

Jeremia 34:22

Mimi Mwenyezi Mlungu ndaamuru, auye kahi ya mudzi uhu. Yo midzi andaipiga viha, aiteke na kuiocha. Nami ndaihenda yo midzi ya Juda ikale magandzo na wekee bila atu.”

Jeremia 26:18

“Wakati wa utawala wa mfalume Hezekiya wa Juda, Mika kula Moreshethi watabiri achiamba, ‘Mwenyezi Mlungu, Mlungu wa majeshi anaamba: Mudzi wa Sayuni undarimwa dza munda, Jerusalemu indakala gandzo, na chidzango cha nyumba ya kuvoya Mlungu chindakala tsaka.

Jeremia 25:11

Tsi ihi yosi indabanangbwa na ikale wekee bila ya atu na mataifa gaga gandahumikira mfalume wa Babeli kpwa muda wa miaka mirongo sabaa.

Zaburi 79:1

Ee Mlungu, atu a mataifa ganjina akavamia tsiiyo, akatiya najisi nyumbayo takatifu ya kuvoya Mlungu, Jerusalemu akaihenda ikale gandzo.

Mika 6:16

Mkagbwira malagizo ga mfalume Omuri na mahendo gosi ga mfalume Ahabu na chivyaziche, na mkalunga mila zao. Kpwa hivyo ndakuangamizani ndahenda atu enu anyeterwe, mataifa gosi gandakuberani.”

Mika 1:6

“Kpwa hivyo Samariya ndaihenda dzala phatu pha kumeza mitse ya mizabibu. Mawege ndagamwaga deteni na misingiye niiriche wazi.

Jeremia 26:9

Kpwa utu wani ukatabiri kpwa dzina ra Mwenyezi Mlungu kukala nyumba ihi indakala dza Shilo na mudzi uhu undakala wekee bila ya atu?” Phahi Jeremia wazangirwa ni atu ndani ya nyumba ya Mwenyezi Mlungu.

Jeremia 25:18

Náahenda atu osi a Jerusalemu, vidzidzi vya Juda, phamwenga na afalume na vilongozi, anwe kuhumira cho chikombe, ili kuahenda akale chitu cha kuogofya, kuberwa na kulaniwa dza irivyo hadi rero.

Isaya 44:26

Mimi ndimi nitimizaye neno ra mtumishi wangu na mipango nchiyohuma ajumbe angu, niambiraye Jerusalemu, ‘Mudzi uhu undaishi atu,’ na kuiambira midzi ya Juda, ‘Indadzengbwa tsona,’ nami phatuphe phariphobomolwa-bomolwa nindaphadzenga tsona.

Nehemia 4:2

Wagomba mbere za atu okala a phamwenga naye na mbere za jeshi ra Samariya achiamba, “Anahendani hano Ayahudi anyonje? Vino andaweza kudzenga nyo ukuta? Andaweza kulavya sadaka? Yo kazi andaweza kuimala kpwa siku mwenga? Dze, andaweza kuphaha mawe ga kudzengera kula kpwenye vyo vifusi chivyophya?”

Maono 18:2

Naye achigomba na raka ra dzulu, achiamba, “Mudzi mkpwulu wa Babeli ukagbwa, nyo mudzi mkpwulu he, ukagbwa! Mudzi hinyo vivi ukakala makalo ga chila aina ya mashetani na pepho. Piya ukakala phatu pha chila aina ya nyama a mapha achafu asiolondwa ni atu.

Alawi 26:32

Ndahenda tsi yenu ikale tuphu hadi maadui genu gasagalago himo gaangalale.

Zaburi 44:19

Ela ukahuricha tahudziweza kahi za mabawa, ukahubwiningiza na chilungulungu cha jiza.

Jeremia 1:15

Mana lola ninaiha atu osi a tawala za vurini, Mwenyezi Mlungu anaamba, atawala aho andakpwedza avamie maryango ga Jerusalemu; abomole kutaze zosi na aangamize midzi yosi ya Juda.

Jeremia 4:27

Mana Mwenyezi Mlungu anaamba, “Tsi yosi indabanangbwa-banangbwa, dzagbwe sindaibananga kabisa.

Jeremia 44:2

“Mwenyezi Mlungu, Mlungu wa majeshi, Mlungu wa Iziraeli anaamba: Mwimwi mwaona go mai gosi nrigohendera Jerusalemu na midzi ya Juda. Rero midzi iyo ni magandzo na i wekee bila atu,

Jeremia 49:33

Hazori indakala makalo ga makala, gandzo ra kare na kare, Taphana mutu ndiyeishi kuko, taphana mutu ndiye sagala mumo.”

Jeremia 50:3

“Mana taifa kula vurini rikedza kupigana naye, ambaro rindabananga tsiiye tsetsetse. Takuna ndiye sagala mumo, anadamu na nyama andachimbira.

Sonono za Jeremia 1:4

Njira ziphiyazo Sayuni ni tuphu mana takuna aphiyaye sikukuuni. Maryangoge gakakala gandzo, alavyadzie-sadaka anaula, asichanae anasononeka, na ye mwenye ana utsungu sana.

Kumbukumbu 29:23

tsi yosi ikakala litsapi ikabwiningizwa ni mawe ga moho wa chibiriti na munyu; takuna ndichophandwa hata nyasi tazindamera kuko. Tsi ikakala dza midzi ya Sodoma na Gomora, Adima na Seboimu ambazo Mwenyezi Mlungu waziangamiza wakati kala akatsukirwa sana.

Zaburi 107:43

Yeyesi ariye na ikima naaririkane mambo higa, naaririkane kuhusu mendzwa ya Mwenyezi Mlungu isiyosika.

Jeremia 8:22

Dze, takuna dawa za mavune ko Giliadi? Dze, takuna mgbwanga ko? Kpwa utu wani atu angu taadzangbwephola?

Jeremia 16:10

Na wakati uchiambira maneno gaga atu aha andakuuza, kpwa utu wani ye Mwenyezi Mlungu akatangaza uyi huno mkpwulu chinyume chao. Piya andakuuza ana makosa gani na amuhendera Mwenyezi Mlungu, Mlungu wao dambi yani.