Jeremia 9:10 - Digo Bible

¹⁰ Nindatulukpwa ni matsozi kpwa kuririra yo myango, na kusononekera nyasi za jangbwani, mana zindabanangbwa na takuna ndiyetsapira, na ngʼombe tazindasikirwa zichirira tsona Nyama a mapha na nyama a tsakani akachimbira na kuzirimika.

Jeremia 9:10 Referans Kwoze

Jeremia 12:4

Yo tsi indaenderera kusononeka hadi rini? Na zo nyasi kunyala mindani? Kpwa sababu ya uyi wa nyo asagalao mumo nyama na nyama a mapha akamalwa tse mana aamba, “Mlungu kandagaona go huhendago.”

Hosea 4:3

Kpwa sababu hiyo, yo tsi indauma na osi asagalao mumo anaonda. Nyama a tsakani, nyama a mapha hadi ngʼonda a baharini anafwa.

Ezekieli 33:28

Nami ndaihenda yo tsi ikale wekee na tuphu, na mkpwotsewe umuhendesao akale na ngulu undafika mwisho na myango ya Iziraeli indakala wekee chiasi cha kukala taphana mutu ndiyeitsupira.

Ezekieli 29:11

Taphandakala lwayo ra mwanadamu ndirotsupa mumo wala ra nyama. Tsi iyo indakala gandzo kpwa miaka mirongo mine.

Ezekieli 14:15

Nchireha nyama a tsakani avamie yo tsi, aolage atu osi a yo tsi na kuihenda gandzo; ikale mutu kaweza kutsupira tsi iyo kpwa nyo nyama a tsakani,

Jeremia 12:10

Arisa anji akabananga minda yangu ya mizabibu akavyoga-vyoga munda wangu, akahenda munda wangu mnono ukakala litsapi usiomera chochosi.

Jeremia 7:29

Atu a Jerusalemu, nyolani nyere zenu mzitsuphe, kuonyesa kukala muna sonono rirani dzulu za myango mana mimi Mwenyezi Mlungu nkakuremani mwimwi murio chivyazi chiricho sababisha tsukizi zangu.’

Sonono za Jeremia 2:11

Matso gangu gakaremwa kpwa kurira, roho yangu ikachafuka. Moyo wangu unafwa purungire kpwa sonono kpwa sababu ya kubanangbwa kpwa mwana mchetu wa atu angu, kpwa kukala anache na ana atsanga anahirika mo njira-njira za nyo mudzi.

Sonono za Jeremia 1:16

Ndiyo mana ninarira, namwagikpwa ni matsozi mana wa kuniphoza marenda a kure nami, takuna wa kunitiya moyo. Anangu akarichwa a weche, mana adui akaniturya.”

Jeremia 23:10

Mana atu a yo tsi si aaminifu Maisha gao ni mai chisha anahumira uwezo wao vibaya. Kpwa sababu ya yo lana tsi inasononeka na go marisa ko weruni gauma.

Jeremia 14:6

Maforo gaimire kpwenye virere vya myango ko jangbwani, ganasoha mairo-mairo dza makala, matso gao tagaweza kuona kpwa kukosa nyasi.”

Jeremia 8:18

Sonono yangu takuna awezaye kuyiusa nikafwa moyo.

Jeremia 2:6

Aho tauzire, ‘Akuphi ye Mwenyezi Mlungu ariyehutuluza kula tsi ya Misiri na kuhulongoza ko nyikani, tsi ya jangbwa na madibwa, tsi kavu yenye chilungulungu cha jiza, tsi isiyotsupirwa ni mutu wala kusagalwa?’

Isaya 49:19

Dzagbwe wabanangbwa na kuhendwa gandzo, undaodzala atu hadi ukale kutosha, na nyo ariokubananga andakala kure.

Isaya 41:15

“Lola, nindakuhenda ukale chifwaya cha kuwagira chiphya chenye meno. Undatisa-tisa myango na kuisaga-saga, nawe undavihenda vidzango vikale dza wiswa.

Jeremia 50:3

“Mana taifa kula vurini rikedza kupigana naye, ambaro rindabananga tsiiye tsetsetse. Takuna ndiye sagala mumo, anadamu na nyama andachimbira.

Ezekieli 27:2

“Uwe mwanadamu, imbira Tiro wira wa sonono.

Joeli 1:13

Mwi alavyadzi-sadaka, vwalani magunia, kotani kululu mwimwi muhendao kazi phatu pha kulavira sadaka. Ndzoni mchese kuno mkavwala magunia mwi ahumwa a Mlungu wangu! Mana takuna arehaye tsona sadaka za mtsere wala za chinwadzi nyumbani mwa Mlungu wenu.

Joeli 1:19

Hunakuririra uwe Mwenyezi Mlungu, mana tsandzala yaocha marisa gosi ga weruni phamwenga na mihi yosi ya mindani.

Amosi 5:1

Mwi atu a Iziraeli, phundzani huno wira wa sonono nilondao kuimba kukuhusuni.

Amosi 5:16

Kpwa sababu iyo, ye Mwenyezi Mlungu, Mlungu wa majeshi, anaamba, “Kundakala na chiriro chila muhala wa mudzi na chila barabara aambe, ‘Maye! Maye!’ Andaiha akurima phamwenga na arirao kpwa maripho, aririre ariofwa.

Mika 2:4

Siku iyo atu andakutungirani wira wa sonono wa kukunyeterani nao andaamba, ‘Hukaangamizwa tsetsetse, Mwenyezi Mlungu akaganya vitu vya atu angu. Iye akanifuta mtalo hinyo, na minda yehu akaipha atu ario uhala mateka.’ ”

Jeremia 2:15

Simba akamngurumira, mngurumo mkpwulu sana, akaihenda tsiiye chitsapi; midziye ni magandzo, taina atu.

Jeremia 12:11

Akauhenda litsapi nao unaniririra. Tsi yosi ikahendwa litsapi ela taphana mutu atambukiraye.

Sonono za Jeremia 5:18

mana mwango Sayuni, ukarichwa wekee bila mutu, makala nkunyendeka dzuluye.

Ezekieli 6:6

Midzi yosi ya Iziraeli indakala magandzo na mwatu mwenu mwa dzulu mwa ibada mubomolwe, ili mo mwatu mwa kulavira sadaka mubanangbwe, vizuka vyenu vivundzwe-vundzwe, mwatu mwenu mwa kufukizira uvumba mubomolwe na vitu vyenu vyosi murivyotengeza viangamizwe.

Mika 3:12

Sambi phahi, kpwa sababu yenu, mudzi wa Sayuni undarimwa dza munda Jerusalemu indakala gandzo, na chidzango cha nyumba ya kuvoya Mlungu chindakala tsaka.”