Jeremia 8:9 - Digo Bible

⁹ Atu a ikima andagbwa kpwenye mihego ya upumbavu wao, mana arema neno ra Mwenyezi Mlungu. Gaphaphi marifwa gao?

Jeremia 8:9 Referans Kwoze

Jeremia 6:15

Dze aona waibu wakati ariphohenda mambo ga kutsukiza? Hata taayaona waibu bii; aho taayamanya tse. Kpwa hivyo andagbwa kahi za nyo ariogbwa; ndiphoatiya adabu undakala mwisho wao, mimi Mwenyezi Mlungu nkaamba.”

Ayubu 5:12

Iye nkubananga mipango ya atu ajanja, ili mahendo gao gasiongokerwe.

Jeremia 6:19

Phundza, we dunia yosi; nindareha utu mui kpwa atu hinya, garigo matunda ga uyi wao kpwa sababu ya kusaphundza maneno gangu na kurema shariya yangu.

Isaya 19:11

Akulu a Soani ni azuzu sana! Ashauri enye ikima a Misiri analavya ushauri wa chizuzu! Anawezadze kumuambira Farao kukala aho ni chivyazi cha atu enye ikima, na ni ana a afalume a kare?

Zaburi 19:7

Shariya ya Mwenyezi Mlungu taina ila, nkumupha mutu nguvu uphya, malagizo ga Mwenyezi Mlungu ganakuluphirika nkumupha ikima mutu asiyekalanayo.

Kumbukumbu 4:6

Gbwirani masharuti na malagizo higo mana gandakuhendani mkale na ikima na kuelewa mambo kahi ya mataifa. Atu a mataifa ganjina ndiphoona ikima na achili mriyonayo andaamba, ‘Kpwa kpweli taifa hiri kulu ni ra atu a ikima na achili!’ ”

2 Timothi 3:15

na wamanya Maandiko ga Mlungu hangu wanacheo. Higo ganaweza kukulongoza kpwa busara kuphaha wokofu kpwa kumkuluphira Jesu Muokoli.

Ezekieli 7:26

Kundahendeka mafwa bada ya mafwa na uvumi undakala wa kpwenderera. Andaendza ruwiya kula kpwa nabii na taandaphaha; mafundzo ga shariya galaviwago ni mlavyadzi-sadaka na ushauri wa atumia undaangamika.

Jeremia 49:7

Ela kuhusu Edomu, Mwenyezi Mlungu, Mlungu wa majeshi anaamba, “Dze takuna ikima ko Temani? Dze, nyo enye ikima akaangamikpwa ni ushauri? Dze, ikima ikaaukira tsetsetse?

Isaya 8:20

Ela mwimwi gbwirani lagizo na fundzo ra Mlungu. Aho agombao higo taadzangbweona mwanga,

2 Afalume 17:15

Anema masharutige, na chilagane arichoika na akare aho na maonyo arigo aonya, achiabudu vizuka visivyokala na mana hata aho enye achikala taana mana tsona. Alunga mila za mataifa ganjina garigoazunguluka ambago Mwenyezi Mlungu walagiza kukala asigalunge mfwano wao.

Isaya 29:14

Kpwa sababu iyo ndahenda tsona kazi ya kuangalaza kahi ya atu aha. Nindahenda kazi ya kuangalaza na vilinje. Ikima ya enye ikima indaangamika na kumanya kpwa atu a kpwao amanyao, kundafwitswa.”

Jeremia 15:6

Mwimwi mwanirema, Mwenyezi Mlungu anaamba, munaenderera kuuya nyuma, kpwa vivyo nikakugoloserani mkpwono na kukuangamizani, nikaremwa kuvumirira.

Jeremia 19:7

Chisha ndabananga mipango ya atu a Juda na a Jerusalemu nami ndahenda atu aho aolagbwe na upanga ni maadui gao. Nindaatiya mikononi mwa nyo aendzao uhai wao, na nyufu zao zindakala chakurya cha nyama a mapha na nyama a tsakani.

Amosi 2:4

Mwenyezi Mlungu anaamba, “Kpwa sababu atu a Juda akahenda dambi vivyo kpwa vivyo, ni niatiye adabu. Aho arema shariya ya Mwenyezi Mlungu, na taalungire amurize, ela alongozwa visivyo ni milungu ya handzo ambayo akare aho ailunga.

Zakariya 13:4

Siku iyo chila nabii andaonera waibu ruwiyaze wakati anatabiri. Tsona kandavwala mavwazi ga chinabii ga nyoya ili achenge atu,

Ayubu 5:13

Iye nkugbwira enye ikima kahi ya ulachu wao, na mipango ya enye ikima nkubanangbwa upesi.

Isaya 43:27

Mkareo wa kpwandza wahenda dambi, na agombio achiniasi.

Jeremia 2:8

Alavyadzi-sadaka tauzire, ‘Akuphi ye Mwenyezi Mlungu?’ Ario manyirira shariya taanimanyire tse, na vilongozi aniasi. Manabii alavya unabii kpwa dzina ra Baali na kulunga vitu visivyo na mana.