Jeremia 8:17 - Digo Bible

¹⁷ Mwenyezi Mlungu anaamba, “Lolani, nakuhumirani nyoka kahi yenu, tsakapala mwenye sumu isiyolagulika, nao andakuondzani.”

Jeremia 8:17 Referans Kwoze

Muhubiri 10:11

Kuhumira mihaso ya kuzuwiya usiondzwe ni nyoka kuna fwaida yani napho nyoka ikakuondza kare.

Kumbukumbu 32:24

Mundaondezwa ni ndzala, mundaphya na dzoho kali na makongo ga kuolaga. Nindareha nyama a tsakani enye meno makali akushambuliyeni na nyoka zenye sumu ziambalazo vumbini zikungʼateni.

Isabu 21:6

Phapho Mwenyezi Mlungu achiahumira Aiziraeli nyoka za sumu kali nao achiondzwa na anji aho achifwa.

Maono 9:19

Hara farasi, nguvu zao kala zi milomoni na piya michirani. Mana michira yao kala ni dza nyoka zenye vitswa vya kulumizira atu.

Amosi 9:3

Hata akadzifwitsa dzulu ya mwango Karimeli, chisha nindaaendza na niatuluze kula kuko. Hata achadzifwitsa tsini ya bahari ili nisiaone, nindalagiza dzoka kuko rikaaondze.

Amosi 5:19

Ni dza mutu achimbiraye simba, akakutana na dubu. Ama mutu ainjiraye nyumbani akajejemeza mkpwonowe ukutani, na akaondzwa ni nyoka.

Isaya 14:29

Mwi Afilisti! Iyo fwimbo yokala inakupigani ikavundzika ela msihererwe. Mana kula pho chiphofwa nyoka phandatuluka bafwe naro rindavyala dzoka siru ra kuuruka renye sumu kali.

Zaburi 58:6

Ee Mlungu, avundze meno gao, gangʼole, ee Mwenyezi Mlungu, meno ga simba hinyo.