Jeremia 6:20 - Digo Bible

²⁰ Taina mana kunilavira ubani kula Sheba, ama udi wa kungu nono kula tsi za kure? Sindakubali sadaka zenu za kuochwa, na hata sadaka zenu tazinihamira.

Jeremia 6:20 Referans Kwoze

Isaya 1:11

Mwenyezi Mlungu anaamba, “Zo sadaka zenu nyinji zinanifwahani? Nikasinywa ni sadaka zenu za kuochwa, za maturume na marunya ga nyama a kunona Sihamirwa ni milatso ya ndzau, ya ana ngʼondzi na ya mbuzi.

Isaya 60:6

Makundi ga ngamia atsanga-atsanga a Midiani na Efa gandaodzaza tsi. Osi alao Sheba, andareha zahabu na ubani, na azitangaze nguma za Mwenyezi Mlungu.

Zaburi 40:6

Uwe ukanisodola masikiro na kunihenda nielewe, kukala kuna haja na sadaka za kuochwa wala zawadi zanjina. Kuyalonda sadaka za kuochwa na za kuusira atu dambi.

Isaya 66:3

“Ela ye ndiyelavya sadaka ya ndzau andakala avi akaolaga mutu. Na ndiyelavya sadaka ya mwana ngʼondzi, andakala dza mutu achiyevundza singo ya diya. Alavyaye sadaka ya mtsere ni dza arehaye mlatso wa nguluwe, na alavyaye sadaka ya kumbukumbu ya kufukiza ubani ni dza anayeabudu vizuka; kpwa kukala atsambula njira zao enye nao ahamirwa ni matsukizo gao.

Kutsama 30:23

“Hivi phahi ndivyo vilungo vinono ndivyohumira kutengezera mafuha ga utakaso: Manemane ga madzi ga chiasi cha kilo sita, mdalasini wa kunukato wa chiasi cha kilo tahu, na miwa ya kunukato, kilo tahu,

Ezekieli 27:22

Ahendadzi-bishara a Sheba na Raama ahenda bishara nawe. Aho akakaniza vituvyo na vilungo vinono zaidi, na aina zosi za mawe ga samani na zahabu.

Ezekieli 20:39

“ ‘Ela mwimwi atu a Iziraeli, Mwenyezi Mlungu anaamba hivi: Chila mmwenga naakahumikire vizukavye na badaye mundaniphundza na tamundarinajisi tsona dzina rangu takatifu, kpwa zawadi zenu mzilavirazo vizuka vyenu.

Zaburi 66:3

Muambireni Mlungu, “Mahendogo ni ga ajabu sana! Uwezoo ni mkpwulu chiasi cha kuhenda maaduigo gadzikundze kpwa wuoga.

1 Afalume 10:10

Phahi Malikia achimupha mfalume zaidi ya kilo elufu ne za zahabu, vilungo vinji sana na mawe ga samani. Takuna ambaye kala akamrehera mfalume Selemani vilungo vinji sana dza vira virivyorehwa ni Malikia wa Sheba.

Misemo 15:8

Sadaka za atu ayi ni tsukizo kpwa Mwenyezi Mlungu, ela nkufwahirwa ni mavoyo ga enye haki.

Misemo 21:27

Sadaka ya mutu mui ni dzambo ra kutsukiza. Inatsukiza zaidi ichirehwa na nia mbii.

Jeremia 14:10

Mwenyezi Mlungu anaamba hivi, kuhusu atu ano, “Ano anamendza sana kuangaika taaweza kuzuwiya nyayo zao kpwa hivyo Mwenyezi Mlungu akaarema vivi andatambukira mai gao nami ndaatiya adabu kpwa dambi zao.”

Jeremia 14:12

Dzagbwe nkufunga, sindasikira chiriro chao, na hata dzagbwe analavya sadaka za kuochwa na za mtsere, mino sindazikubali. Ela nindaangamiza kpwa upanga, ndzala na ukongo mui.”

Hosea 8:13

Ananilavira sadaka na kurya zo nyama za sadaka ela mimi tazinihamira. Mwenyezi Mlungu andatambukira makosa gao, na aatiye adabu kpwa ajili ya dambi zao, nao andauya Misiri.

Hosea 9:4

Taandamlavira Mwenyezi Mlungu sadaka ya uchi, taandamuhamira kpwa sadaka zao. Sadaka zao zindakala dza chakurya cha hangani, chila achiryaye andakala najisi. Chakurya hichi chindakala cha kuamvunisa enye, tachindatiywa nyumbani mwa Mwenyezi Mlungu.

2 Samueli 15:12

Abusalomu ariphokala analavya sadaka, wahuma akaihwe Ahithofeli kula kpwakpwe kaya hiko mudzi wa Gilo. Iye kala ni mshauri wa Daudi. Njama yao yaenderera kukala na nguvu, mana atu ariokala phamwenga na Abusalomu azidi kukala anji.

Malaki 1:10

Hata baha muifunge iyo Nyumba ya kuvoya Mlungu kuriko kpwenderera kuasa myoho nsiyoikubali dzulu ya hipho phatu phangu pha kulavira sadaka!” Mwenyezi Mlungu, Mlungu wa majeshi anaamba, “Mino sina raha namwi na hizo sadaka zenu mlavyazo sindaziphokera bii.