Jeremia 51:5 - Digo Bible

⁵ Mana Iziraeli na Juda tazikarichwa ni Mlungu wao, Mwenyezi Mlungu, Mlungu wa majeshi. Ela tsi ya Akalidayo ikaodzala uyi mbere za ye Mtakatifu wa Iziraeli.

Jeremia 51:5 Referans Kwoze

Zakariya 12:8

Siku iyo Mwenyezi Mlungu andaarinda atu a Jerusalemu ili nyo asio mkpwotse kahi yao akale dza Daudi. Atu a chivyazi cha Daudi andaalongoza avi ni Mlungu mwenye, au avi ni malaika wa Mwenyezi Mlungu.

Zakariya 12:6

“Siku iyo nindahenda vilongozi a Juda akale dza chidzaya cha moho kahi ya kuni, na dza chimwindi cha moho kahi ya masuche ga mtsere gachigofungbwa mabutsa-mabutsa. Aho andaangamiza atu a pande zosi zozunguluka Jerusalemu, ela atu a Jerusalemu andasala salama mumo mudzini.

Hosea 4:1

Mwi Aiziraeli phundzani neno ra Mwenyezi Mlungu. Mwenyezi Mlungu ana malau na mwi msagalao tsi ihi mana tamuna uaminifu wala mbazi chisha tamummanya Mlungu.

Zakariya 2:12

Mwenyezi Mlungu andaihala Juda ikale mtalowe kahi ya tsi takatifu na kuitsambula tsona Jerusalemu.

Mika 7:20

Undakala muaminifu kpwa chivyazi cha Jakobo na kumuonyesa mendzwa isiyosika chivyazi cha Burahimu, dza urivyoalaga akare ehu hipho kare, kpwa kuhenda apa.

Mika 7:18

Takuna Mlungu ariye dza uwe anayeswamehe dambi na kusalola makosa ga atu a urisiwe ariosala kutiywa adabu. Uwe kutsukirwa na ikakala ni bahi hata kare na kare, ela unaonato kuhuonyesa mendzwa isiyosika.

Hosea 1:10

“Ela yo isabu ya ana a Iziraeli indakala dza ya mtsanga wa pwani ambao taphana awezaye kuupima wala kuutala. Na badala ya kuambwa, ‘Simwi atu angu,’ aho andakpwedza aihwe, ‘Ana a Mlungu ariye moyo.’

Ezekieli 9:9

Ndipho achiniamba, “Kosa ra atu a Iziraeli na Juda ni kulu sana, mana yo tsi ikaodzala aolagadzi na mudzi mzima tauhenda haki. Mana anaamba, Mwenyezi Mlungu akairicha yo tsi na kaona.

Ezekieli 8:17

Iye waniamba, “Mwanadamu, ukagaona gano? Dze, ni dzambo dide ra atu a Juda, kuhenda mambo ga kutsukiza dza anagogahenda hipha? Mana tsi akaiodzaza fujo ra vivyo kpwa vivyo anarorihenda phapha ili anitsukize. Lola anavyonilumiza kpwa kunionyesa chironda.

Jeremia 50:20

Siku zizo na wakati uho, Mwenyezi Mlungu anaamba, makosa ga Iziraeli gandaendzwa ela tagandaphahikana; na dambi indaendzwa ko Juda ela taindaphahikana tse; mana mimi ndaswamehe nyo atu nrioasaza.

Jeremia 46:28

Usiogophe, uwe Jakobo mtumishi wangu, mimi Mwenyezi Mlungu nkaamba, mana ni phamwenga nawe. Nindaangamiza mataifa ganjina gosi tsetsetse kosi ambako nakuphirika, ela uwe sindakuangamiza. Ndakutiya adabu chidide tu, sindakuricha bila kukutiya adabu.”

Jeremia 31:37

Mwenyezi Mlungu anaamba, kala ko dzulu mlunguni kungepimika, na yo misingi ya dunia ingeweza kuchunguzwa, phahi ningechitsupha kure chivyazi cha Iziraeli, kpwa gosi arigohenda, mimi Mwenyezi Mlungu nkaamba.”

Jeremia 23:15

Kpwa hivyo kuhusu nyo manabii, Mwenyezi Mlungu, Mlungu wa majeshi anaamba, “Nindaahenda arye vyakurya vya utsungu na kunwa madzi ga sumu, kpwa sababu kula kpwa manabii a Jerusalemu kusamuogopha Mlungu kukagota kosi.”

Jeremia 19:4

Mana nyo atu akaniricha na kunajisi phatu hipha kpwa kufukizira uvumba milungu yanjina ambayo nyo enye, akare aho wala afalume a Juda taimanya. Piya akaphaodzaza phatu hipha na mlatso wa atu asio na makosa.

Jeremia 16:18

Nami nindaariphiza kano mbiri ya uyi wao na dambi zao. Mana akainajisi tsi na vizuka vyao visivyo na uhai na kuodzaza tsi ya urisi wangu na vizuka vya kutsukiza.”

Isaya 62:12

Nao andaihwa atu atakatifu, atu ariokombolwa ni Mwenyezi Mlungu, na Jerusalemu indaihwa “Mudzi umendzwao,” “Mudzi ambao Taurichika.”

Isaya 44:21

“Gatambukire gaga uwe Iziraeli, uwe Jakobo, mtumishi wangu. Nakuumba, uwe u mtumishi wangu. Uwe Iziraeli, mimi sindakuyala.

Zaburi 94:14

Mana Mwenyezi Mlungu kandaricha atue, kandatsupha atu ario urisiwe.

Ezira 9:9

Dzagbwe swiswi kala hu atumwa, uwe Mlungu wehu kuhurichire bii kahi za utumwa wehu. Ukahuonyesa mendzwaye isiyosika mbere za afalume a Pashia. Ukahutiya nguvu luphya huidzenge nyumbayo ambayo kala ikakala gandzo. Chisha ukakala ukuta wa kuhurinda hipha Juda na Jerusalemu.

1 Samueli 12:22

Mana Mwenyezi Mlungu kandaaricha atue kpwa ajili ya dzinare kulu risiberwe, kpwa kukala ikamfwahira Mwenyezi Mlungu kukuhendani mwimwi mkale atue mwenye.

2 Afalume 21:16

Zaidi ya higo, Manase waahenda atu a Juda ahende dambi mbere za Mwenyezi Mlungu. Waolaga atu anji asiokala na makosa, milatso yaodzala kula uphande mmwenga hadi uphande wanjina wa Jerusalemu.

1 Afalume 6:13

Mino ndakala kahi ya ana a Iziraeli na sindaaricha hata chidide atu angu, Aiziraeli.”

Hosea 4:2

Kazi yenu ni kulani, kuchenga, kuolaga, kuiya na kuzinga. Atu ahendao mambo chimabavu, hipha na hipha anaolaga ayawao.

Isaya 51:15

Mana mimi, ndimi Mwenyezi Mlungu, Mlungu wenu, nichafuaye bahari na kuhenda maimbige gavume, Mwenyezi Mlungu, Mlungu wa majeshi ndiro dzina rangu.

Jeremia 14:9

Mbona unakala dza mutu usiyeterya, dza mutu asiyeweza kuokola? Uwe u kahi yehu, ee Mwenyezi Mlungu na hunaihwa kpwa dzinaro hunakuvoya usihuriche.

Jeremia 14:19

Dze, Juda ukarema tsetsetse? Dze, moyoo ukatsukizwa ni Sayuni? Kpwa utu wani ukahupiga vino hata tahuweza kuphola? Hwatazamiya amani, ela tahuyionere, hwatazamiya kuphola, badalaye hwaphaha vitisho.

Jeremia 51:19

Iye ariye mtalo wa Jakobo si dza vyo vizuka, mana ndiye ariyeumba vitu vyosi, chisha mbari za Iziraeli ni urisiwe, Mwenyezi Mlungu, Mlungu wa Majeshi ndiro dzinare.

Hosea 2:1

Namwi mundaiha ndugu zenu alume “atu a Mlungu,” na enenu achetu “arioonerwa mbazi ni Mwenyezi Mlungu.”

Hosea 2:3

nisedze nikamvula nguwo akakala chitsaha dza arivyovyalwa. Chisha nimuhende akale dza jangbwa, dza tsi ya chitsapi, na nimuolage na chiru.