Jeremia 50:38 - Digo Bible

³⁸ Nakukale na kazikazi ili myuhoye ya madzi inywe, mana ni tsi ya vizuka, nao akainjirwa ni ndzundzuwa kpwa vyo vizuka.

Jeremia 50:38 Referans Kwoze

Maono 16:12

Malaika wa sita naye wamwaga tsukizi za Mlungu zokala mwakpwe ligani muho mkpwulu wa Yufurati. Nago madzige gachiuma, kpwa njira hiyo afalume kula mlairiro wa dzuwa achikala atengezera njira ili atikanye na majeshi gao.

Jeremia 50:2

“Semani na mtangazire mataifa ganjina, unulani chibao mutangaze msifwitse chochosi, ela ambani: ‘Babeli ikahalwa mateka, Beli akagbwizwa haya, Merodaki anaogofyerwa. Vizukavye vikatiywa waibu.’

Isaya 44:27

Mimi ndimi niviamurishaye vivwa vya madzi na kuviamba, ‘Umani! Nindayiumisa myuho yenu.’

Jeremia 51:52

Ela siku ziredza, Mwenyezi Mlungu anaamba ndiphoangamiza vizukavye, na ariolumizwa andaula kpwa utsungu kahi ya tsiiye yosi.

Jeremia 51:47

Kpwa hivyo, lola, siku ziredza ambapho nindatiya adabu vyo vizuka vya Babeli. Tsiye yosi indatiywa waibu, na atu osi ndioolagbwa andagbwa mo mwakpwe.

Maono 17:5

Na phakpwe chilanguni kala phakaandikpwa dzina ambaro manage kala ikafwitsika. Dzina renye ni hiri: Mudzi Mkpwulu wa Babeli Mayo wa Adiya Osi na wa Vitu Vikolo hipha Duniani.

Mahendo 17:16

Paulo ariphokala anagodza Sila na Timothi hiko Atheni, moyowe wasononeka sana ariphoona mudzi mzima wa Atheni ukaodzala milungu ya vizuka.

Danieli 5:4

Anwa uchi kuno anatogola milungu yotengezwa na zahabu, feza, shaba, chuma, mihi na mawe.

Jeremia 51:44

Nindamtiya adabu Beli ko Babeli, nimuhendese ahaphike vyo arivyomiza. Go mataifa ganjina tagandamlunga tsona. Kuta za Babeli zikagbwa.

Jeremia 51:7

Babeli kala ni chikombe cha zahabu mkpwononi mwa Mwenyezi Mlungu, chohenda atu a dunia alewe. Mataifa ganjina ganwa uchiwe wa zabibu, kpwa hivyo gachigbwirwa ni koma.

Jeremia 50:12

Mudzi wenu mkpwulu ambao ni dza mayo yenu undatiywa waibu, iye ariyekuvyala andaangalala. Lola, iye andakala wa mwisho kahi za mataifa gosi, tsi isiyo chinemi na jangbwa.

Isaya 44:25

Ndimi niikaye wazi handzo ra manabii a handzo, na kuahenda apigi a mburuga aonekane azuzu, nigaluzaye marifwa ga enye ikima na kugahenda gakale uzuzu.

Mwandzo 8:1

Halafu Mlungu wamtambukira Nuhu na nyama osi okala nao himo melini; achireha phuto duniani na gara madzi gachiandza kuphunguka.

Aamuli 6:30

Atu a mudzi ariphomanya amuamba Joashi, “Mtuluze mwanao humuolage, mana akabomola phatu pha kulavira sadaka Baali na chiguzo cha Ashera akachikata-kata.”