Jeremia 50:11 - Digo Bible

¹¹ Dzagbwe munafwahirwa na kuhererwa, mwi muhalao vitu vya atu angu zewe, dzagbwe munatona dza ndama ichiyoona nyasi, na kurira dza farasi mwenye mkpwotse.

Jeremia 50:11 Referans Kwoze

Isaya 47:6

Kala nkaatsukirirwa atu angu, nchiahenda atu ambao kala ni urisi wangu akale najisi, nchiatiya mwako mikononi, nawe kuyaaonera mbazi. Hadi nyo atumia uchiatsukuza mizigo miziho.

Zakariya 14:12

Na hiri ndiro pigo ambaro Mwenyezi Mlungu andapiga mataifa gosi gopigana na atu a Jerusalemu: Miri yao indaola kuno aimire, matso gao gandaola ndani ya vitswa vyao na malilimi gao gandaola mwao miromoni.

Obadiya 1:12

Msingeonato wakati ndugu zenu kala a mashakani. Msingehererwa wakati mudzi wao unaangamizwa. Mwahenda makosa kpwa kutseka ndugu zenu siku ya mashaka gao.

Amosi 4:1

Phundzani higa, mwi achetu a Samariya, mnonao dza ngʼombe ziriswazo vinono za Bashani, muonerao achiya na kutesa agayi, ambao mkuambira alume enu, “Haya reheni uchi hunwe!”

Hosea 10:11

“Efuraimu ni ndama yofundzwa na imendzayo kuwaga mtsere, ela sambi singoye nono nindaifunga gogolo. Ndamfunga Efuraimu niuke naye, Juda ni turi arime, Jakobo ni lazima arime mwenye.

Sonono za Jeremia 1:21

Aho akasikira vyo niulavyo, taphana wa kuniphoza marenda maadui gangu gosi gakasikira kuhusu mashaka gangu, aho akahamirwa ni kukala ukanihenda hivyo. Rehe yo siku uriyotangaza, uahende dza vyo urivyonihenda.

Jeremia 50:27

Tsindzani ndzauze zosi, ziricheni zitserere chitsindzironi. Shaka hiro mana siku yao ikafika, wakati wao wa kutiywa adabu.”

Jeremia 50:17

“Atu a Iziraeli ni dza mangʼondzi gachigoondoswa ni simba. Wa mwandzo kuavamia kala ni mfalume wa Ashuru, na wa mwisho kuvundza mifupha yao ni Nebukadineza, mfalume wa Babeli.

Jeremia 46:21

Anajeshi a kukodishwa ario nao, ni dza ndama chizonona. Aho piya akagaluka na kuchimbira phamwenga, taakaweza kuvumirira, mana siku yao ya kuangamizwa ikafika, wakati wao wa kutiywa adabu.

Jeremia 5:28

aha akanona kpwa kurya vinono. Atu aha taaogofyerwa ni kuhenda mai; taahenda anachiya akaphaha haki yao na taahehera haki za achiya.

Jeremia 5:8

Akala dza farasi achioriswa vinono enye mkpwatyo, chila mmwenga achiaza kulala na mchetu wa myawe.

Misemo 17:5

Mutu anyeteraye mchiya analaphiza Muumba wa hiye mchiya na ahererwaye napho myawe akafikpwa ni mashaka andatiywa adabu.

Zaburi 22:12

Maadui manji gakanizunguluka dza ndzau, maadui enye mkpwotse dza ndzau kula Bashani akanizangira!

Kumbukumbu 32:15

Ela mwi atu a Iziraeli mwanona, halafu mchimpiga teke Mwenyezi Mlungu. Mwatiya mwiri sana, muchikala vitibwatibwa na mchinyinyiha halafu mchimricha Mwenyezi Mlungu ariyekuumbani, mchibera Mwamba wa wokofu wenu.

Isaya 47:8

Sambi phundza gaga uwe unaye starehe, phundza uwe usagalaye na kudziona u salama, uambaye mwako moyoni, ‘Ni mimi bahi, na takuna wanjina. Sindakala gungu wala kufwererwa ni ana.’

Jeremia 12:14

Mwenyezi Mlungu anaamba hivi kuhusu majiranige ayi arioapha urisi atue Iziraeli, “Lola, nindaausa kula tsi yao, nami nindaausa atu a Juda kula kahi yao.

Jeremia 46:20

Misiri ni dza ndama nono, ela mabu kula vurini gakamvamia.

Ezekieli 35:15

Dza urivyohererwa wakati Iziraeli iriphohendwa wekee bila atu, ndivyo ndivyokuhendera uwe. Uwe undakala wekee, uwe mwango Seiri na tsi yosi ya Edomu. Phahi atu andamanya kukala mimi, ndimi Mwenyezi Mlungu.’ ”

Ezekieli 36:5

Kpwa hivyo, Mwenyezi Mlungu anaamba hivi: Kpwa wivu wangu munji nagomba chinyume cha mataifa ganjina na chinyume cha Edomu yosi, ahenda tsi yangu ikale yao kpwa kuhererwa na chibero mwao mioyoni ili seemuze za marisa azihale zewe.’

Habakuki 1:15

Atu osi akakala dza ngʼonda kpwa atu a Babeli. Anaavuwa na chiloo na chimia kuaphirika kpwao kuno akahererwa.