Jeremia 5:21 - Digo Bible

²¹ Vivi phundzani mwi azuzu na akuphupha, murio na matso ela tamuona, murio na masikiro ela tamphundza.

Jeremia 5:21 Referans Kwoze

Ezekieli 12:2

“Mwanadamu, uwe unasagala na atu aasi. Atu aha ana matso ela taaona, ana masikiro ela taasikira; mana ni aasi.

Mahendo 28:26

‘Phiya kpwa nyo atu ukaambire kukala, Kusikira mundasikira, ela tamundaelewa, na kulola mundalola, ela tamundaona.

Arumi 11:8

dza viratu Maandiko ga Mlungu gaambavyo: “Mlungu waahenda akale dza atu achioremererwa ni usingizi, waafunga matso ili asione, na achiaziba masikiro asiweze kusikira, nao a vivyo hata rero.”

Johana 12:40

“Mlungu waahenda vipofu, nayo mioyo yao achiihenda mifu. Ndiyo mana matso gao tagaona, wala mioyo yao taiweza kuamini. Kpwa hivyo taaweza kumgalukira Mlungu, akaaphoza.”

Jeremia 4:22

“Mwenyezi Mlungu achiamba, atu angu ni azuzu, taanimanya tse; Aho ni anache azuzu, asiomanya rorosi. Atu aho ni anamanya kuhenda mai, ela kuhenda manono taamanya.”

Mariko 8:18

Hangbwe muna matso na masikiro, ela tamuona wala kusikira! Kpwani tamtambukira,

Jeremia 8:7

Hata manjera anamanya wakati wa kutsama; na njiya, mberya na mariro, nkulunga majira gao ga kuuya; ela atu angu taamanya zo amuri zangu mimi Mwenyezi Mlungu.

Jeremia 5:4

Ndipho nriphoririkana nchiamba, “Ni kpweli kukala atu aha ni achiya, ni azuzu mana taamanya njira za Mwenyezi Mlungu, taaelewa shariya za Mlungu wao.

Isaya 44:18

Taamanya chisha taaelewa, mana akazibwa matso ili asione na achili zao zikafwinikpwa asingʼarirwe.

Zaburi 94:8

Mwi azuzu kuriko atu osi! Mwi apumbavu, mundakala rini na ikima?

Isaya 27:11

Pandaze ndizouma zindavundzwa, achetu andazihala azihende kuni. Kpwa kpweli atu hano taaelewa, kpwa hivyo muumba wao kandaaonera mbazi wala kuaswamehe.

Misemo 17:16

Taina mana mzuzu kukala na pesa za kuriphira ilimu, napho kana hamu ya kuphaha ikima.

Kumbukumbu 32:6

Mwi atu apumbavu na msio achili, munawezadze kumripha hivyo Mwenyezi Mlungu? Dze, ye siye sowe yenu ariyekuumbani, ariyekutengezani na kukuimarishani?

Kumbukumbu 29:4

Ela hadi rero Mwenyezi Mlungu kadzangbwekuphani achili ya kuelewa, matso ga kuona, wala masikiro ga kusikira!

Hosea 7:11

Atu a Efuraimu akakala azuzu dza njiya asiokala na dzuphi. Mara anaendza msada kula Misiri, kano kula Ashuru.

Jeremia 10:8

Takuna rorosi ra kudzifundza kula kpwa milungu yao, mana milungu iyo ni mihi tu,

Mariko 4:12

ili, ‘Alole na matso gao ela asione, asikize na masikiro gao ela asielewe; asedze akagaluka, akamuuyira Mlungu na akaswamehewa.’ ”

Arumi 1:20

Mana hangu mwandzo wa dunia, Mlungu waumba chila chitu kpwa njira ambayo hata dzagbwe atu taamuona, anaweza kuelewa vira arivyo. Hasa vitu arivyoumba vinaonyesa kukala Mlungu ana uwezo hata kare na kare, na ndiye Mlungu macheye, wala takuna wanjina. Ndiyo mana atu taaweza kudai kukala taammanya Mlungu.

Isaya 43:8

Arehe nyo atu asioona dzagbwe ana matso, nyo ario masito dzagbwe ana masikiro.

Jeremia 5:20

Dzambo riri ritangazire atu a nyumba ya Jakobo, na uriseme ko Juda:

Jeremia 6:10

Nigombe na ani na kumkanya ani hata asikire? Lola, masikiro ni mazito, taaweza kusikira; lola, neno ra Mwenyezi Mlungu anaribera, taafwahirwa ni ro neno.

Zakariya 7:11

Ela arema kuphundza, na kpwa kukala ana likakado anilozera kogo na kuziba masikiro gao ili asisikire.

Kumbukumbu 29:3

Mwaona enye na matso genu majaribu makulu, ishara na vilinje arivyohenda.

Jeremia 7:13

Sambi, kpwa sababu mwahenda mambo higa, nágomba namwi kano kpwa kano tamuniphundzire na nriphokuihani tamuyaihika, mimi Mwenyezi Mlungu nkaamba.