Jeremia 49:35 - Digo Bible

³⁵ Mwenyezi Mlungu, Mlungu wa majeshi waamba, “Lola, nindavundza uha wa Elamu, ambao ndiyo nguvu zao nyinji.

Jeremia 49:35 Referans Kwoze

Isaya 22:6

Anajeshi kula Elamu akagbwiririra maryaka na ana magari ga viha na anajeshi akuhumira farasi. Na jeshi ra Kiri ritayari na ngaoze.

Jeremia 51:56

Mʼbanangi andakpwedza chinyume cha Babeli, anajeshie andatekpwa, na maha gao gandavundzwa. Mana Mwenyezi Mlungu ni Mlungu wa chisasi, ni lazima andariphiza.

Zaburi 46:9

Nkukomesa viha duniani kosi, nkuvundza maha na mafumo, na kuocha ngao.

Jeremia 50:29

“Ihani atu ahumirao maha edze apige Babeli, osi awezao kulatsa. Chitani kambi kuizunguluka na musiriche hata mutu mmwenga akachimbira. Iriphizeni kulengana na mahendoge, ihendereni kulengana na vyo irivyohenda. Mana Babeli yamuhendera ngulu Mwenyezi Mlungu, Mtakatifu wa Iziraeli.

Jeremia 50:14

Dzipangeni kuizunguluka Babeli mwimwi muhumirao maha. Mulatseni! Msisaze hata muvwi mmwenga, mana akamuhendera dambi Mwenyezi Mlungu.

Hosea 1:5

Siku iyo ndaangamiza silaha za viha za Iziraeli ko Dete ra Jeziriili.”

Zaburi 46:10

Iye anaamba, “Hurirani mmanye kukala mimi ndimi Mlungu! Mimi natogolwa ni chila taifa, Mimi natogolwa duniani kosi.”

Isaya 21:2

Nkaonyeswa ruwiya ya kuogofya: Wa kusalata anasalata, wa kubananga anabananga. Ambuka uwe tsi ya Elamu, zangira uwe Umedi! Ndasisa kuula kosi arikosababisha.