Jeremia 49:31 - Digo Bible

³¹ Unuka, ukapige taifa risiro na fujo, riro riishiro salama, mimi Mwenyezi Mlungu nkaamba. Mudzi usio na maryango wala magbwama ni taifa rinaroishi macheye.

Jeremia 49:31 Referans Kwoze

Ezekieli 38:11

Nawe undaamba, “Nindavamia tsi ya vidzidzi visivyo na kuta, nikaapige atu ariohurira asagalao kpwa usalama, osi asagalao makalo gasigo na kuta, magbwama wala maryango.

Mika 7:14

Longoza atuo dza mrisa amanyiriravyo mifugo kuhumira fwimboye, hinyo ario dza mifugo ya urisio. Aho asegere tsakani machiyao, kpwenye tsi ambayo taidzangbwerimwa, ichiyozungulukpwa ni marisa manono. Ariche akasagale tsi ya rutuba ya Bashani na Giliadi, dza arivyohenda hipho mwandzo.

Isaya 47:8

Sambi phundza gaga uwe unaye starehe, phundza uwe usagalaye na kudziona u salama, uambaye mwako moyoni, ‘Ni mimi bahi, na takuna wanjina. Sindakala gungu wala kufwererwa ni ana.’

Kumbukumbu 33:28

Kpwa hiyo, atu a Iziraeli achisagala salama, chivyazi cha Jakobo machiyao, kpwenye tsi yoodzala mtsere na uchi wa zabibu, tsi ambayo inaphaha manena kula mlunguni.

Isabu 23:9

Kula kpwenye virere vya myamba ninaona atu, ninaaona kula vidzangoni. Ninaona atu asagalao machiyao, anaodziona kukala atafwauti na mataifa ganjina.

Zefania 2:15

Ninawi iriyodzikarya kukala i salama, yadziamba, “Takuna wanjina dza mimi.” Haya vino lola, ikakala gandzo na makalo ga nyama a tsakani. Chila atsupaye phephi na phapho anaufyorera na kuubera.

Nahumu 1:12

Mwenyezi Mlungu anaamba hivi, “Dzagbwe Aashuru ana nguvu na ni anji, andaangamizwa tsetsetse. Dzagbwe nákuhendani mgaye, sindakugayisani tsona.

Ezekieli 39:6

Nami ndahenda kuake moho ko tsi ya Magogu na kpwa mataifa garigo pwani gafikiriyago kukala ga salama, nao andamanya kukala mimi, ndimi Mwenyezi Mlungu.

Ezekieli 30:9

“ ‘Siku iyo ya Misiri kutiywa adabu, andahuma ajumbe na meli kpwendaogofyera Akushi ambao anadziona a salama, nao andatishirwa. Kpwa kpweli yo siku indakpwedza.

Jeremia 48:11

Hangu pho mwandzo, Moabu ikakala na amani, dza uchi uchiorichwa na siraye. Iye kakabiganywa kula mwiyo hadi wanjina, wala kadzangbwehalwa mateka. Kpwa hivyo mtswanowe uchere vivyo kula kare, na kunguye taidzangbwegaluka.

Isaya 32:11

Kakamani mwi achetu enye raha, kakamani na wuoga mwimwi msagalao raha msitarehe. Vulani nguwo zenu mvwale magunia.

Isaya 32:9

Hendani makini musikire higa nigombago mwi achetu enye raha. Niphundzani mwi ana a achetu munaodziona mu salama.

Zaburi 123:4

Hukagayiswa sana ni hinyo anaodzikarya hukaberwa ni hinyo asiojali na enye ngulu.

Zaburi 73:12

Sambi hivi ndivyo arivyo atu ayi ana chila alondacho na anaenderera kuphaha zaidi.

Isaya 42:11

Jangbwa na midziye naikote kululu, vidzidzi visagalavyo atu a Kedari navishangiliye. Atu a Sela naaimbe, naakote kululu kula kpwenye virere vya myango.