Jeremia 49:11 - Digo Bible

¹¹ Richani anachiya enu, nami nindahenda akale moyo. Na magungu genu naganikuluphire mimi.”

Jeremia 49:11 Referans Kwoze

Zaburi 68:5

Mlungu, asagalaye kpwenye makaloge matakatifu, ni baba wa anachiya na mrindzi wa magungu.

Jakobo 1:27

Dini ambayo Baba Mlungu anaikubali na kuiona kala taina makosa ni hino: kuterya anachiya na magungu alondao msada, tsona kudzizuwiya na mai ga dunia hino.

Hosea 14:3

Ashuru taandahutivya, wala farasi ehu a viha taandahuterya. Vizuka hurivyovitengeza enye kpwa mikono yehu, tahundaviiha tsona milungu kpwa kukala uwe ukuonera mbazi anachiya.”

1 Timothi 5:5

Mchetu gungu kpweli asiye na mroromi wala msada wowosi nkumuadamira Mlungu bahi, na nkudinisa kuvoya Mlungu usiku na mutsi ili amterye.

Malaki 3:5

Mwenyezi Mlungu, Mlungu wa majeshi anaamba, “Nami nindasengera phephi namwi nilavye uamuli. Nindalavya ushaidi upesi chinyume cha atsai, azinifu, anaoapa na handzo, anaoakopya vibaruwa katika maripho gao, anaoonera magungu na anachiya na anaonera atsupi a njira, jibu osi ambao taaniogopha.”

Jona 4:11

Dze, mino nami sifwaha kukala na utsungu na huno mudzi mkpwulu wa Ninawi, urio una zaidi ya atu elufu gana na mirongo miiri asiomanya zuri ni riphi na iyi ni riphi? Haya mbali na hivyo phahi, mudzi uhu una mifugo, tsona minji.”

Zaburi 146:9

Mwenyezi Mlungu nkuarinda ajeni, iye nkuapha kuluphiro magungu na anachiya ela mipango ya mutu mui nkuibananga.

Zaburi 82:3

Ahendereni haki anyonje na anachiya, timizani haki ya asiodziweza na achiya.

Kumbukumbu 10:18

Anakanira haki za anachiya na magungu na anaamendza ajeni asagalao kahi yenu na kuapha chakurya na nguwo.

Zakariya 7:10

Musionere magungu, anachiya, ajeni asagalao kahi yenu wala achiya. Tsona musipange kuhenderana mai.’