Jeremia 48:37 - Digo Bible

³⁷ “Chila mutu akanyola chiphala na cheruche. Chila mutu akadzikata-kata mikononi na akadzifunga magunia vibiruni.

Jeremia 48:37 Referans Kwoze

Jeremia 47:5

Atu a Gaza akanyola vitswa vyao kpwa sonono, mudzi wa Ashikeloni ukaangamizwa. Mwi atu a Anakimu msereo, mundadzikata-kata hadi rini?

Jeremia 41:5

phakpwedza atu mirongo minane kula Shekemu, Shilo na Samariya. Atu aha kala akanyola vyeru vyao, akavwala mademu na miri yao kala ikakatwa-katwa. Atu aha kala akedza nyumbani mwa Mwenyezi Mlungu kulavya sadaka za mtsere na uvumba.

Mwandzo 37:34

Jakobo wakpwanyula nguwoze achivwala magunia kpwa utsungu. Wamririra mwanawe siku nyinji.

Jeremia 16:6

Avyere kpwa adide osi andafwa kpwenye tsi ihi, taandazikpwa na takuna ndiyeasononekera, ndiyedzikata ama kunyolwa chiphala kpwa ajili yao.

Isaya 20:2

Wakati hinyo Mwenyezi Mlungu wagomba kutsupira nabii Isaya mwana wa Amozi achiamba, “Vula hizo nguwo za magunia uchizovwala na virahu urivyo navyo maguluni.” Naye nabii achihenda kama arivyolagizwa, achinyendeka chitsaha tsona bila virahu.

Maono 11:3

yani muda wa siku elufu mwenga magana mairi na mirongo sita. Na kundakpwedza mashaidi angu airi ambao nindaapha uwezo wa kutabiri siku hizo zosi kuno anasononeka kpwa sababu ya mudzi wa Mlungu kubanangbwa.”

Mariko 5:5

Usiku na mutsi mutu hiyu kala achinyendeka ko vikurani na gambani kuno anakota kululu na kudzikata-kata na mawe.

Mika 1:16

Nyolani nyere zenu kpwa sababu ya sonono kpwa ajili ya ana enu anaokuhendani mkale na raha, dzihendereni chiphala dza tai mana ana enu andauswa aphirikpwe tsi ya ujenini.”

Amosi 8:10

Nindagaluza sikukuu zenu zikale siku za chiriro, na mawira genu gosi gakale ga chiriro. Nindakuhendani mvwale nguwo za magunia, na chila chitswa chinyolwe chiphala. Siku iyo ndaihenda ikale ya chiriro dza cha mutu achiyefwererwa ni mwanawe wa macheye, na mwishirowe, indakala dza siku ya utsungu.”

Ezekieli 27:31

Andadzinyola mabato mwao vitswani kpwa sababuyo na avwale nguwo za magunia. Andakuririra na utsungu mwao mioyoni na kukala na chiriro cha sonono.

Ezekieli 7:18

Andavwala nguwo za magunia kpwa sonono na akakame kpwa wuoga. Andanyolwa vitswa vyao na agbwirwe ni haya.

Isaya 37:1

Mfalume Hezekiya ariphosikira mambo gago, wakpwanyula nguwoze, achivwala gunia, achiinjira ndani ya nyumba ya Mwenyezi Mlungu.

Isaya 3:24

Badala ya kungu ya manukato, lovu ra kuola, badala ya mkanda, kowa, badala ya misongo minono, vitswa vindanyolwa viphala, badala ya nguwo nono, magunia na badala ya urembo, waibu.

2 Afalume 6:30

Mara mfalume ariphosikira maneno ga mchetu hiye wakpwanyula nguwoze kpwa utsungu, na atu ariokala phephi na ukuta aona kukala ndani ya nguwoye, akavwala gunia.

1 Afalume 21:27

Ela, Ahabu ariphosikira maneno higo, wakpwanyula nguwoze, achivwala gunia na achifunga. Kala analala na magunia na kuphiya hiku na hiku na sonono.

1 Afalume 18:28

Manabii hinyo apiga kululu zaidi, achidzikata-kata na marumu na mafumo, dza irivyo desturi yao, hadi achimwagikpwa ni milatso.

Alawi 19:28

wala msitsodzwe kpwa ajili ya kufwererwa wala kuika alama yoyosi mwenu mirini. Mimi, ndimi Mwenyezi Mlungu.

Mwandzo 37:29

Wakati wa kuguzwa Yusufu, Rubini kala kapho na kamanyire kukala nduguze akamguza. Ariphouya, chisimani na achiona Yusufu kamo, wakpwanyula nguwoze kpwa utsungu.

Jeremia 49:3

Sononeka uwe Heshiboni, mana mudzi wa Ai ni gandzo! Rirani mwi atu a Raba! Vwalani nguwo za magunia, msononeke na mzole hiku na hiko mo muhalani! Mana mlungu wenu aihwaye Milikomu andatekpwa, phamwenga na alavyadzie-sadaka na vilongozie.

Ezekieli 29:18

“Mwanadamu, Nebukadineza, mfalume wa Babeli wahenda jeshire rihende kazi ngumu chinyume cha mudzi wa Tiro. Waatsukuza anajeshie mizigo miziho hadi achihenda viphala na mafuzi gao gachihenda vironda. Ela iye na jeshire taaphahire chitu kpwa kazi iyo yoihenda chinyume cha Tiro.

1 Nyakati 19:4

Phahi Hanuni waahala nyo atumishi a Daudi, achianyola vyeru vyao, nguwo zao achizikata kahi-kahi hadi mahakoni, chisha achiarichira aphiye vyao.