Jeremia 48:11 - Digo Bible

¹¹ Hangu pho mwandzo, Moabu ikakala na amani, dza uchi uchiorichwa na siraye. Iye kakabiganywa kula mwiyo hadi wanjina, wala kadzangbwehalwa mateka. Kpwa hivyo mtswanowe uchere vivyo kula kare, na kunguye taidzangbwegaluka.

Jeremia 48:11 Referans Kwoze

Zefania 1:12

Wakati uho nindamwirika Jerusalemu na taa na niipeleleze. Nindaatiya adabu atoshekao na hali yao, hinyo aambao mwao mioyoni, ‘Mwenyezi Mlungu kandahenda rorosi nono wala iyi.’

Zakariya 1:15

Ela nagatsukirirwa sana mataifa ganjina ganagodziona ga salama. Mimi kala nikaitsukirirwa Iziraeli chidide tu, ela go mataifa ganjina gachiaenjerezera mateso.”

Nahumu 2:2

Mwenyezi Mlungu andauyiza nguma ya Jakobo dza urivyo nguma ya Iziraeli, dzagbwe abanangi akaihenda ikale gandzo na kubananga mihi yao ya mizabibu.

Jeremia 48:29

Hukasikira ko kudziunula kpwa Moabu, iye ana ngulu sana Hukasikira kuhusu kudzikudulakpwe, chiphuryeche na anavyodzilika mwakpwe moyoni.

Isaya 24:3

Dunia hino indakala tuphu kabisa na kubanangbwa tsetsetse mana Mwenyezi Mlungu akagomba hivyo.

Isaya 16:6

Hukasikira Moabu inavyodzikarya, irivyo na ngulu kutsupa chiasi, ela kudzikaryakpwe si chitu.

Zaburi 123:4

Hukagayiswa sana ni hinyo anaodzikarya hukaberwa ni hinyo asiojali na enye ngulu.

Zaburi 55:19

Mlungu atawalaye hata kare na kare andaaphundza na aahende anyenyekee, kpwa sababu taalunga shariya na taaogopha Mlungu.

Jeremia 51:34

“Nebukadineza, mfalume wa Babeli akahumiza, na akahufyondza asisaze chitu. Iye akahuricha chihuphu bila chitu, iye akahumiza dza dzoka na kuodzaza ndaniye na vinono vyehu na badaye akahuaphika.

Isaya 25:6

Na kahi za mwango uhu Mwenyezi Mlungu, Mlungu wa majeshi andagahendera karamu mataifa gosi, karamu ya vyakurya vinono-vinono, nyama za kunona na uchi mufu wa zabibu.

Misemo 1:32

Kpwa kukala atu asiomanya nkudziolaga kpwa likani rao, azuzu nkudziangamiza kpwa kura kudziamini kpwao.

Nahumu 2:10

Ninawi ukabanangbwa, ukatsamwa na ukakala gandzo! Atuo akamaka hata anakakamwa ni mavwindi. Aho taana mkpwotse na akaangalala.

Jeremia 22:21

Nágomba nawe wakati mambogo ganakuphihirato, ela we uchiamba, ‘Sindagasikira tse.’ Ndivyo urivyo, hangu ubarobaroo kuniphundza, yani kuogopha sauti yangu.

Jeremia 48:12

“Kpwa hivyo, wakati uredza, Mwenyezi Mlungu anaamba, ndiphomuhumira atu amanyao kutenga sira na uchi. Aho andaumwaga kula chila mwiyo na miyo andaivundza vipande-vipande.