Jeremia 4:30 - Digo Bible

³⁰ Nawe, uwe ambaye undabanangbwa, kpwa utu wani unadzivwika nguwo za kundu, na kudzipamba na mapambo ga zahabu, na kuhenda matsogo gakale makulu kpwa kudzipaka wanda? Unadzipamba bure azembeo anakubera anaindza uhaio.

Jeremia 4:30 Referans Kwoze

2 Afalume 9:30

Jehu ariphofika Jeziriili, Jezebeli achiphaha habari ya mambo chigohendeka. Wadzipaka wanda matsoni, achitengeza nyereze na achitsungurira na dirishani.

Sonono za Jeremia 1:19

Náiha azembe angu ela anichenga, alavyadzi-sadaka na atumia angu afwa mo mudzini, ariphokala anaendza chakurya ili auyize mikotse yao.

Sonono za Jeremia 1:2

Iye nkurira sana wakati wa usiku, matsozi gakajera mwakpwe mafundani. Kahi ya azembee osi taphana wa kumphoza marenda, asenae osi amsalata, aho akakala maaduige.

Isaya 10:3

Siku iredza ambayo Mlungu andakutiya adabu kali, anajeshi kula tsi za kure andakpwedza akuvamie. Taphandakala na yeyesi wa kukuterya ndipholonda kuchimbira kutiywa adabu, wala taphandakala na phatu pha kufwitsa maliyo.

Ezekieli 28:13

Uwe wakala Edeni, bustani ya Mlungu, uchipambwa kpwa mawe ga samani ga chila aina: akiki, yakuti ya mandano, alimasi, zabarajadi, shohamu, jasipa, yakuti samawi, zumaridi, baharamani na mapambogo ga zahabu. Vyokala vikatengezwa kare siku uriyoumbwa.

Jeremia 13:21

Kuna atu urioahenda asenao, dze, undaahariradze achihendwa atawalao? Dze, kundasikira utsungu? Dza hura wa mchetu alondaye kudzivugula?

Isaya 20:6

Wakati hinyo, hinyo asagalao pwani hino andaamba, ‘Lola, chigoafika hinyo hurioakuluphira, atu huriochimbirira ili huphahe kuterywa kula mikononi mwa mfalume wa Ashuru! Swino hundativywa ni ani?’ ”

Maono 17:13

Nyo afalume kumi andakala na lengo mwenga, ra kupha ro dzinyama vyeo vyao na uwezo wao wosi.

Maono 17:4

Mchetu hiye kala akavwala nguwo za rangi ya zambarau na rangi ya kundu. Tsona kala akadzipamba na lulu na zahabu na vingojo-ngojo vya gali sana. Mwakpwe mkpwononi kala akagbwira chikombe cha zahabu ambacho kala chikaodzala vitu vikolo vya nyo udiyawe.

Maono 17:2

Afalume a dunia azinga naye, na atu a dunia nao akala akaayuswa ni nyo udiyawe dza mutu achiyelewa uchi.”

Aeburania 2:3

Dze swino hundawezadze kuepuka kutiywa adabu husiphojali wokofu urio mkpwulu namuna hino? Bwana Jesu mwenye ndiye ariyeandza kutangaza wokofu hinyo, na hara ariomsikira achihuhakikishira kala ni kpweli.

Ezekieli 28:9

Dze, undaenderera kuamba, “Mimi ni mlungu,” mbere za nyo akuolagao? Uwe undakala mutu tu, si mlungu, mikononi mwa hinyo akuolagao.

Sonono za Jeremia 4:17

Matso gehu gakaremwa kuphelephesa, kpwa kulorera msada ambao tahuuphahire; kula mwehu minarani hwarorera, taifa risiroweza kuhuokola.

Jeremia 5:31

manabii anatabiri handzo, na alavyadzi-sadaka analongoza kpwa mamlaka gao enye. Na atu angu anamendza ikale vivyo, ela mundahendadze siku ya mwisho ichifika?

Isaya 33:14

Enye dambi ario mwango Sayuni anakakama kpwa wuoga, nao anauza, “Hundasagaladze phatu pharipho na moho mkali, moho usioricha kuaka?”

Misemo 6:25

Usiaze unonowe mwako moyoni, wala usikubali akuvwehe kpwa kukutsuphira nyusi.

Misemo 7:10

Gafula yuya mchetu wakpwedzamsengerera yuya mvulana, naye akavwala mavwazi ga umalaya, ana mipango ya udiya.

Jeremia 22:23

Mwi atu a Lebanoni, msagalao nyumba za mierezi, mundauladze wakati ndiphogbwirwa ni utsungu, utsungu dza wa mchetu alondaye kudzivugula!”

Jeremia 30:14

Asenao na azembeo osi akakuyala, taakujali kpwa chochosi. Mana nkakupiga dza adui apigavyo, pigo ra mviha asiye na mbazi, kpwa sababu kosaro nkulu dambizo ni nyinji sana.

Obadiya 1:7

Hinyo osi achiogbwirana nawe andakuzola kula tsiiyo. Hinyo urioika nao chilagane andakuchenga na kukuturya. Asenao a chala na pete andakuchenga na akuhege, bila uwe mwenye kumanya.