Jeremia 38:7 - Digo Bible

⁷ Ela Ebedi-Meleki Mkushi yetulwa kpwa ajili ya utumishi kpwenye dzumba ra mfalume, wasikira kukala Jeremia akatiywa birikani. Wakati mfalume kala asegere Ryango ra Benjamini,

Jeremia 38:7 Referans Kwoze

Jeremia 37:13

Ela ariphofika Ryango ra Benjamini, mkpwulu wa arindzi aihwaye Irija mwana wa Shelemia, mdzukulu wa Hanania, achimgbwira nabii Jeremia achimuamba, “Uwe unachimbira ukadziunge na Akalidayo!”

Jeremia 29:2

Gaga ni bada ya mfalume Jekonia na nine na maofisaa ariotulwa a nyumbani mwa mfalume, vilongozi a Juda na a Jerusalemu, mafundi na enye vyanda, kuhalwa mateka kula Jerusalemu.

Amosi 5:10

Mwimwi nkummena aamuli aaminifu mo kotini, na nkutsukirirwa mashaidi agombao kpweli.

Kumbukumbu 21:19

phahi, nine na ise andamuhala amphirike kpwenye chikao cha angambi a mudzi.

Mathayo 20:16

Chimarigizo Jesu waamba, “Phahi a mwisho andakala a kpwandza na a kpwandza andakala a mwisho.”

Jeremia 34:19

Atu hinyo ni vilongozi a Juda na a Jerusalemu, aimirizi a muhala, atu ariotulwa, alavyadzi-sadaka na atu osi a yo tsi, ariotsupa kahi-kahi ya vyo vipande viiri vya ye mwana ngʼombe.

Jeremia 13:23

Dze, Mkushi anaweza kugaluza rangiye ya mwiri ama tsui kuusa mabarage? Nawe piya kuweza kugaluza kuhenda mai ukahenda manono.

Zaburi 68:31

Shaba nairehwe kula Misiri, Kushi ahende wangbwi kumuunurira mikono Mlungu.

2 Afalume 24:15

Amphirika Jehoyakini hadi Babeli phamwenga na nine, achee, akulu a jeshire, na akulu osi a tsi. Hinyo waahala mateka kula Jerusalemu achiaphirika Babeli.

Joshuwa 20:4

Iye muolagadzi andachimbirira mudzi mmwengawapho, akaime ryangoni na asemurire vilongozi a nyo mudzi ro richiromreha. Chisha aho vilongozi andamuhala akamuonyese phatu ili asagale kahi zao.

Isaya 56:3

Mjeni ariyedziunga na atu a Mwenyezi Mlungu asiambe, “Kpwa kpweli Mwenyezi Mlungu andanitenga na atue.” Naye ariyetulwa asiambe, “Mimi ni muhi mufu tu.”

Jeremia 20:2

Phahi Pashihuri achimpiga nabii Jeremia chisha achimfunga magogolo phatu phokala ryango ra dzulu ra Benjamini kahi ya yo nyumba ya Mwenyezi Mlungu.

Jeremia 26:16

Phahi nyo maofisaa na atu osi aambira alavyadzi-sadaka na manabii, “Mutu hiyu kafwaha kuhukumiwa chifo, mana akagomba naswi kpwa dzina ra Mwenyezi Mlungu, Mlungu wehu.”

Jeremia 38:8

Ebedi-Meleki watuluka mo dzumbani mwa mfalume achendamuamba,

Zakariya 14:10

Tsi yosi, kula Geba hadi Rimoni uphande wa mwakani wa Jerusalemu indahendwa ikale herera dza Araba. Ela Jerusalemu indasala pho dzulu iripho kula Ryango ra Benjamini hadi phokala Ryango ra Kare, hadi Ryango ra Pembeni na kula mnara wa Hananeli hadi phatu pha kuminyira zabibu pha mfalume.

Misemo 29:10

Atu amendzao kumwaga milatso nkuzira atu asio na ila na kulonda kuaolaga.