Jeremia 31:4 - Digo Bible

⁴ Nindakudzenga tsona uwe Iziraeli, nawe undakalato, uwe mwanamwali Iziraeli! Undahala tamburini uphiye ukavwine na atu ario na raha.

Jeremia 31:4 Referans Kwoze

Jeremia 33:7

Nindaauyiza atu a Juda na a Iziraeli kula ko arikotsamizwa kpwa lazima, nami ndahenda akale dza arivyokala pho mwandzo.

Jeremia 31:13

Ndipho asichana aho andavumba na kuhererwa, avulana na atumia andafwahirwa. Nindagaluza chiriro chao chikale raha, nindaaphoza marenda na kuahenda ahamirwe badala ya sonono.

Amosi 5:2

Mwanamwali Iziraeli akagbwa, na kandaunuka tsona. Akarichwa macheye kpwenye tsiiye, taphana mutu wa kumuunula.

Mahendo 15:16

‘Badaye, mimi Mlungu, nindauya nedze nidzenge uphya nyumba ya Daudi iriyogbwa. Nindauyiza kula kpwa masazage na niudzenge uphya tsona.

Zaburi 149:3

Naalike dzinare kuno anafwiha, naamupigire tamburini na zeze.

Luka 15:23

Chisha mrehe mwana ngʼombe wa kunona mumtsindze, ili huhendeni karamu na kusherekeya.

Sonono za Jeremia 2:13

Nigombeni kukuhusu? Nikulinganishe na chitu chani, uwe mwana mchetu wa Jerusalemu? Nikulinganishe na utu wani, ili niweze kukuphoza marenda, we mwanamwali, mwana mchetu wa Sayuni? Mana chirondacho china chivwa dza cha bahari. Ni ani awezaye kukuphoza?

2 Afalume 19:21

Riri ndiro neno arirogomba Mwenyezi Mlungu kumuhusu iye, ‘Ye mwanamwali wa Sayuni, anakubera na kukunyetera. Ye msichana wa Jerusalemu, anasukasuka chitswache nyumazo wakati unachimbira.

Sonono za Jeremia 1:15

Mwenyezi Mlungu waarema masujaa osi ariokala kahi yangu, waiha mkpwutano chinyume changu ili aapige ahana angu. Mwenyezi Mlungu akamvyoga-vyoga ye mwanamwali, mwana mchetu wa Juda, dza zabibu zivyogbwavyo.

Jeremia 31:21

“Ika alama mwako njirani, ika viguzo vikulongoze, itambukire vinono yo barabara kulu, yo barabara mriyophihira. Uya uwe mwanamwali Iziraeli, uyani kpwenu midzini.

Jeremia 18:13

Phahi mimi Mwenyezi Mlungu naamba hivi, “Uzani kula nyo atu a mataifa, ni ani achiyesikira mambo higa? Ye mwanamwali Iziraeli akahenda utu uyi sana.

Jeremia 1:10

Lola, ihi rero nkakupha mamlaka dzulu ya mataifa na falume, ungʼole na uvundze-vundze, ubanange na upendule, udzenge na uphande.”

Zaburi 69:35

Mana Mlungu andativya Sayuni na kudzenga midzi ya Juda na atumishie andasagala himo na kuimiliki.

Zaburi 51:18

Uonere mbazi mudzi wa Sayuni na uuhendere manono, uzidzenge tsona kuta za Jerusalemu.

Aamuli 11:34

Jefutha ariphokala anauya kpwakpwe kaya hiko Mizipa, mutu wa kpwandza kumlaki wakala mwanawe wa chichetu, yekala anapiga tamburini kuno anafwiha kpwa kuhamirwa. Ye msichana wakala ni mwana wa macheye. Jefutha kayakala na mwana wanjina wa chilume wala wa chichetu.

Amosi 9:11

Siku iyo nindauyiza tsona ufalume wa Daudi ambao ni dza nyumba iriyogbwa. Ndarekebisha myanya ya kuta zirikobomoka, na kuunula magandzoge na kuudzenga, dza urivyokala pho kare,

Jeremia 14:17

Aambire hivi, ‘Richa nimwagikpwe ni matsozi usiku na mutsi, bila ya kusira, mana mwanamwali, yani atu angu akalumizwa vibaya, akapigbwa pigo risiropigbwa mutu.

Isaya 37:22

riri ndiro neno arirogomba Mwenyezi Mlungu kumuhusu iye: ‘Ye mwanamwali wa Sayuni, anakubera na kukunyetera, Ye msichana wa Jerusalemu, anasukasuka chitswache nyumazo wakati unachimbira.

Zaburi 30:11

Uwe ukaniusira sonono na ukanihenda nifwihe kpwa kuhererwa, ukanivula nguwo za magunia ukanivwika raha,

Isaya 30:32

Chila pigo ndiropiga Mwenyezi Mlungu kuhumira ndataye ya kutiira adabu kundasikirwa sauti za tamburini na za ngephephe.

Jeremia 24:6

Nindaamanyirira ili aongokerwe na niauyize tsi ihi. Nindaadzenga nami sindaabomola, nindaaphanda wala sindaangʼola.

Jeremia 31:38

Mwenyezi Mlungu anaamba, “Wakati uredza ambapho mudzi uhu undadzengbwa luphya ukale mudzi wangu mtakatifu, kula mnara wa Hananeli hadi ryango ra pembeni.

Jeremia 46:11

Kpwera Giliadi ukahale dawa za mavune, uwe mwanamwali wa Misiri! Ela unahumira mihaso minji bure, na taphana ndiokuphoza.

Isaya 14:1

Mwenyezi Mlungu andaaonera mbazi atu a chivyazi cha Jakobo na aatsambule tsona akale atue. Andaauyiza edze asagale kpwenye tsi yao na ajeni andakpwedza agbwirane nao asagale phamwenga.