Jeremia 31:20 - Digo Bible

²⁰ Dze, Efuraimu si mwanangu mlume nimmendzaye? Dze, siye mwanangu ambaye nammendza? Dzagbwe nkugomba chinyumeche, nchere mtambukira. Kpwa hivyo moyo wangu unamuaza iye, kpwa kpweli ndamuonera mbazi, mimi Mwenyezi Mlungu nkaamba.

Jeremia 31:20 Referans Kwoze

Isaya 55:7

Mutu mui naariche uyiwe, na mutu asiye na haki naariche maazoge mai, amuuyire Mwenyezi Mlungu, naye andaonerwa mbazi. Naamuyire Mlungu wehu, naye andamswamehe tsetsetse.

Isaya 63:15

Hulole kula ko mlunguni, na uone kula kpwenye makalogo matakatifu ga nguma. U phaphi wivuo na uwezoo? Usiriche kuhuonera mbazi,

Zaburi 103:13

Dza viratu baba anavyoonera anae mbazi, ndivyo Mwenyezi Mlungu anavyoonera mbazi amuogophao.

Hosea 14:4

Mwenyezi Mlungu anaamba, “Nindaaphoza ko kukosa kpwao uaminifu, nindaamendza bila aho kunihendera utu. Mana sindaatsukirirwa tsona.

Aamuli 10:16

Chisha Aiziraeli achiusa hira milungu yao ya chijeni, nao achimuabudu Mwenyezi Mlungu. Naye Mwenyezi Mlungu kayavumirira tsona kuona mateso ga Aiziraeli.

Afilipi 1:8

Mlungu anamanya nagomba kpweli: naaza sana kukala namwi, na mendzwa yangu ila moyoni mwa Jesu Muokoli.

Luka 15:24

Kpwa mana kala naona mwanangu wafwa, kumbavi ni mzima, kala akaangamika na vino akaphahikana.’ Ndipho achiandza kusherekeya.

Jeremia 48:36

Kpwa hivyo moyo wangu unasononeka nami naririra Moabu dza chivoti, na moyo wangu unaririra atu a Kiri-Heresi dza chivoti. Utajiri wao ariouphaha ukaangamika.

Isaya 16:11

Moyo wangu unasononeka, nami narira dza ngephephe kuririra Moabu, Uhumbo wangu unaluma kpwa sababu ya Kiri-Haresethi.

Jeremia 31:9

Andauya na ndiro, kuno anavoya mavoyo ga kutubu. Nindaalongoza na kanda-kanda za vidzuho vya madzi, ndaalongoza na njira ya kugoloka ili asikpwale. Mana mimi ndimi ise wa Iziraeli, na Efuraimu ni mwana mlume wa kpwandza.”

Jeremia 3:19

Mimi náririkana nchiamba, Náaza kala ningekuharirani dza anangu na kukuphani tsi nono, urisi urio mnono kuriko mataifa gosi. Nami náona mundaniiha Baba, na tamundaricha kunilunga.

Wira wa Selemani 5:4

Wende wangu watiya mkpwonowe kuriko na tumbuu ya mryango, nao moyo wangu uchidunda kpwa ajiliye.

Misemo 3:12

Mana Mwenyezi Mlungu nkumtiya adabu ye ammendzaye dza vyo baba amtiyavyo adabu mwanawe ammendzaye.

1 Afalume 3:26

Yuya mchetu ariyekala ndiye nine wa mwana ariye moyo wamuonera mbazi mwanawe, achimuambira mfalume, “Nakuvoya mfalume, msimuolage mwana. Mrichireni iye ahale ye mwana ariye moyo.” Ela yuya mchetu wanjina waamba, “Hata! Mwana naasikale wangu wala wako. Naaganywe vipande viiri.”

Kumbukumbu 32:36

Hakika Mwenyezi Mlungu andaamula atue, na kuonera mbazi atumishie, wakati ndiphoona nguvu zao zikasira wala taphana chiyesala, busu au mutu huru.

Mwandzo 43:30

Halafu Yusufu wauka gafula, mana matsozi kala ganamrengarenga kpwa sababu ya kumuona nduguye. Achiinjira mwakpwe chumbani na achirira.

Luka 15:32

Ela ni lazima huhendeni karamu na kusherekeya kpwa sababu ya mwenenu, mana kala naona wafwa, kumbavi achere moyo, kala akaangamika na vino akaphahikana.’ ”

Jeremia 3:12

Phiya uphande wa vurini ukatangaze uambe, ‘Uya we Iziraeli usiye muaminifu, sindakutsukirirwa tsona mana mimi ni mwenye mbazi, mimi Mwenyezi Mlungu nkaamba. Sindatsukirwa ta kare na kare.

Jeremia 33:26

phahi ningerema cho chivyazi cha Jakobo na Daudi mtumishi wangu na nisingetsambula mmwenga wa chivyaziche kutawala chivyazi cha Burahimu, Isaka na Jakobo. Mana ndaaonera mbazi na niauyizire kuongokerwa kpwao.’ ”

Ezekieli 33:11

Aambire, ‘Kpwa kpweli dza niishivyo Mwenyezi Mlungu anaamba, sifwahirwa ni chifo cha mutu mui, ela ninahamirwa ni iye agalukaye, akaricha njiraze mbii na akale moyo. Richani njira zenu, richani! Kpwa utu wani mufwe mwi atu a Iziraeli?’

Alawi 26:44

Ela, phamwenga na higo gosi, ndiphokala tsi ya maadui gao, mimi sindaaricha wala kuamena hadi niaolage tsetsetse na kuvundza chilagane changu nao. Mimi, ndimi Mwenyezi Mlungu, Mlungu wao.

Isaya 30:18

Mwenyezi Mlungu anagodza kpwa hamu akukubalini na kukuonerani mbazi. Mwenyezi Mlungu ni Mlungu ahendaye haki, iye nkujaliya anaomkuluphira.

Sonono za Jeremia 3:22

Huchere moyo kpwa sababu ya mendzwa ya Mwenyezi Mlungu isiyosika, mbazize tazina mwisho,