Jeremia 30:23 - Digo Bible

²³ Lola, phuto ra Mwenyezi Mlungu! Tsukizi zikazuka, chikulukulu chikali, ndichopiga vitswa vya atu ayi.

Jeremia 30:23 Referans Kwoze

Zakariya 9:14

Chisha Mwenyezi Mlungu andatsembuka dzulu yao, na miviye indaphiya dza limeme. Mwenyezi Mlungu andapiga gunda na kunyendeka kpwenye chikulukulu kula mwakani.

Jeremia 25:32

Mwenyezi Mlungu, Mlungu wa majeshi anaamba: “Lola, mafwa garedza na kuphaha chila taifa mwenga hadi ranjina, na phuto kali rinazuka kula seemu za kure duniani!”

Misemo 1:27

Nduni iyo ndiphokugbwavukirani dza phuto, na mashaka genu ndiphokuphepherusani dza chikulukulu, hipho ziki na tabu ndiphokuphahani,

Zaburi 58:9

Naauswe upesi kabila taadzangbweelewa, naangʼolwe dza miya, mimea ya weruni au kpwekpwe, katika tsukizize Mlungu naaphepheruse kure wakati achere moyo.

Sonono za Jeremia 1:12

“Kale tamuona kusononeka kpwangu mwi mosi mtsupao? Lolani na muone ichikala kuna mwenye sonono dza sonono yangu ambayo Mwenyezi Mlungu wanirehera, ariphonigayisa yo siku ya tsukizize nyinji.

Jeremia 4:11

Wakati uho atu aha na a Jerusalemu andaambwa, “Phuto ra kuocha kula dzulu ya myango ko jangbwani rindapiga atu angu. Riro si phuto ra kupheha au kutakasa,