Jeremia 22:14 - Digo Bible

¹⁴ Iye aambaye, ‘Ndadzenga dzumba kulu ra gorofa ririro na vyumba vikulu vyenye nafwasi, nivitiye madirisha na nifwinike kutaze na mbao za muerezi chisha niipake rangi ya kundu.’

Jeremia 22:14 Referans Kwoze

2 Samueli 7:2

mfalume wamuambira nabii Nathani, “Lola, mino naishi nyumba ya mierezi ela ro sanduku ra Mlungu ri ndani ya hema.”

Hagai 1:4

“Dze uno ni wakati wa mwimwi kusagala nyumba nnono zopambwa na mbao za bei kuno nyumba yangu yo i viratu irivyobanangbwa-banangbwa?”

Malaki 1:4

Aedomu ambao ndio mbari ya Esau anaamba, “Dzagbwe hwapigbwa na midzi yehu ichibomolwa, hundauya tsona hwedze hugadzenge luphya higo magandzo gehu.” Ela hiye Mwenyezi Mlungu, Mlungu wa majeshi anaamba, “Hata akadzenga tsona, chisha mino ndabomola hadi iyo tsi yao iihwe ‘tsi ya uyi’ na hinyo enye, aihwe ‘atu arioreyerwa ni Mwenyezi Mlungu hata kare na kare.’

Danieli 4:30

iye waamba, “Uno si mudzi mkpwulu wa Babeli, ambao naudzenga kpwa nguvu zangu kpwa ajili ya nguma yangu ili ukale makalo gangu ga chifalume?”

Isaya 9:9

na osi hadi chila mmwenga kahi za Efuraimu na mudzi mkpwulu wa Samariya achikala anamanya. Ela akala a kudzikarya na visoto, nao achiamba,

Wira wa Selemani 1:17

Nguzo za nyumba yehu ni muhi uihwao muerezi, na maphaluge ni ga miboreshi.

Misemo 24:27

Mala kuhenda kazi za kondze, alafu utayarishe mundao, uchimala ndipho udzenge nyumbayo.

Misemo 17:19

Mutu amendzaye kondo anamendza dambi na adzikaryaye anadzitakira kubanangbwa.

2 Nyakati 3:5

Na cho chumba chikulu wachifwinika chosi na mihi ya miboreshi yofwinikpwa na zahabu swafi na achichora mitende na silisili dzuluye.

Ezekieli 23:14

Ela ye achienderera na nyo umalayawe. Waona michoro ya alume a Chikalidayo ukutani, yopakpwa rangi ya kundu.

Amosi 6:8

Mwenyezi Mlungu akaapa kpwa kudzihadza mwenye Mwenyezi Mlungu, Mlungu wa majeshi anaamba, “Natsukizwa ni ngulu za atu a Jakobo na kumena madzumba gao. Nami ndaulavya nyo mudzi wao na vyosi virivyo mumo kpwa maadui gao.”