Jeremia 21:14 - Digo Bible

¹⁴ Mwenyezi Mlungu anaamba, Nindakutiyani adabu kulengana na mahendo genu, ndatiya moho ko tsakani nao undaocha chila chitu chiricho kanda-kandaye.”

Jeremia 21:14 Referans Kwoze

Jeremia 32:19

Ushaurio na mahendogo ni makulu. Uwe unaona gosi gahendwago ni anadamu, uwe ukutuza chila mutu kulengana na tabiyaze na mahendoge.

Misemo 1:31

phahi, mundarya matunda ga mahendo genu, mundayugbwa ni werevu wenu enye.

Jeremia 52:13

Watiya moho nyumba ya Mwenyezi Mlungu, dzumba ra mfalume na nyumba zosi za Jerusalemu. Nyumba zosi za akulu wazitiya moho.

Jeremia 17:10

Mimi Mwenyezi Mlungu ndimi nchunguzaye achili za mwanadamu na kupima moyowe. Na kumuhendera chila mutu kulengana na tabiyaze na mahendoge.”

2 Nyakati 36:19

Chisha Nyumba ya kuvoya Mlungu yaochwa ni majeshi ga Nebukadineza na ukuta wa Jerusalemu uchibomolwa na madzumbage ga chifalume na miyo ya samani yosi ichibanangbwa.

Jeremia 9:25

Mwenyezi Mlungu anaamba, “Lola, wakati uredza ndiphoatiya adabu hara ariotiywa tsatsani chimwiri bahi,

Zakariya 11:1

Lebanoni, vugula miryangoyo, ili moho uoche mihiyo yiihwayo mierezi!

Jeremia 22:7

Nindakuikira atu ndio kuangamiza, chila mmwenga andakala na silahaye, nao andatema nguzo za miereziyo minono-minono, na azitsuphe mohoni.

Jeremia 11:22

Kpwa hivyo Mwenyezi Mlungu, Mlungu wa majeshi anaamba, “Lola, nindaatiya adabu. Avulana aho ndaangamiza kpwa upanga; ana aho alume na achetu andafwa na ndzala.

Jeremia 6:29

Tanu inaaka moho mkali, na vyuma vya risasi taviyayuka vikasira, sawa na atu ayi taauswa.

Isaya 37:24

Kutsupira atumishio, ukamʼbera Mwenyezi Mlungu, uwe ukaamba, “Kpwa magari gangu manji ga kuvwehwa ni farasi nikakpwera dzulu ya virere vya myangoni, hadi ndani ya Lebanoni. Nami nikatema mierezi mire-mire, na misonobariye minono-minono. Nikainjira hata seemuze za ndani-ndani, kpwenye tsakare ririro gigigi mihi.

Isaya 24:21

Wakati hinyo Mwenyezi Mlungu andatiya adabu vitu vyosi virivyo na uwezo ko mlunguni na afalume hipha duniani.

Isaya 10:12

Mwenyezi Mlungu anaamba, ndiphomala kuhenda achigopanga kuhendera Jerusalemu na Mwango wa Sayuni, andamtiya adabu mfalume wa Ashuru kpwa vira arivyo na ngulu na kudzikarya.

Isaya 10:16

Kpwa vira Ashuru ikadzikarya, Mwenyezi Mlungu, Mlungu wa majeshi andaatiya ukongo masujaa aho ario na miri aonde sana na kundahenda moho ndioangamiza mfalume, jeshire na mali yao yosi.

Jeremia 11:16

Wakati fulani Mwenyezi Mlungu wakuiha mzaituni mnono wenye matunda manono, ela kpwa kuvuma kpwa phepho kali andautiya moho na pandaze ziphye tsetsetse.

Jeremia 17:27

Ela ichikala tamundaniphundza na kuihenda Siku ya Kuoya kukala takatifu kpwa kusatsukula mizigo muinjirapho maryango ga Jerusalemu, phahi ndaasa moho usiozimika ndioocha maryango ga Jerusalemu na madzumba ga mudzi wa chifalume.” ’ ”

Jeremia 22:1

Mwenyezi Mlungu waniambira, “Tserera hadi nyumbani kpwa mfalume wa Juda, ukaambire atu maneno higa,

Jeremia 46:23

Aho andatema ro tsakare, dzagbwe tariinjirika. Mana ni anji kuriko ndzije, nao taaolangika, Mwenyezi Mlungu nkaamba.

Jeremia 50:32

Uwe mwenye ngulu, undakpwala na ugbwe, na taphana ndiyekuterya kuima. Nindaasa moho mo mwako midzini, nao undaocha osi akuzungulukao.

Sonono za Jeremia 2:3

Iye akaangamiza masujaa gosi ga Iziraeli kpwa tsukizize nyinji. Akausa mkpwonowe wa kulume kula kpwakpwe, wakati adui ariphomvamia. Iye akaocha Jakobo dza moho uakao, na kuocha chila chitu chimzungulukacho.

Misemo 12:14

Mutu anaweza kufanikishwa ni manenoge, dza vira kazi ya mikono inavyoweza kureha fwaida.

Jeremia 6:19

Phundza, we dunia yosi; nindareha utu mui kpwa atu hinya, garigo matunda ga uyi wao kpwa sababu ya kusaphundza maneno gangu na kurema shariya yangu.

Ezekieli 21:3

Uiambire, ‘Mwenyezi Mlungu anaamba hivi: Mimi ni chinyume na uwe Iziraeli. Nindatuluza upanga wangu chowani niolage atuo a haki na atu ayi.

Mika 7:13

Ela tsi indakala Gandzo, dza kutiywa adabu kpwa sababu ya mai arigohendera atu ariosagala himo.