Jeremia 20:18 - Digo Bible

¹⁸ Kpwa utu wani natuluka kula mo ndanini mwa mayo? Dze, natuluka ili niphahe tabu na sonono na kuishi maisha ga waibu?

Jeremia 20:18 Referans Kwoze

Ayubu 3:20

Kpwa utu wani mwanga ungʼazirwe alumirao, na uzima uhewe ario na sonono ya mioyo?

Sonono za Jeremia 3:1

Mimi ni ye mutu nchiyetsupira mateso kpwa fwimbo ya tsukizize.

Ayubu 14:1

Mwanadamu avyalwaye ni mchetu maishage sigo mare, tsona ga tele tabu.

Zaburi 69:19

Uwe unamanya ninavyolaphizwa na aibu yangu na kukoserwa ishima, aviha angu osi unaamanya.

Aeburania 13:13

Phahi naswi nahumlungeni kuko kondze ya mudzi, hukavumirire waibu dza iye arivyovumirira sana.

Aeburania 12:2

kuno hunamlola Jesu ambaye anahulongoza humkuluphire Mlungu. Na ndiye ahutiyaye moyo kumarigiza go mashindano ga mairo. Iye wavumirira chifo msalabani bila kujali waibu kpwa ajili ya furaha yokala inamgodzera, na kusagala mkpwono wa kulume wa chihi cha chifalume cha Mlungu, phatu pha ishima kulu.

Aeburania 11:36

Anjina azemererwa na kuchapwa milawa. Anjina nao afungbwa silisili na kutiywa jela.

Aeburania 10:36

Mana ra muhimu sana ni mvumirire ili mtimize mendzwa ya Mlungu, namwi mundaphokera chira aricholaga.

2 Timothi 1:12

Ndiyo mana ninagaya, ela siona waibu. Mana nammanya hiye nriyemkuluphira, tsona nina hakika andarinda iyo habari nono ariyoniikira mwangu mikononi hadi siku iyo ya mwisho.

Mahendo 5:41

Phahi hara mitume ariphokala anatuluka na hira ngambi, ahererwa sana kpwa mana Mlungu waharirwa kukala anafwaha kuphaha waibu wa kukiritwa viboko kpwa sababu ni afuasi a Jesu.

Johana 16:20

Nakuambirani kpweli, mundarira na kusononeka ela atu a himu duniani andahererwa. Mundakala na sonono ela sonono yenu indagaluka raha.

Sonono za Jeremia 1:12

“Kale tamuona kusononeka kpwangu mwi mosi mtsupao? Lolani na muone ichikala kuna mwenye sonono dza sonono yangu ambayo Mwenyezi Mlungu wanirehera, ariphonigayisa yo siku ya tsukizize nyinji.

Jeremia 8:18

Sonono yangu takuna awezaye kuyiusa nikafwa moyo.

Isaya 51:7

Niphundzani mwimwi mmanyao haki, mwimwi mmanyao shariya yangu mwenu mioyoni, msiogophe kulaphizwa ni atu, chisha msitishirwe ni chibero chao.

Isaya 1:6

Kula lihosini hadi lwayoni, taphana phazima ni majeraha na vitswetswe vironda ambavyo vinavudza tavidzangbwetsukutswa na kufungbwa mademu wala kuhurizwa kpwa kumwagirwa mafuha.

Ayubu 14:13

Kalapho ungenifwitsa kuzimu, na kunifwitsa hadi tsukizizo zidigirike ungenipangira wakati wa kunitambukira!

Ayubu 5:7

Mwanadamu nkudzirehera mwenye shida dza tsetse ziurukavyo kuphiya dzulu.

Zaburi 102:3

Mana siku zangu zinatsupa dza mosi, na mifupha yangu inaphya dza tanu.

Jeremia 3:25

Nahulale photsi kpwa waibu hurio nao na waibu wehu ukale wazi, mana hukamuhendera dambi Mwenyezi Mlungu, Mlungu wehu, swiswi na baba zehu hangu hu adide hadi rero. Tahuyaishimu sauti ya Mwenyezi Mlungu, Mlungu wehu.”

Jeremia 15:10

Ee maye mino! Baha kala sivyarirwe! Chila mmwenga tsi yosi ananipinga na kuheha nami. Sidzangbweaphaswa ni mutu wala kuaphasa mutu yeyesi ela osi ananilani.

Habakuki 1:3

Kpwa utu wani unihende nione uyi na nigaye? Atu a kubananga na a fujo a mbere zangu, kuna kuheha na kukosana vivyo kpwa vivyo.

1 Afalume 19:4

ela ye mwenye achinyendeka mwendo wa siku ndzima jangbwani achendasagala tsini ya muhi uihwao mretemu. Naye wavoya kukala afwe achiamba, “Inatosha! Mwenyezi Mlungu, ihale yo roho yangu, mana, mino simi bora kuriko ano baba.”

Jeremia 15:18

Kpwa utu wani kugaya kpwangu takusira chironda changu ni cha mrema, tachilonda kuphola. Dze, undanivundza moyo dza chidzuho cha madzi chiumacho?