Jeremia 20:11 - Digo Bible

¹¹ Ela uwe Mwenyezi Mlungu u phamwenga nami dza sujaa wa viha. Kpwa hivyo anigayisao andadzikpwala, na taandaweza kuniturya. Andaaibika sana, mana taandafwaulu. Takuna ndiye yala waibu wao.

Jeremia 20:11 Referans Kwoze

Jeremia 1:19

Andapigana nawe ela taandakuturya tse, mana ni phamwenga nawe ili nikuokole. Mimi Mwenyezi Mlungu nkaamba.”

Jeremia 1:8

Usiaogophe mana ni phamwenga nawe ili nikuokole. Mimi Mwenyezi Mlungu nkaamba.”

Jeremia 15:20

Nami ndakuhenda ukale imara dza ukuta wa shaba kpwa atu aha; andapigana nawe, ela taandakuturya mana ni phamwenga nawe nikuokole na kukukombola, mimi Mwenyezi Mlungu nkaamba.

Jeremia 17:18

Aifye hara anaonigayisa, ela mino usiniifye. Ahende agbwirwe ni wuoga ela usinihende nikakala muoga arehere siku mbii, uaangamize kpwa maangamizi kano mbiri.

Isaya 41:10

Usiogophe, mana mimi ni phamwenga nawe, usihende wasiwasi mana mimi ndimi Mlunguo, nindakutiya nguvu na nkuterye ndakugbwira na mkpwono wa kulume wa haki yangu.

Zaburi 6:10

Maadui gangu gosi gandaifika na kutishirwa sana, nago gandachimbira gafula kpwa waibu.

Zaburi 40:14

Naagbwirwe ni haya na atatizike, aho alondao kuniolaga. Naauyizwe nyuma na kukoserwa ishima, aho alondao niphahwe ni mai.

Zaburi 35:26

Hinyo anifyorerao nfikpwapho ni mai naaphahe waibu na atatizike aho adzikaryao chinyume changu naatiye waibu na aberwe.

Arumi 8:31

Vino, huambedze kuhusu mambo higa? Ichikala Mlungu a uphande wehu, kpwa kpweli takuna mutu awezaye kuhushinda.

Jeremia 23:40

Nami ndakuhendani mgbwirwe ni haya hata kare na kare, waibu wa kpwenderera ambao atu taandauyala.”

2 Timothi 4:17

Ela Mlungu wakala phamwenga nami na achinipha nguvu, ili niweze kutangaza chikamilifu ujumbewe kpwa atu osi asio kala Ayahudi, aphahe kuusikira. Phahi wanitivya ili nisiolagbwe.

Isaya 45:16

Osi atengezao vizuka andatiywa waibu na kuangalazwa, osi andaberwa.

Zaburi 66:5

Ndzoni mlole gara achigohenda Mlungu, mahendoge kahi za anadamu ganatisha.

Danieli 12:2

Atu anji ariofwa, andafufuka, anjina ainjire uzima wa kare na kare, na anjina aphahe waibu na kuberwa hata kare na kare.

Zaburi 65:5

Ee Mlungu, uhutivyaye ukuhujibu na kuhutivya kutsupira mahendogo ga kutisha, uwe uriye kuluphiro ra viumbe vyosi duniani kosi na vya bahari za kure.

Zaburi 47:2

Mana Mwenyezi Mlungu, Ariye Dzulu Kuriko Vyosi anaogofya, iye ni mfalume mkpwulu wa dunia yosi.

Isaya 41:14

Usiogophe uwe Jakobo, ambaye u dza mnyololo, mwimwi atu Aiziraeli, ‘Nindakuteryani!’ ” Ndivyo aambavyo Mwenyezi Mlungu, Mkombolio, Mtakatifu wa Iziraeli.

Zaburi 129:2

“Hangu ni barobaro maadui gangu ganigayisa sana, ela taakaweza kuniturya.

Jeremia 15:15

Ee, Mwenyezi Mlungu, unamanya chila chitu, nitambukira na wedze uniterye na uniriphizire nyo maadui gangu. Uwe unavumirira, usiniriche nikaangamika, manya kukala ninalaphizwa kpwa ajiliyo.

Jeremia 22:22

Arisa enu andakukuswa ni phuto na asena enu andahalwa mateka; phahi undagbwirwa ni haya na kuberwa kpwa sababu ya uyio.

Jeremia 32:18

Uwe ukuonyesa mendzwa isiyosika vivyazi vinji ela ukutiya adabu ana kpwa makosa ga ise zao. Ee Mlungu mwenye uwezo na mwenye nguvu, uihwaye Mwenyezi Mlungu, Mlungu wa majeshi.

Jeremia 1:18

Rero nkakuhenda ukale mudzi wenye ngome, mnara wa chuma na ukuta wa shaba. Undaweza kuima chinyume cha tsi ndzima, afalume a Juda, maofisaage, alavyadzi-sadaka na atu osi a tsi hiyo.