Jeremia 2:35 - Digo Bible

³⁵ unaamba, ‘Sina makosa, kpwa kpweli Mwenyezi Mlungu kanitsukirirwa tsona.’ Ela mino ndakuamula kpwa ko kuamba, ‘Sina makosa.’

Jeremia 2:35 Referans Kwoze

Misemo 28:13

Mutu afwitsaye dambize kandaongokerwa, ela mutu akubaliye makosage na kugaricha andaonerwa mbazi.

Arumi 7:9

Hipho dzuzi na dzana nriphokala simanya Shariya za Mlungu, kala nchionato na masagazi gangu. Ela nriphomanya Shariya zilondavyo, dambi ichizidi nguvu, mana náelewa kukala ni kama avi nkafwa, yani nkatengbwa na Mlungu.

Jeremia 25:31

Mbiru indasikirwa hadi mwisho wa dunia, mana Mwenyezi Mlungu andashitaki go mataifa, andaamula anadamu osi, na ayi andaolagbwa na upanga,” Mwenyezi Mlungu anaamba.

Jeremia 2:29

Kpwa utu wani munaninungʼunikira? Mwimwi mosi mkaniasi, mimi Mwenyezi Mlungu nkaamba.

Jeremia 2:23

Unawezadze kuamba, ‘Mino si najisi, silungire Mabaali?’ Lola urivyohenda mo deteni, tambukira urigohenda. Uwe u dza ngamia mchetu anyendekaye hiku na hiku,

Jeremia 2:9

Kpwa sababu hiyo, nindaenderera kulumbana namwi, mimi Mwenyezi Mlungu nkaamba. Chisha nindalumbana na adzukulu enu.

Isaya 58:3

Aho anaamba, ‘Kpwa utu wani hukafunga, ela kuhuona? Kpwa utu wani hunadzigayisa, ela Mlungu kalola?’ Wakati mkafunga mkuhenda mlondavyo enye, na kuaonera ahendadzi-kazi enu osi.

Ayubu 33:9

Uwe unaamba, ‘Mimi ni swafi, sina dambi, sina ila wala uyi.

Ezekieli 17:20

Nindamtsuphira nyavu yangu naye andagbwirwa ni muhambo wangu. Nindamphirika Babeli nkamuamule kuko kpwa kusakala muaminifu kpwangu.

Jeremia 16:10

Na wakati uchiambira maneno gaga atu aha andakuuza, kpwa utu wani ye Mwenyezi Mlungu akatangaza uyi huno mkpwulu chinyume chao. Piya andakuuza ana makosa gani na amuhendera Mwenyezi Mlungu, Mlungu wao dambi yani.