Jeremia 2:26 - Digo Bible

²⁶ Dza muivi agbwirwavyo ni waibu anaphogbwirwa ndivyo atu a Iziraeli ndivyogbwirwa ni haya: Aho, afalume aho na maofisaa gao, alavyadzi-sadaka aho na manabii ao.

Jeremia 2:26 Referans Kwoze

Jeremia 32:32

Kpwa sababu ya uyi wao ana a Iziraeli na a Juda akanitsukiza — aho, afalume ao, vilongozi ao, alavyadzi-sadaka na manabii ao, atu a Juda na a Jerusalemu.

Ezira 9:7

Kula siku za akare ehu hadi rero makosa gehu gakakala manji. Kpwa sababu ya uyi wehu swiswi, afalume ehu na alavyadzi-sadaka ehu, hwatiywa mikononi mwa afalume a tsi za chijeni, anjina ehu huchiolagbwa na upanga, huchihalwa mateka, huchifutwa mali zehu na huchiaibishwa dza irivyo rero.”

Arumi 6:21

Dze, majira higo mriphohenda higo mambo ambago sambi munaona haya nago, mwaphaha fwaida yani? Ukpweli ni kukala, tagana fwaida yoyosi, hata matokeo ga mambo higo ni chifo cha kare na kare!

Jeremia 48:27

Dze, Moabu, kuyamtseka Iziraeli? Kpwani wamgbwira na aivi, hata phophosi unasuka-suka chitswa chila ugombapho kumuhusu?

Jeremia 2:36

Mbona unadengereka sana na kugaluza njirazo? Undatiywa waibu ni atu a Misiri dza urivyohendwa ni atu a Ashuru.

Isaya 1:29

Mana mundagbwirwa ni haya, kpwa kuabudu vizuka kpwenye mialoni mriyoimendza, mundagbwirwa ni waibu kpwa sababu ya kuabudu kpwenye minda mriyoitsambula.

Ezekieli 16:54

ili ugbwirwe ni waibu kpwa gosi urigogahenda na kuaphoza marenda.

Ezekieli 22:26

Alavyadzie-sadaka akavundza shariya yangu na akavitiya najisi vitu vyangu vitakatifu. Taatafwautisha vitu najisi na vitu viswafi, na akaninajisi kahi yao kpwa kusagbwira siku zangu za kuoya.

Zakariya 5:4

Mwenyezi Mlungu, Mlungu wa majeshi anaamba, ‘Nindaihuma hino lana, nayo indamenya nyumbani mwa muivi na nyumbani mwa iye anayeapa wakati anagomba handzo. Indakala mumo hadi ibomole na kubananga mbaoze na mawege.’ ”

Zaburi 97:7

Osi anaoabudu vizuka naatiywe waibu, hinyo anaodzikarya kpwa sababu ya vizuka visivyo mana. Muabuduni mwi milungu mosi.

Isaya 44:9

Osi atengezao vizuka si chitu, chisha vyo vitu viafwahiravyo tavina fwaida yoyosi, na nyo avivoyao, ni vipofu chisha taamanya, nao andatiywa waibu.

Isaya 44:11

Lola, ayae osi andatiywa waibu, na nyo mafundi ni atu tu. Phahi osi naakusanyike phamwenga edze adzitetee, nao andaogopha na kutiywa waibu.

Jeremia 4:9

Siku iyo Mwenyezi Mlungu achiamba, “Mfalume na maofisaa andavundzika moyo, alavyadzi-sadaka andakala aoga na manabii andaangalala.”

Jeremia 22:22

Arisa enu andakukuswa ni phuto na asena enu andahalwa mateka; phahi undagbwirwa ni haya na kuberwa kpwa sababu ya uyio.