Jeremia 18:20 - Digo Bible

²⁰ Dze, manono nkuriphiwa na mai? Nao akanitsimbira dibwa, Tambukira nrivyoima mberezo kuavoyera manono ili uuse tsukizizo kpwao.

Jeremia 18:20 Referans Kwoze

Zaburi 57:6

Akanihegera chimia ili anigbwire, hata nafsi yangu inasononeka. Akanitsimbira dibwa phangu njirani ela akagbwa enye mumo.

Zaburi 35:7

Kpwa kukala anihegera muhego bila sababu na achinitsimbira dibwa bila chausa,

Zaburi 106:23

Kpwa hivyo achiamba andaangamiza, ela Musa, ariyemtsambula, achiakanira achimuhenda Mlungu asiaolage kpwa tsukizize.

Zaburi 35:12

Mino náhendera manono nyo ananiripha na mai, na akaricha roho yangu inasononeka.

Jeremia 18:22

Chiriro nachisikirwe mwao madzumbani undiphoarehera avamizi gafula, mana akatsimba dibwa ili nigbwe nao akahega mihego ili nigbwirwe.

Muhubiri 10:8

Atsimbaye dibwa anaweza kuvoromoka mumo ye mwenye, na abomolaye ukuta anaweza kuondzwa ni nyoka.

Misemo 26:27

Mutu atsimbiraye ayae lina andabovoka mwenye naye apingilisiraye ayae dziwe rindamfinyanga mwenye.

Zaburi 119:95

Atu ayi ananiotea aniangamize, ela mino naririkana malagizogo.

Johana 15:25

Hivyo arivyohenda atimiza, Maandiko gaambago, ‘Anizira bure.’

Johana 10:32

Ela achiaambira, “Nákuhenderani mambo manji manono kpwa uwezo wa Baba. Gosi higo nrigokuhenderani, nriphi ambaro rinakuhendani hata mtake kuniolaga?”

Jeremia 14:20

Hunakubali uyi wehu, ee Mwenyezi Mlungu, na makosa ga ano baba, mana hwakuhendera dambi.

Jeremia 11:14

“Kpwa hivyo Jeremia usiavoyere atu aha, usiniririre kpwa sababu yao, mana sindaaphundza tsetsetse wakati a kpwenye mashaka.

Jeremia 7:16

Mwenyezi Mlungu anaamba, “Jeremia, atu aha usiavoyere, kuaririra wala usinirai niaterye mana sindakusikira bii.

Misemo 17:13

Uchiripha mai kpwa manono, mai tagandatuluka mwako nyumbani.

Zaburi 38:20

Aho nrioahendera manono ananiripha mai kpwa sababu mino nalunga kuhenda manono.

Zaburi 7:15

Nkutsimba dibwa ra ndani sana, chisha akagbwa mumo ye mwenye.

Ayubu 6:27

Munaweza kupiga kura ili muhende anachiya akale atumwa, na kuguza asena enu.

1 Samueli 19:4

Ligundzure Jonathani wamuambira ise mambo manono garigohendwa ni Daudi achiamba, “Mfalume na asimuhendere mai mtumishiwe Daudi. Kpwa mana kadzangbwekukosera, chisha akuhenderago ni manono sana.

Jeremia 5:26

Mana atu ayi anaishi kahi ya atu angu ambao nkugodzera dza atu ahegao nyama a mapha Nkuhega mihego yao ili agbwire atu.

Jeremia 15:1

Chisha Mwenyezi Mlungu achiniamba, “Hata Musa na Samueli akaima mbere zangu kuavoyera, nisingehamirwa ni atu ano. Auseni mbere zangu na muariche auke!

Jeremia 18:19

Niphundza ee Mwenyezi Mlungu, phundza nyo ashitaki angu agombavyo!

Jeremia 27:18

Ichikala aho ni manabii na ichikala neno ra Mwenyezi Mlungu ri phamwenga nao, naavoye ili Mwenyezi Mlungu, Mlungu wa majeshi asiruhusu yo miyo ya nyumba ya Mwenyezi Mlungu, iriyo ndani ya nyumba ya mfalume wa Juda na ko Jerusalemu, iphirikpwe Babeli.

Sonono za Jeremia 3:59

Ukaona uyi niriohenderwa, ee Mwenyezi Mlungu kala muamuli wangu na uniuyizire haki yangu.

Jeremia 17:18

Aifye hara anaonigayisa, ela mino usiniifye. Ahende agbwirwe ni wuoga ela usinihende nikakala muoga arehere siku mbii, uaangamize kpwa maangamizi kano mbiri.