Jeremia 17:18 - Digo Bible

¹⁸ Aifye hara anaonigayisa, ela mino usiniifye. Ahende agbwirwe ni wuoga ela usinihende nikakala muoga arehere siku mbii, uaangamize kpwa maangamizi kano mbiri.

Jeremia 17:18 Referans Kwoze

Zaburi 35:4

Hinyo anaolonda kuniolaga naashindwe na agbwirwe ni waibu. Hinyo anaonipangira mai auyize nyuma na aogofyerwe.

Jeremia 20:11

Ela uwe Mwenyezi Mlungu u phamwenga nami dza sujaa wa viha. Kpwa hivyo anigayisao andadzikpwala, na taandaweza kuniturya. Andaaibika sana, mana taandafwaulu. Takuna ndiye yala waibu wao.

Jeremia 11:20

Ela uwe Mwenyezi Mlungu, Mlungu wa majeshi, uamulaye kpwa haki uwe ujezaye moyo na achili ya mutu, navoya uariphize chisasi mana nikakurehera chisa changu.

Zaburi 40:14

Naagbwirwe ni haya na atatizike, aho alondao kuniolaga. Naauyizwe nyuma na kukoserwa ishima, aho alondao niphahwe ni mai.

Zaburi 35:8

naangamizwe gafula! Muhego wao nauagbwire enye naagbwe kpwenye dibwa rao enye na aangamie!

Maono 18:6

Vivyo arivyoahendera anjina, namwi muhendereni vivyo. Tsona naahenderwe kano mbiri ya gara mai arigoahendera anjina. Halani cho chikombeche mumtiire kano mbiri ya nyo ukali ariokutiyani.

Jeremia 17:16

Sidzangbwericha kukala mrisa wala siaza siku ya chifo yedze. Uwe mwenye unamanya nrigogomba na kanwa yangu, nirigogomba ga wazi mberezo.

Jeremia 16:18

Nami nindaariphiza kano mbiri ya uyi wao na dambi zao. Mana akainajisi tsi na vizuka vyao visivyo na uhai na kuodzaza tsi ya urisi wangu na vizuka vya kutsukiza.”

Zaburi 71:1

Nikakuchimbirira uwe, ee Mwenyezi Mlungu, usiniriche nikagbwirwa ni waibu.

Zaburi 70:2

Naagbwirwe ni haya na aangalale, aho alondao kuniolaga. Naauyizwe nyuma na kukoserwa ishima, aho alondao niphahwe ni mai.

Ayubu 16:14

Iye ananilumiza mara kpwa mara, ananishambuliya dza sujaa.

Jeremia 14:17

Aambire hivi, ‘Richa nimwagikpwe ni matsozi usiku na mutsi, bila ya kusira, mana mwanamwali, yani atu angu akalumizwa vibaya, akapigbwa pigo risiropigbwa mutu.

Jeremia 1:17

“Funga nguwo zidine Jeremia! Unuka uaambire mambo gosi nikulagizago. Usiaogophe, sedze nikakuhenda ukakame kpwa wuoga mbere zao.

Jeremia 12:3

Ela uwe Mwenyezi Mlungu unanimanya unaniona na ukujeza moyo wangu vyo ukumendzavyo. Agurute dza mangʼondzi gaphirikpwago chitsindzironi, na kupangirwa siku ya kutsindzwa.

Jeremia 17:13

Ee Mwenyezi Mlungu uriye kuluphiro ra Iziraeli, osi anaokurema andaphaha waibu. Aho akurichao andaandikpwa mtsangani, mana akakuricha uwe Mwenyezi Mlungu, uriye pula ya madzi ga uzima.

Jeremia 17:19

Mwenyezi Mlungu achiniambira hivi, “Phiya ukaime ryango ra Benjamini, ryango ambaro rinahumirwa ni afalume a Juda kuinjirira na kutuluka, na maryango gosi ga Jerusalemu ambago atu osi nkugahumira kpwa kutsupira.

Kumbukumbu 33:11

Ee Mwenyezi Mlungu, jaliya maliye, na ukubali kazi za mikonoye, vundza nguvu za maaduige, nguvu za anaomzira ili asiunuke tsona.”