Jeremia 16:2 - Digo Bible

² “Kundalóla mchetu na kuphaha ana a chilume na a chichetu phatu hipha.

Jeremia 16:2 Referans Kwoze

Luka 23:29

Kpwa mana kundakpwedza wakati atu aambe, ‘Baha achetu ambao taavyarire!’

Luka 21:23

Shaka rani ro achetu a mimba na amwisao siku hizo! Kundakala na tabu kulu sana tsi hiyo, na utsungu wa Mlungu undaapiga atu a tsi hiyo.

Mwandzo 19:14

Hipho, Lutu watuluka achendaambira achumba a anae achetu, achiaambira, “Upesi, ukani hipha; Mwenyezi Mlungu a phephi auangamize huno mudzi.” Ela aho achiona ni machani.

Mathayo 24:19

Shaka rani ro achetu a mimba na amwisao siku hizo!

Jeremia 16:1

Chisha Mwenyezi Mlungu achiamba,

Jeremia 16:3

Mana ye Mwenyezi Mlungu anaamba vivi kuhusu nyo ana alume na achetu ndiovyalwa hipha, na nyo ano mayo na ano baba ndioavyala.

Jeremia 29:6

Lólani achetu mvyale nao ana a chilume na a chichetu. Alózeni achetu ana enu alume na ana enu achetu naalólwe ili aweze kuvyala ana alume na achetu. Hakikishani munaenjerezeka kuko msiphunguke.

Sonono za Jeremia 2:22

Uwe waiha maadui gangu dza ualikaye atu siku ya sikukuu nao akanizunguluka chila uphande, Na siku ya tsukizi za Mwenyezi Mlungu takuna ariyechimbira au ariyetiya osi nrioaereka na kuarera akaolagbwa ni adui wangu.