Jeremia 16:16 - Digo Bible

¹⁶ “ ‘Mwenyezi Mlungu anaamba, “Nindaphirika avuvi anji akagbwire atu aha. Chisha nindaphirika akala anji, aindze kula chila mwango na chidzango na kula mafwitso ga panga za mawe.

Jeremia 16:16 Referans Kwoze

Amosi 4:2

Mwenyezi Mlungu akaapa kpwa utakatifuwe kuamba, “Kpwa kpweli siku ziredza, mndiphogurutwa na viloo, hata ye wa mwisho andagbwirwa na viloo vya kulowera ngʼonda.

Mika 7:2

Atu aaminifu kpwa Mlungu akauswa kpwenye tsi. Takuna hata mmwenga achiyesala wa hinyo ahendao garigo sawa. Atu osi anagodza kpwa hamu aphahe nafwasi ya kuolaga, chila mmwenga anaindza myawe na nyavu.

1 Samueli 26:20

Phahi usiriche milatso yangu imwagike photsi kure na tsi ya Mwenyezi Mlungu; mana mfalume wa Iziraeli akanitulukira ili aindze uhai wangu, dza vira mutu aindzavyo kpware mwangoni.”

Jeremia 25:9

phahi, ndahuma makabila gosi ga tsi ya vurini na mtumishi wangu Nebukadineza mfalume wa Babeli. Nami nindahenda apige tsi ihi na osi akalao mumo na mataifa ganjina jirani. Mimi nindakuangamizani tse na kukuhendani mkale atu a kuzemererwa na a kuberwa hata kare na kare. Mimi Mwenyezi Mlungu nkaamba.

Amosi 5:19

Ni dza mutu achimbiraye simba, akakutana na dubu. Ama mutu ainjiraye nyumbani akajejemeza mkpwonowe ukutani, na akaondzwa ni nyoka.

1 Samueli 24:11

Aya lola baba, hata hiri pindo ra vwaziro ri mwangu mkpwononi! Ichikala nkarikata hiri pindo ra vwaziro na sikuolagire, umanye kukala sina uyi nawe wala sina njama ya kukuasi. Unaniindza uniolage dzagbwe mimi sidzangbwekukosera.

Isaya 2:21

Atu andazorera pangani hiko myambani na kpwenye myanya kahi-kahi ya mawe, kpwa sababu ya kutisha kpwa Mwenyezi Mlungu, na nguma ya endziye, ndiphounuka kusumbisa dunia.

Isaya 7:19

Nao andakpwedza ahurire kpwenye madete gasigo na chitu na kpwenye panga za mawe na dzulu ya vidori vyosi na dzulu ya marisa gosi.

Jeremia 4:29

Ndiphosikira misindo ya anajeshi akuhumira farasi na atu a maha atu a chila mudzi andachimbira. Anjina andachimbirira tsakani, anjina akapande myambani. Midzi yosi indarichwa wekee, taphana mutu ndiyesagala mumo.

Jeremia 6:9

Mwenyezi Mlungu, Mlungu wa majeshi anaamba, “Amaleni tsetsetse nyo Aiziraeli achiosala dza mutu atsembwesavyo tsupiza mkpwonoo mo pandani dza mutu adolaye zabibu.”

Jeremia 49:5

Lola, nindahenda majirani genu gakuogofyereni chila uphande. Mosi mundazolwa kpwenye tsi yenu, na takundakala na mutu wa kuterya ndioangamika, Mwenyezi Mlungu, Mlungu wa majeshi anaamba.

Sonono za Jeremia 4:18

Maadui ahulunga-lunga nyago hadi nyago hata huchikala tahuweza kunyendeka mwehu njirani. Mwisho wehu wasengera phephi, siku zehu kala zikaolangbwa, kpwa kpweli mwisho wehu kala ukafika.

Hosea 10:10

Pho ndiphokata shauri nindakutiyani adabu, mataifa ganjina gandaungana gakupigeni nao andakufungani silisili kpwa sababu ya dambi zenu nyinji.

Zefania 1:12

Wakati uho nindamwirika Jerusalemu na taa na niipeleleze. Nindaatiya adabu atoshekao na hali yao, hinyo aambao mwao mioyoni, ‘Mwenyezi Mlungu kandahenda rorosi nono wala iyi.’

Sonono za Jeremia 4:19

Nyo ariohuzoresa kala ni epesi kuriko makozi ko mlunguni ahuzoresa ko myangoni, achihuoteya ko weruni ahugbwire.