Jeremia 15:18 - Digo Bible

¹⁸ Kpwa utu wani kugaya kpwangu takusira chironda changu ni cha mrema, tachilonda kuphola. Dze, undanivundza moyo dza chidzuho cha madzi chiumacho?

Jeremia 15:18 Referans Kwoze

Jeremia 30:15

Kpwa utu wani unarizwa ni chirondacho? Kulumirako takuna dawa. Mana makosago ni makulu, dambizo ni nyinji sana. Nami nkakuhendera mambo gaga.

Ayubu 34:6

Dzagbwe sina makosa, ela natalwa kukala wa handzo, dzagbwe sina uasi, vironda vyangu taviphola.’

Mika 1:9

Mana chirondache ni cha chirema, chikaambukiza Juda. Chikafika hadi ryango ra Jerusalemu, phephi na ko atu angu asagalako.

Jeremia 30:12

Mana Mwenyezi Mlungu anaamba: virondavyo tavilagulika, na chirondacho tachina dawa.

Jeremia 20:7

Ee Mwenyezi Mlungu wanichenga, nami nchichengeka; uwe una nguvu kunishinda nawe ukaniturya. Atu anasinda dii kunitseka, chila mutu ananibera.

Jeremia 14:19

Dze, Juda ukarema tsetsetse? Dze, moyoo ukatsukizwa ni Sayuni? Kpwa utu wani ukahupiga vino hata tahuweza kuphola? Hwatazamiya amani, ela tahuyionere, hwatazamiya kuphola, badalaye hwaphaha vitisho.

Jeremia 14:3

Akulue anahuma atumishi akaheke madzi, achifika ko mabirikani anakosa madzi anauya na nyungu zao tuphu; akagbwirwa ni haya na kuangalala.

Zaburi 6:3

Nayugika sana mwangu moyoni. Ee Mwenyezi Mlungu, usikae kuniphoza!

Mika 1:14

Kpwa hivyo undaapha enyezi a Moreshethi Gathi zawadi za kulagana. Atu a mudzi wa Akizibu andakala chitu chisichookola kpwa afalume a Iziraeli.

Ayubu 14:11

Dza madzi ga ziyani gaumavyo, na madzi ga muho ganavyokoma kujera na kuuma.

Jeremia 20:18

Kpwa utu wani natuluka kula mo ndanini mwa mayo? Dze, natuluka ili niphahe tabu na sonono na kuishi maisha ga waibu?