Jeremia 14:22 - Digo Bible

²² Dze, kahi ya yo milungu ya mataifa ganjina kuna anayeweza kureha mvula? Au ko mlunguni kunaweza kureha mvula kpwenye? Uwe macheyo ndiwe uwezaye, ee Mwenyezi Mlungu, Mlungu wehu! Uwe ndiwe kuluphiro rehu, mana uwe ndiwe uhendaye gaga gosi.

Jeremia 14:22 Referans Kwoze

Joeli 2:23

Hererwani mwi atu a Sayuni, pigani njerejere na muhamirwe ni Mwenyezi Mlungu, Mlungu wenu. Iye akakuonyesani mbazize kpwa kukureherani mvula ya vuri kpwa chipimo cha haki na ya mwaka dza irivyokala hangu mwandzo.

Jeremia 5:24

Mwao mioyoni taamba, “Nahumuogopheni Mwenyezi Mlungu, Mlungu wehu, ahuphaye mvula kpwa wakatiwe, mvula za vuri na za mwaka na siku za kuvuna.”

Zaburi 135:7

Iye ndiye ahendaye maingu gakazuka, chila pembe za dunia atengezaye limeme ra mvula, na kureha phepho kula kpwenye nyumbaze za kuika hazina.

Isaya 30:23

Mwenyezi Mlungu andahenda mvula inye kpwa ajili ya mbeyu zenu mchizophanda. Minda yenu indavyala mtsere munji na mifugo yenu indaphaha nyasi nyinji za kurisa.

Kumbukumbu 32:21

Akanifyakatsira kuona wivu kpwa chitu chisichokala mlungu kpwenu, akanitsukiza kpwa vizuka vyao. Kpwa hivyo nindakuhendani muaonere wivu atu ambao sio Ayahudi, nindakutsukizani kpwa kuhumira taifa risiro na ufahamu.

Jeremia 51:16

Atuluzapho sauti, madzi nkuvuma ko mlunguni, nkuhenda guro rikapanda kula pembe za tsi. Nkumeka limeme wakati wa mvula, na kureha phuto kula kpwenye nyumbaze za kuikira akiba.

Jeremia 16:19

Ee Mwenyezi Mlungu uriye nguvu yangu na ngome yangu, uriye kuluphiro rangu wakati wa tabu, ko kpwako mataifa ganjina gandakulunga kula pembe za dunia na kuamba, “Sowe zenu taayakala na chitu isiphokala milungu ya handzo ambayo taiyaafwaha chitu.

Jeremia 10:15

Tavina mana yoyosi, ni vitu vya kuberwa, wakati wa kutiywa adabu vindaangamika.

Isaya 41:29

Lola, milungu yosi ni bure, kazi yao si chitu, vizuka vyao ni dza phepho tu.”

Zaburi 130:5

Namgodzera Mwenyezi Mlungu, moyo wangu unagodzera, matumaini gangu ni kpwenye nenore.

Zaburi 25:21

Ukamilifu na uaminifu wangu naunirinde mana nakukuluphira uwe.

1 Afalume 17:14

Kpwa kukala, Mwenyezi Mlungu, Mlungu wa Iziraeli, anaamba, ‘Unga urio ndani ya nyunguyo taundaphunguka wala mafuha garigo ndani ya tupa tagandasira, hadi phara mimi Mwenyezi Mlungu ndiphoreha mvula dzulu ya tsi.’ ”

1 Afalume 17:1

Phahi Elija kula chidzidzi cha Tishibi ko Giliadi wamuambira mfalume Ahabu, “Kama Mwenyezi Mlungu, Mlungu wa Iziraeli aishivyo, Mlungu ambaye namuhumikira, takundakala umande wala mvula miaka hino michache yedzayo hadi ndiphogomba.”

Kumbukumbu 28:12

Mwenyezi Mlungu andakuvugurirani hazinaye nono kula mlunguni na kureha mvula kpwenye tsi kpwa wakatiwe na kubariki kazi zenu. Mundaapasa mataifa manji, ela mwimwi tamundaaphaswa.

Mika 7:7

Ela mino ninamlola Mwenyezi Mlungu, ndamgodza Mlungu muokoli wangu, Mlungu wangu andasikira chiriro changu.

Amosi 4:7

“Chisha nchizuwiya mvula isinye kpwenu wakati kala bado miezi mihahu mguwe. Náhenda mvula inye mudzi mmwenga, na kuhenda mvula isinye mudzi wanjina. Munda mmwenga uphahe mvula na nyo munda ambao tauyaphaha mvula unyale.

Jeremia 10:13

Atuluzapho sauti, madzi nkuvuma ko mlunguni, nkuhenda guro rikapanda kula pembe za tsi. Nkuhenda limeme wakati wa mvula, na kureha phuto kula kpwenye nyumbaze za kuikira akiba.

Isaya 30:18

Mwenyezi Mlungu anagodza kpwa hamu akukubalini na kukuonerani mbazi. Mwenyezi Mlungu ni Mlungu ahendaye haki, iye nkujaliya anaomkuluphira.

Zaburi 147:8

Iye nkufwinika mlunguni na maingu, tsi akaipha mvula, nkuhenda nyasi zimere dzulu ya vidzango.

Zaburi 27:14

Mkuluphire Mwenyezi Mlungu. Dina chilume, wala usivundzike moyo. Mkuluphire Mwenyezi Mlungu!

Zaburi 25:3

Usimriche anayekukuluphira akagbwirwa ni waibu ela aifye osi achengao ayawao bila sababu.

Ayubu 5:10

Iye ndiye ahendaye tsi ikaphaha mvula, na ahendaye madzi gakafika mindani.

1 Afalume 18:1

Ziriphotsupa siku nyinji bila mvula, katika mwaka wa hahu wa kukosa mvula, Mwenyezi Mlungu wagomba na Elija achiamba, “Phiya ukadzionyese kpwa mfalume Ahabu nami ndareha mvula.”

1 Afalume 8:36

phahi usikire hiko mlunguni, ukaswamehe dambi za atumishio, atuo Aiziraeli. Afundze atuo njira nono ambayo unalonda ailunge na urehe mvula kpwenye tsi uriyoapha atuo ikale urisi wao.

Mathayo 5:45

ili mkale dza Sowe yenu ariye mlunguni. Mana nkuhenda dzuware riangʼarire atu anono na ayi, na mvula ikanya kpwa atu a haki na asio haki.

Jeremia 5:12

Akagomba handzo kuhusu Mwenyezi Mlungu, na kuamba, ‘Kandahuhenda rorosi, takuna rorosi iyi ndirohuphaha, taundaolagbwa na upanga wala ndzala.

Jeremia 10:3

Mana mila za atu aha ni za handzo. Muhi nkukatwa kula tsakani, fundi akautsonga na patasi.

Hosea 2:7

Iye andaalunga azembee ela kandaaphaha andaaendza ela kandaaona. Ndipho andaamba, “Nindauya kpwa mlume wangu, mana hiko nakala vinono kuriko vi nirivyo sambi.”

Ayubu 28:26

na ariphoikira mvula amuri, na yo njira ya limeme,

Jeremia 10:12

Ela Mlungu ndiye ariyeumba tsi kpwa uwezowe, achiimarisha dunia kpwa ikimaye na kpwa kuelewakpwe achitandaza mlunguni.

Mika 5:6

Andatawala tsi ya Aashuru kuhumira upanga, iyo tsi ya Nimurodi kula phakpwe maryangoni. Andahutivya na Aashuru, hipho Aashuru ndiphokpwedza kpwenye tsi yehu na kuvuka miphaka yehu.